Fréttablaðið - 12.03.2010, Side 16
16 12. mars 2010 FÖSTUDAGUR
nær og fjær
„ORÐRÉTT“
Hulda Jónsdóttir, fiðluleik-
arinn ungi sem stundar
nám við Juilliard í Banda-
ríkjunum, fékk styrk til
frekara náms úr minning-
arsjóði Gunnars Thorodd-
sen. Hulda segir Íslendinga
trúlega eiga furðu marga
fulltrúa í skólanum, miðað
við höfðatölu, einn í hverri
deild. Námið sé dýrt og
styrkurinn komi sér vel.
„Allt hjálpar til og svo er náttúr-
lega mikill heiður að vera valin,“
segir Hulda Jónsdóttir, fiðluleikari
á 19. aldursári sem stundar nám
við Juilliard-tónlistarháskólann í
New York í Bandaríkjunum. Hún
hlaut í vikunni 400 þúsund króna
styrk ur minningarsjóði Gunnars
Thoroddsen, fyrrverandi borg-
arstjóra og forsætisráðherra, til
frekara náms í fiðluleik við skól-
ann. Hanna Birna Kristjánsdóttir
borgarstjóri afhenti Huldu styrk-
inn í Höfða.
Styrkveitingin er sú tuttugasta
og fjórða sem veitt er úr sjóðnum,
en styrkþegar hafa bæði verið
félagasamtök og einstaklingar
sem hafa starfað að mannúðar-,
heilbrigðis- og menningarmálum.
Í umfjöllun Reykjavíkurborgar
um styrkveitinguna kemur fram
að Hulda hafi komið fram á tón-
leikum með virtum tónlistarmönn-
um bæði hér heima og erlendis og
hlotið fjölda viðurkenninga, þar
á meðal verðlaun í einleikara-
keppni á vegum Sinfóníuhljóm-
sveitar Íslands og Listaháskólans
árið 2008.
Fram kemur að Hanna Birna
hafi við afhendingu styrksins sagt
Huldu eiga framtíðina fyrir sér í
tónlistinni og að hún væri einstak-
lega vel að styrknum komin. Styrk-
veitingin væri þakklætisvottur
fyrir framlag hennar til íslenskr-
ar tónlistar, en um leið styrkur til
að feta nýjar brautir í tónlistinni.
Hulda hóf nám í Juilliard-tónlist-
arháskólanum í fyrrahaust og er
að klára fyrsta ár af fjórum í BA
námi. Hún segir styrkinn nú skipta
allnokkru máli, enda kosti töluvert
að stunda nám í skólanum, sem er
einn sá virtasti í heimi. Hún seg-
ist standa straum af kostnaðinum
með blöndu af styrkjum frá skólan-
um sjálfum, styrkjum hér heima,
námslánum og framlagi frá for-
eldrum sínum.
Nokkrir Íslendingar hafa stund-
að og stunda núna nám við Juill-
iard. „Og miðað við höfðatölu eru
það örugglega ótrúlega margir.
Núna erum við ein í hverri deild,
sem hefur aldrei gerst áður. Venju-
lega hafa þetta allt verið tónlist-
arnemendur. Íslendingar eiga
því nokkuð marga fulltrúa hérna
miðað við margar aðrar þjóðir.“
Hulda býr á heimavist skólans
og kveður nóg við að vera námsins
vegna. Lítið sé því um að nemend-
ur komi fram utan viðburða sem
skólinn stendur að sjálfur. „Og
raunar mega fyrsta árs nemend-
ur ekki taka að sér verkefni utan
skólans, en á öðru ári má eitthvað
fara að vinna fyrir sér. En þetta er
svo erfitt nám að fólk er lítið í ein-
hverju öðru.“
Að námi loknu segir Hulda óráð-
ið að mestu hvað taki við. Mögu-
lega bæti hún við sig mastersgráðu
og sjái svo til hvernig málin þró-
ist. Í öllu falli sjái hún þó fyrir sér
feril í tónlist. „Jájá, vonandi alla-
vega. Maður væri varla að leggja
þetta á sig annars.“
olikr@frettabladid.is
Styrkurinn skiptir
máli enda námið dýrt
LEIKIÐ FYRIR GESTI Hulda Jónsdóttir fiðluleikari spilaði verk eftir Bach fyrir gesti í
Höfða á þriðjudag eftir að hafa veitt móttöku styrk úr minningarsjóði Gunnars Thor-
oddsen. FRÉTTABLAÐIÐ/VALLI
„Jú, þetta er nýyrði,“ segir Katr-
ín Anna Guðmundsdóttir, baráttu-
kona fyrir jafnrétti kynjanna, um
titilinn sem hún ber í símaskránni
– jafnréttishönnuður.
