Fréttablaðið - 10.03.2010, Page 15

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
ÚTIVIST ELDRI OG HELDRI BORGARA Ferðafélag Íslands
stendur fyrir gönguferðum á þriðjudögum og fimmtudögum klukkan
14. Á þriðjudögum hittast þátttakendur við Árbæjarlaug og á fimmtu-
dögum við Nauthól í Nauthólsvík. Í þessum ferðum er vegalengd og
gönguhraði stillt í samræmi við virðuleika þátttakenda.
„Ég gjörsamlega kolféll fyrir borg-
inni, hef farið þangað fimm sinn-
um síðan og ætla aftur í sumar. En
fyrsta heimsóknin er alltaf eftir-
minnilegust,“ segir Harpa Stef-
ánsdóttir kennari um ferðalag sitt
og Selmu vinkonu sinnar til New
York fyrir tíu árum.
Þær stöllur eiga góða vinkonu
sem bjó í New York og býr reyndar
enn og því hægur leikur að spara
pening með frírri gistingu þegar
þær eiga leið yfir hafið. En sum-
arið 2000 ákváðu þær að skella sér
í sannkallaða skvísuferð, eins og
Harpa orðar það.
„Þetta var í fyrsta skipti sem við
vorum einar í Bandaríkjunum og
mér er mjög minnisstætt hversu
litla íslenska hjartað kom upp í
okkur með mjög reglulegu milli-
bili,“ segir Harpa. „Strax á JFK-
flugvellinum urðum við gríðarlega
hræddar. Við höfðum verið varað-
ar eindregið við að taka svartan
leigubíl og beðnar lengstra orða
að halda okkur við viðurkennda
leigubíla. Við vorum varla komnar
út úr flugstöðvarbyggingunni fyrr
en bílstjóri reif af okkur töskurn-
ar, henti þeim í skottið á einum
svörtum og benti okkur á að setj-
ast inn. Við stóðum þarna skjálf-
andi og töfsuðum í margar mínút-
ur áður en við gátum stunið upp
að við vildum ekki fara með leigu-
bílnum og bílstjórinn var langt því
frá ánægður með þau málalok, svo
ekki sé meira sagt.“
Þeim tókst þó að finna viður-
kenndan leigubíl, en á leiðinni inn
í borgina tók óöryggið völdin aftur.
„Selma tók upp á því að rifja upp
söguþráð myndarinnar The Bone
Collector, sem hafði verið frum-
sýnd árið áður, og fjallar um leigu-
bílstjóra sem ekur um og myrðir
ferðalanga. Það hjálpaði ekki upp
á taugaveiklunina,“ segir Harpa.
Vinkonurnar voru mjög með-
vitaðar um að þær voru staddar í
stórborg alla tíu dagana sem ferð-
in tók og segir Harpa að lítið hafi
þurft að gerast til að þær hafi byrj-
að að öskra og hlaupa, hræddar
um að lenda í skotárásum eða ein-
hverju þaðan af verra. „En samt
var þetta ótrúlega gaman og við
fengum iðulega hláturskast yfir
þessari smáborgaralegu hræðslu
í okkur. Þættirnir um Beðmálin
í borginni voru upp á sitt besta á
þessum tíma og við fengum okkur
að sjálfsögðu Cosmopolitan-kokteil
við hvert tækifæri, þótt ekki hefð-
um við efni á að sækja sömu dýru
staðina og Carrie og þær,“ segir
Harpa og hlær.
„Við sáum eitthvað nýtt á hverj-
um degi, fórum í Central Park,
Guggenheim-safnið, rákumst á
leikarann Dennis Hopper í Soho-
hverfinu, kíktum á hinn goðsagna-
kennda skemmtistað Studio 54 og
margt fleira. Það er allt æði í New
York. Þetta er besta borg í heimi,“
segir Harpa Stefánsdóttir.
kjartan@frettabladid.is
Nötraði í Nýju-Jórvík
Harpa Stefánsdóttir kennari féll fyrir New York í fyrstu heimsókn sinni fyrir áratug. Hún fékk iðulega
hláturkast yfir „smáborgaralegri“ hræðslu sinni við ýmislegt sem helst sést í sjónvarpi og kvikmyndum.
Hörpu þótti leikarinn Dennis Hopper nokkuð ráðvilltur á svip þegar hann rakst utan í hana í Soho-hverfinu í New York. Hún lagði
þó ekki í að spjalla við hann, enda kurteis Íslendingur. FRÉTTABLAÐIÐ/GVAUWAGA KIEROWCY
Kurs na prawo jazdy
kategorii C i CE dla Polaków
rozpocznie sie 12 marca
o godz 18.00. Kurs bedzie
tlumaczony na jezyk polski.
Hringdu í síma
ef blaðið berst ekki