Heilbrigðismál - 01.09.1983, Blaðsíða 15

Umferðarslys sem dánarorsök:
Helmingur látinna
yngri en 25 ára
1983. í kjölfar áróðurs fyrir notkun
bílbelta í sumar er urn annar hver
ökumaður og farþegi í framsæti far-
inn að nota belti. Svo virðist sem belt-
in séu meira notuð í þjóðvegaakstri
en í innanbæjarakstri, og minnst á
litlum þéttbýlisstöðum. —jr.
Mænuskaðaðir:
Löng meðferð
Á norrænu umferðarslysaráð-
stefnunni kynnti Sigrún Knútsdóttir,
sjúkraþjálfari á Endurhæfingardeild
Borgarspítalans, athugun á 63
manns sem höfðu komið á spítalann
með mænuskaða á árunum 1973 —
83. Rúmur helmingur þeirra, eða
32 manns, hafði lent í umferðarslysi,
þar af 20 í bílveltu úti á þjóðvegi.
Flestir voru undir þrítugsaldri.
Meðaldvalartími þessa fólks á
sjúkrahúsi var 10,2 mánuðir en nær
fimmti hver var þar í meira en eitt
ár. Aðeins einn þeirra sem lentu í
umferðarslysunum hafði verið með
bílbelti og var það rangt notað. -jr.
Umterðarlæknis-
fræðifélagið:
Strangari lög
Umferðarlæknisfræðifélag ís-
lands, sem stofnað var í ntars, hefur
lagt tillögur fyrir nefnd þá sem vinn-
ur að endurskoðun umferðarlaga.
Félagið leggur til að notkun
bílbelta í aftursætum bifreiða verði
lögbundin og beitt verði sektum ef
út af er brugðið, hertar verði kröfur
um ökukennslu og aukin viðurlög ef
ekið er á gangandi vegfarendur á
gangbraut. Þá vill félagið að há-
markshraði í íbúðahverfum verði
lækkaður í 35 km á klst. og að skylt
verði að nota ökuljós á hvaða tíma
sólarhrings sem er. Að því er varðar
vélhjól leggur félagið til að ökuljós
verði notuð allt árið, lágmarksaldur
ökuréttinda á létt bifhjól verði 16 ár
í stað 15 ára, og að gerðar verði
meiri kröfur en nú til þeirra sem fá
slík réttindi. Loks leggur félagið til
að lágmarksaldur barna sem mega
vera á reiðhjólum í umferðinni
hækki úr 7 árum í 9 ár.
Síðan bílaöldin gekk í garð hafa
um níu hundruð íslendingar látist í
umferðinni. Fyrsti bíllinn kom til
landsins sumarið 1904, næsta ára-
tuginn bættust örfáir við, en árið
1924 voru orðnir um 300 bílar hér á
landi.
Fyrsta banaslysið í bílaumferðinni
mun hafa orðið sumarið 1916. Fram
undir 1940 urðu slysin flest fimm á
ári, en sum árin lést enginn í um-
ferðarslysum (síðast bar slíkt við
árið 1935). Mikil breyting varð á
fimmta áratugnum og síðan má
segja að ekkert lát hafi verið á þess-
ari öldu umferðarslysa. Síðustu tvo
áratugina hafa banaslysin í umferð-
inni orðið flest 39 árin 1975 og 1977,
en fæst voru þau árið 1968, 11.
Miðað við 100.000 íbúa var dánar-
Banaslysin í umferðinni:
ALDURSSKIPTING LÁTINNA
Fjöldi látinna í hverjum aldursflokki
árin 1976-80 (alls 100 karlar og 38 konur)
Karlar
Konur
HEILBRIGÐISMÁL 3/1983 15