Búnaðarrit - 01.01.1948, Blaðsíða 232

226
B Ú N A Ð A R R I T
margir hrútar verið sýndir í Strandasýslu. Það var
liaustið 1935. Þótt féð í Strandasýslu hafi lengi verið
íómað fyrir vænleika og kjötgæði, þ. e. gott lag á
kroppunum, þá hafa hrútar þar aldrei vegið mjög
mikið á fæti, fáir vegið meira en 100 kg. En Kleifa-
féð hefur yfirleitt mun meiri fallþunga í hlutfalli við
þunga á fæti en annað fé hér á landi. Lömb af Ivleifa-
kyni leggja sig oft með um 44% kjöt, en lömb af þing-
eysku kyni frá 37—39% kjöt. Þessi góði eiginleiki
Kleifafjárins olli því, hve fé í Strandasýslu reyndist
vel á blóðvelli, miðað við þunga á fæti.
Hrútarnir vógu eins mikið og meira nú en áður í
Strandasýslu, þrátt fyrir fjárskiptin í suðurhluta
sýslunnar. Fullorðnu hrútarnir, en þeir eru allir af
gamla stofninum, vógu nú 94 kg að meðaltali eða 3
kg meira en 1945 og 8 kg meira en 1931. Þeir vetur-
gömlu vógu nú að meðaltali 74.4 kg eða 1.4 kg meira
en 1945 og 4.7 kg meira en 1931. Þess ber að vísu að
gæta að hrútarnir í Árneshreppi voru nú ekki sýndir,
en þeir hafa að undanförnu dregið allverulega niður
meðalþunga hrútanna í sýslunni. Fyrstu verðlaun
hlutu nú 73 hrútar í sýslunni eða 23%, en 1945 hlutu
29 % sýndra hrúta I. verðlaun.
Bæjarhreppur. Þátttaka í sýningunum þar var ágæt
og bændur mjög áhugasamir um kynbætur hins ný-
fengna stofns. Sýndir voru 83 hrútar, allir vetur-
gamlir. Þeir vógu að meðaltali 74.3 kg Aðeins 6 þeirra
lilutu I. verðlaun, 18 II. verðlaun, 28 III. verðl. og 31
var kastað.
Það var ömurlegt að horfa á þessa hrúta í Bæjar-
hreppnum, og enginn viðstaddur mundi el'tir jafn
lélegum hrútum þar á sýningu áður. I fáum sveitum
á landinu hefur verið jafn vel gert ogvglæsilegt fé, það
sem af er þessari öld eins og í Bæjarhreppi í Stranda-
sýslu. Það er því von, að bændum þar bregði við.
Haustið 1945 voru sýndir 30 fullorðnir hrútar í
k