Fréttablaðið - 27.01.2010, Blaðsíða 34
22 27. janúar 2010 MIÐVIKUDAGUR
timamot@frettabladid.is
„Ég held að þetta verði stór hátíð, um-
fangsmikil og víðförul, enda kemur
hún til með að teygja sig út um alla
borgina,“ segir Skúli Gautason sem
ásamt Guðríði Ingu Ingólfsdóttur
heldur utan um Barnamenningarhátíð
í Reykjavík sem haldin verður dagana
19. til 25. apríl næstkomandi.
Hátíðinni er ætlað að fara fram víða
um borgina, ofan í sundlaugum, uppi
í Esjuhlíðum, á skólalóðum, á öldum
ljósvakans, á götum úti og svo mætti
lengi telja. Tilgangurinn er að beina
sjónum að menningu barna, menningu
með börnum og menningu fyrir börn.
Matarmenning og málþing, íþróttir
og innivera, leiklist og listdans getur
verið innifalið í því. Í raun flestir flet-
ir menningar sem skýra tengingu hafa
við börn og barnamenningu.
Höfuðborgarstofa hefur skipulagn-
ingu og kynningarmál hátíðarinnar á
sinni könnu. Að sögn Skúla koma þó
ýmsir aðilar að undirbúningi hennar.
Hann segir hugmynd að slíkri hátíð
hafa verið í gerjun í nokkur ár. „Í
fyrravor stóðum við fyrir litlum við-
burði til að átta okkur á hvernig land-
ið liggur. Svo kom að því að við feng-
um grænt ljós á að halda stóra hátíð í
vor og þá var bara rekið í gír og haf-
ist handa við undirbúning. Þessa dag-
ana vinnum við af fullum krafti til að
freista þess að gera þetta eins vel og
hægt er.“
Skúli segir hugmyndina hafa fengið
góðar viðtökur. „Fólk hefur tekið þessu
betur en við þorðum að vona. Margir
eru með eitthvað í bígerð fyrir hátíð-
ina. Það er mjög áhugavert þegar svona
margir leggja hönd á plóg og gera eitt-
hvað skemmtilegt. Einna skemmtileg-
ast er að fylgjast með samstarfi alls
kyns ólíkra aðila fara í gang; leikskól-
ar eru í samstarfi við íbúasamtök og
eldri borgara, fyrirtæki ætla að bjóða
krökkum að setja upp myndlistarsýn-
ingar á göngunum hjá sér og fleira.
Kannski erum við að læra um mikil-
vægi samvinnu á krepputímum.“
Þema þessarar fyrstu Barnamenn-
ingarhátíðar í Reykjavík er forvitni.
Spurður hvernig þemað komi til með
að tengjast inn í dagskrá hátíðarinn-
ar segir Skúli það verða að koma í ljós.
„Við vorum dálítið lengi að velja þema,
því eðli góðra þema er að kveikja á
góðum hugmyndum en alls ekki að
þrengja að og skerða hugmyndaflugið.
Forvitni er sniðugt þema sem kemur
til með að birtast í ótal myndum og
sérstaklega á þann hátt sem fáa órar
fyrir.“
Skúli og Guðríður leita nú logandi
ljósi að góðum hugmyndum sem færa
mætti í framkvæmd á hátíðinni í vor.
Sett hefur verið á fót Facebook-síða
þar sem áhugasamir geta kastað hug-
myndum á milli sín. Þeim er einnig
bent á að hafa samband við Skúla og
Guðríði hjá Höfuðborgarstofu.
kjartan@frettabladid.is
BARNAMENNINGARHÁTÍÐ Í REYKJAVÍK: VERÐUR HALDIN Í APRÍL
Uppákomur úti um allan bæ
HÁTÍÐ Skúli og Guðríður eru á höttunum eftir góðum hugmyndum fyrir hátíðina sem haldin verður í vor. FRÉTTABLAÐIÐ/ANTON
Elskuleg mágkona mín,
Guðrún Guðmundsdóttir
frá Víkingavatni,
Dalbraut 16, Reykjavík,
sem lést 16. janúar sl., verður jarðsungin frá
Langholtskirkju fimmtudaginn 28. janúar kl. 13.00.
Fyrir hönd aðstandenda,
Jónína Sigurborg Jónasdóttir.
Ástkær móðir okkar,
Guðrún Erla Jónasdóttir
lést á hjúkrunarheimilinu Eir 13. janúar sl. Útförin
hefur farið fram í kyrrþey að ósk hinnar látnu. Þökkum
öllum auðsýnda samúð og hlýhug í okkar garð.
