Fréttablaðið - 27.01.2010, Blaðsíða 20
27. janúar 2010 MIÐVIKUDAGUR2
Land Cruiser 150 var frumsýndur
á Íslandi í upphafi árs. Hér er um
að ræða töluvert endurhannaðan
bíl bæði að utan og innan.
Ytra byrðið er allt mun straum-
línulagaðra en það var á Land
Cruiser 120 bílnum. Brettakant-
ar eru innfelldir og ljós að framan
og aftan mun töffaralegri. Að inn-
anverðu má einnig sjá töluverðar
breytingar. Rými fyrir farþega er
meira en áður þar sem bíllinn er
aðeins stærri auk þess sem sætin
eru nettari og taka minna pláss.
Mælaborðið hefur fengið nýtt útlit
og kannski má helst hnýta í hönn-
unina þar, sem er heldur kassa-
laga í svo fínan bíl, en hentar jú ef
til vill ágætlega jeppafólkinu sem
sækir í að eiga bílinn.
Land Cruiser 150 er búinn
þriggja lítra túrbódísilvél sem
skilar 173 hestöflum. Vélin vinn-
ur vel úr aflinu og slær ekki af í
bröttum brekkum. Bíllinn er búinn
sítengdu fjórhjóladrifi ásamt tregð-
ulæsingu og auk þess nokkrum
skemmtilegum eiginleikum á borð
við DAC (stjórn hraða niður brekku
og HAC (aðstoð við að taka af stað
í brekku).
Aðrar skemmtilegar nýjungar
sem má nefna eru opnanleg aftur-
rúða, 220 V rafmagnsinnstunga
í farangursrýminu og lykla-
laus opnun og ræsihnappur auk
bluethooth-möguleika.
Bíllinn fæst í þremur útfærslum
LX, GX og VX. Reynslueknar voru
GX- og VX-gerðirnar og var nokk-
ur munur á þeim. Augljósasti mun-
urinn er líklega verðið. Sjálfskiptur
GX kostar 10,4 milljónir og VX dís-
ilútfærslan kostar 12,3 milljónir.
Hægt er að fá allar gerðir 150-
bílsins með sjö sætum og er frá-
gangurinn í kringum aukasæt-
in ein þeirra nýjunga sem hefur
heppnast einstaklega vel. Nú eru
aukasætin í skottinu felld niður
í gólfið. Það er því aðeins hærra
en venjulega en varla þannig að
tekið sé eftir því. Í VX útgáfunni
eru sætin reist upp og felld niður
með einum rafknúnum takka. Þá
er einnig auðvelt að komast að öft-
ustu sætunum öfugt við marga
aðra bíla. Miðjusætin eru færanleg
og er einnig hægt að fella niður í
gólfið þannig að geymslurýmið er
næstum ótakmarkað.
Í VX útgáfunni er bakkmynda-
vél sem fer af stað um leið og sett
er í bakkgír. Þá er einnig rafknúin
KDSS-fjöðrun sem gerir akstur
á holóttum vegum mun þægi-
legri. Tæknin gerir það að verk-
um að bensíngjöfin, bremsurnar
og spólvörnin aðlagast sjálfkrafa
akstursskilyrðum hverju sinn. Þá
setja smáatriði eins og kælibox í
miðstokki punktinn yfir i-ið í VX-
útgáfunni.
Á heildina litið er ekki hægt
að verða fyrir vonbrigðum með
Land Cruiser. Hann stendur ávallt
fyrir sínu en skemmtilegt er að
sjá hve mikið hefur verið lagt í að
koma með nýjungar inn í þennan
klassíska bíl. solveig@frettabladid.is
Beðið eftir Land Cruiser
Land Cruiser-jepparnir hafa notið eindæma vinsælda á Íslandi í fjöldamörg ár. Margir hafa greinilega
beðið spenntir eftir hinum nýja Land Cruiser 150 enda hafa 26 bílar selst frá frumsýningu 8. janúar.
Bílinn má fá sjö manna og er hægt að fella aukasætin ofan í gólfið í skottinu. Í VX-
útgáfunni er það gert með rafmagnstakka.
Allt innra rými hefur fengið nýtt útlit.
Sautján Land Cruiser 150 seldust strax eftir frumsýningu bílsins 8. janúar. FRÉTTABLAÐIÐ/GVA
REYNSLUAKSTUR
TOYOTA LAND CRUISER 150
Vélastærð: Túrbódísilvél 3,0 lítra
sjálfskipt.
Hestöfl: 173
Eyðsla, blandaður akstur: 8,1
0-100 km/klst: 11,7 sek.
Þyngd: 280-2400
Stærð farangursrýmis: 621-1151
Plús: Ljúfur í akstri, gott pláss og
kraftur.
Mínus: Verð sem slagar upp í íbúða-
verð. Vélahljóð í dísilvél sem venst þó
furðu fljótt.
BLOOMBERG -fréttaveitan
hefur greint frá því að General
Motors muni líklega selja fyrir-
tækið Saab til Spyker Cars.
Smáauglýsingar
Fréttablaðsins
eru einnig á visir.is