Katrín er jafnframt höfund-
ur hugtaksins. Hún segir hug-
myndina að því komna úr tveimur
áttum. „Árið 2003 kom Margareta
Winberg, sem þá var varaforsætis-
ráðherra Svíþjóðar, til Íslands og
hélt erindi um jafnrétti í Norræna
húsinu. Í ræðu sinni nefndi hún að
við þekktum í raun ekki heim jafn-
réttis, því við búum ekki í honum.
Jafnrétti væri
því eitthvað sem
við þyrftum að
búa til, eins og
tölvu eða hverja
aðra afurð.
Síðan gáfu
vinkona mín,
Sólveig Stefáns-
dóttir, grafísk-
ur hönnuður, og
maðurinn henn-
ar, Valdór Gíslason arkitekt, út rit
sem hét Hönnun til framtíðar. Þar
var fjallað um mikilvægi hönnun-
ar í framtíðarskipulagi þjóða og
hvað hönnunarvitund skipti miklu
máli á öllum sviðum til að móta það
samfélag sem við sækjumst eftir.
Úr þessum tveimur hugmyndum
setti ég saman hugtakið jafnréttis-
hönnun. Það felur í sér að jafnrétti
er eitthvað sem við þurfum búa
til, við þurfum að hafa fyrir því og
úthugsa það vel og skipulega.“
Að sögn Katrínar Önnu getur
hver sem er tekið upp titilinn jafn-
réttishönnuður – svo framarlega
sem viðkomandi er umhugað um
að stuðla að jafnrétti. - bs
Nýjum titlum fjölgar í símaskránni:
Titlar sig jafnréttishönnuð
■ Hákarl hefur verið nefndur
ýmsum nöfnum á íslensku.
Meðal þeirra eru: axskeri, blágot,
blápískur, brettingur, deli, got,
grágot, gráni, hafkerling, háskerð-
ingur, hvolpur, raddali, rauðgot,
skauli, skerill, skufsi.
★Deli var haft um stutta digra
hákarla, dusi um stóran hákarl,
gotungur um feitan hákarl, lopi
um miðlungsstóran, níðingur um
hákarl sem var styttri en fimm
álnir, hundur, raddali, skauli og
snókur um lítinn hákarl og ælingi
var haft um hákarl sem var á
mörkum þess að vera talinn
hirðandi.
HÁKARL
NÖFN SÝNA MIKILVÆGI
KATRÍN ANNA
GUÐMUNDSDÓTTIR
SJÓÐURINN VAR STOFNAÐUR ÁRIÐ 1985
Minningarsjóður Gunnars
Thoroddsen, fyrrverandi
borgarstjóra og forsætis-
ráðherra, var stofnaður af
hjónunum Bentu og Val-
garð Briem 29. desember
1985, þegar liðin voru 75 ár
frá fæðingu Gunnars. Á vef
Upplýsingastofu Háskóla
Íslands um nám erlendis
kemur fram að sjóðurinn
sé í vörslu borgarstjórans
í Reykjavík, en við stofnun
hans hafi verið kveðið á um
að borgarstjórinn ákvæði
úthlutun úr honum að
höfðu samráði við Völu
Thoroddsen, ekkju Gunnars
heitins. Vala lést árið 2005.
Fyrstir til að hljóta styrk úr
sjóðnum voru þeir Jóhann
Pétur Sveinsson lögfræðing-
ur og Gunnar Guðbjörnsson
söngvari.
GUNNAR
THORODDSEN
„Við erum á fullu að búa til sérskreyttar ístertur,
undirbúa okkur fyrir fermingarnar, sem skella á
eftir hálfan mánuð, og páska. Það er mjög gaman
enda mikið að gera næstu tvo mánuði,“ segir
Guðrún Hafsteinsdóttir, markaðsstjóri Kjöríss í
Hveragerði. Ofan á allt er hún á fullu að undirbúa
árlegt veggspjald fyrirtækisins þar sem nýjungar
sumarsins verða kynntar.
Guðrún segir ísframleiðendur finna
mikinn mun á veðurfari. Veturinn hafi verið
góður og sala á ís því með besta móti í
fyrra og á fyrstu mánuðum þessa árs. Þegar
tekið hafi að snjóa fyrir hálfum mánuði hafi
íssala dregist hratt saman. Í þíðunni nú hafi
salan tekið kipp á ný. Reikna má með
stíganda yfir sumarið sem nær hámarki í
júlí. „Sumarið er okkar vertíð og því komumst við
lítið í sumarfrí. Á móti gerum við okkur dagamun
í góðu veðri og setjumst út stétt í hádeginu. Um
miðjan ágúst dregur úr þessu enda tekur þá sumri
að halla,“ segir hún og bætir við að haust og vorfrí
séu mun algengari í þessum geira en öðrum.