Fyrir hönd ástvina,
Vilborg Baldursdóttir
Jónas Baldursson
Ástkær eiginmaður, faðir, tengdafaðir,
afi og langafi,
Jóhann Vilhjálmsson
prentari, Ægisíðu 78, Reykjavík,
andaðist á Borgarspítalanum sunnudaginn 24. janúar.
Útförin fer fram frá Neskirkju, miðvikudaginn
3. febrúar kl. 13.00. Þeim sem vilja minnast hans er
bent á Ljósið – endurhæfingar- og stuðningsmiðstöð
fyrir krabbameinsgreinda og aðstandendur þeirra.
Margrét Ólafsdóttir
Vilhjálmur Svan Jóhannsson Sesselja R. Henningsdóttir
Valgerður Jóhannsdóttir Jakob H. Magnússon
Ólafur Jóhannsson Helga Sigurðardóttir
Laufey Jóhannsdóttir Jan B. Thomsen
Þráinn Jóhannsson Erna Andreassen
barnabörn og barnabarnabörn.
Ástkær eiginmaður minn, faðir okkar,
sonur, tengdasonur og bróðir,
Jónas Helgi Ólafsson
pípulagningameistari,
Tjarnargötu 20, Vogum,
lést af slysförum, fimmtudaginn 21. janúar. Útförin fer
fram frá Víðistaðakirkju, föstudaginn 29. janúar
kl. 13.00.
Guðrún Andrea Einarsdóttir
Aron Sune Jónasson
Einar Óli Jónasson
Stefán Ingi Jónasson
Andrea Helga Ósk Jónasdóttir
Valgerður Stefánsdóttir Gunnar Ásgeir Jósefsson
Jósef Karl Gunnarsson
Ása Guðmundardóttir Einar Finnsson
Rósa Hrönn og fjölskylda.
Bróðir minn og frændi okkar,
Kristinn Ólafsson
fyrrverandi bóndi og landpóstur
Hænuvík,
verður jarðsunginn frá Sauðlauksdalskirkju
föstudaginn 29. janúar kl. 13.30.
Dagbjörg Una Ólafsdóttir
Guðjón Bjarnason og fjölskylda
og önnur systrabörn.
Tilkynningar um merkis atburði, stórafmæli og
útfarir má senda á netfangið timamot@frettabladid.is.
MERKISATBURÐIR
98 Trajanus verður keisari
Rómar við lát Nerva.
1606 Réttarhöld yfir samsær-
ismönnum í Púðursam-
særinu hefjast.
1880 Thomas Alva Edison
sækir um einkaleyfi fyrir
raflampa.
1888 National Geographic
Society stofnað í Wash-
ingtonborg.
1907 Bríet Bjarnhéðinsdóttir
stofnar Kvenréttindafélag
Íslands.
1940 Þjóðargrafreiturinn á
Þingvöllum vígður við
útför Einars Benedikts-
sonar.
1957 Samsýning kvenna á lista-
verkum og bókum opnuð
í Þjóðminjasafninu í tilefni
af 50 ára afmæli Kvenrétt-
indafélags Íslands.
LEWIS CARROLL
FÆDDIST ÞENNAN DAG.
„Segðu alltaf sannleikann. Hugs-
aðu áður en þú talar. Skrifaðu svo
niður það sem þú segir.“
Lewis Carroll (1832-1889), sem raun-
verulega hét Charles Lutwidge Dodg-
son, var breskur heimspeking-
ur, rökfræðingur, stærðfræðingur,
ljósmyndari, prestur og rithöfund-
ur. Þekktastur er hann fyrir að hafa
skrifað bókina Lísu í Undralandi og
framhald hennar Gegnum spegilinn.
Verzlunarmannafélag Reykjavíkur var stofnað á
þessum degi árið 1891.
Upprunalega var félagið stofnað af laun-
þegum og atvinnurekendum í verslunar-
stétt. Það hefur hins vegar verið hreint
launþegafélag frá árinu 1955. Þá var nafni
félagsins breytt í VR á aðalfundi þess þann
26. apríl 2006. Tilgangur þess hefur þó
haldist óbreyttur allt frá upphafi, en hann er
að vinna að breyttum kjörum og auknum
réttindum félagsmanna.
Þess má geta að Th. Thorsteinsson var
fyrsti formaður félagsins. Núverandi for-
maður er Kristinn Örn Jóhannesson, sem
tók við starfinu 2009.
Heimild: www.vr.is.
ÞETTA GERÐIST: 27. JANÚAR 1891
Verzlunarmannafélag
Reykjavíkur stofnað
Auglýsingasími
– Mest lesið