Hjá Kjörís eru 46 starfsmenn og eru
karlmenn rúmur helmingur. Guðrún segir
tæplega tuttugu karla taka þátt í átakinu
mottu-mars sem felur í sér söfnun
yfirvaraskeggs til stuðnings átakinu karlar
og krabbamein. „Þetta er skemmtileg
tilbreyting,“ segir Guðrún en viðurkennir
að mottan fari sumum vel en öðrum
illa. Í seinna tilvikinu sé þeim til happs
að átakið sé í mánuð.
HVAÐ ER AÐ FRÉTTA? GUÐRÚN HAFSTEINSDÓTTIR, MARKAÐSSTJÓRI KJÖRÍSS
Ísframleiðendur fá ekki sumarfrí
■ Það getur verið bagalegt að rugla saman orðatiltækjum. Ungur
maður reyndi eitt sinn að hughreysta vin sinn sem hafði verið
hryggbrotinn á þá leið að það væru „fleiri stelpur í sjónum“.
Fyrir nokkrum árum gáfu örlátir starfsmenn tölvuverslunar
sjúkrahúsi einu leikjatölvu, tölvuleiki og mynddiska til að „stytta
yngstu sjúklingunum lífið“ eins og komist var að orði í fréttatil-
kynningu.
Þingmaður gagnrýndi ríkisstjórnina á dögunum með þeim orðum
að hún færi eins og „köttur í kringum heitan eld“. Fræg var ræða
annars stjórnmálamanns, sem sagði við opnun á hjúkrunarheim-
ili fyrir aldraða, að eldri borgarar vildu líka „fylgjast með tímans
tönn“. Þá sagðist maður í sjónvarpsviðtali á dögunum ekki ætla að
kjósa, því hann vildi ekki losa þingmenn við þeirra blóraböggla.
Það er ágæt regla að nota ekki önnur orð og orðatiltæki en þau
sem maður kann skil á. Ein besta leiðin til að auka orðaforðann er
lestur. En munum að brennd bók forðast eldinn.
TUNGUTAK
Fleiri stelpur í sjónum …
Auglýsingasími
Allt sem þú þarft…
Heilbrigðiskerfið hvað!
„Þetta var alveg ömurlegt og
heppni í rauninni að þeir hafi
ekki kálað mér með þessu
rugli.“
ELÍAS BJARNHÉÐINSSON
TÓNLISTARMAÐUR UM REYNSLU
SÍNA AF HEILBRIGÐISKERFINU.
Fréttablaðið 10. mars.
Skítur á skít ofan
„Við erum bara skíthrædd við
þetta Baugsdæmi allt saman
og ef einhver skítur kemur
upp þar.“
SÆVAR JÓNSSON KAUPMAÐUR
UM FÆRSLU LEONARDO Á AÐRA
KENNITÖLU.
DV 10. mars.
Auglýsing sjávarútvegs- og landbúnaðarráðuneytis-
ins um veitingu leyfa til hrefnuveiða árið 2010
Með auglýsingu þessari vill ráðuneytið gefa aðilum kost á að
sækja um leyfi til hrefnuveiða en skilyrði fyrir veitingu leyfanna
koma fram í reglugerð nr. 359/2009 um breytingu á reglugerð
nr. 163 30. maí 1973, um hvalveiðar.
Skilyrði fyrir veitingu leyfa til hrefnuveiða eru eftirfarandi:
1. Að minnsta kosti einn úr áhöfn hafi reynslu af hrefnuveiðum.
Við mat á því hvort aðili hafi reynslu af hrefnuveiðum er sú krafa
gerð að aðili hafi a.m.k. verið samfellt í þrjá mánuði skytta á
hrefnuveiðibát. Heimilt er Fiskistofu að meta jafngilda annars-
konar reynslu eða þekkingu svo að hún fullnægi áskilnaði skv.
þessari grein.
2. Skyttur sem annast veiðar og afl ífun dýra skulu hafa sótt
viðurkennt námskeið í meðferð skutulbyssa og sprengiskutla og
í afl ífunaraðferðum við hvalveiðar. Auk þessa skal skytta hafa
fullnægjandi skotvopnaleyfi .
Þá er kveðið á um veiðiaðferðir og veiðibúnað sem skip sem
ætluð eru til hrefnuveiða skulu vera búin í reglugerð nr. 359/2009
um breytingu á reglugerð nr. 163 30. maí 1973, um hvalveiðar
með síðari breytingum.
Umsóknir um leyfi til hrefnuveiða skulu sendar sjávarútvegs- og
landbúnaðarráðuneytinu, Skúlagötu 4, 150 Reykjavík. Frestur til
að skila inn umsóknum rennur út þann 10. apríl 2010.
Sjávarútvegs- og landbúnaðarráðuneytið.