Fréttablaðið - 13.03.2010, Qupperneq 36

13. MARS 2010 LAUGARDAGUR2
Poppplata ársins
● Umsagnir dómnefndar
Don’t be a stranger
Feldberg. Útgefandi: Cod Music. Samstarf Einars
„Eberg“ Tönsberg og Rósu Ísfeld úr Sometime skilaði
einni af bestu poppplötum ársins. Grípandi lagasmíð-
ar, flottur hljómur og karakterríkur söngur. Þau eru líka
tilnefnd fyrir lag ársins og Einar sem höfundur ársins.
Amanita Muscaria
Lights on
the Highway.
Útgefandi:
Lights on
the Highway.
Með Aman-
ita Musc aria
sannar hljóm-
sveitin, að hún
hefur frá útkomu fyrri plötu sinnar (2005) þroskast frá
því að vera efnileg og upp í efsta gæðaflokk í íslenskri
dægurlagatónlist. Tónlistin er einhvers konar blanda af
hippatónlist 6. og 7. áratugarins og gruggtónlist Seatt-
le-sveitanna frá þeim 9. og 10.; lagasmíðar og útsetn-
ingar eru fjölbreyttar, hljóðfæraleikur til fyrirmyndar og
söngur einstaklega góður.
Dry land
Bloodgroup. Útgefandi: Record Records. Með Dry
Land hætti Bloodgroup að vera efnileg og varð góð.
Þau hafa ekki glatað smekknum fyrir stuðmiklu raf-
poppi, en á Dry Land er hljóðheimurinn ríkari og laga-
smíðarnar þróaðri.
Easy music for difficult people
Kimono. Útgefandi: Kimi. Eins og áður eru sérkenni
Kimono á Easy music for difficult people góðar laga-
smíðar og flottar pælingar í hljóðfæraleik og útsetn-
ingum. Hljómsveit með sterk karaktereinkenni, en
samt í þróun.
Get it together
Dikta. Útgefandi: Kölski. Dikta fetar sig áfram upp á
við í einkennandi lagasmíðum, þéttri spilamennsku
og firnagóðri framsetningu á Get it together. Hljómur-
inn er til stakrar fyrirmyndar og allt yfirbragð plötunn-
ar mjög sannfærandi.
Sing along to songs you don’t know
Múm. Útgef-
andi: Borgin.
Sing along
to songs you
don’t know
sýnir að Múm
er hljómsveit
í stöðugri
þróun. Tón-
listin er mun
fjölbreyttari
en áður, en
jafn framsæk-
in. Hugmyndaauðgi Múm-liða kemur fram í hljóðfæra-
skipaninni, útsetningunum og sjálfum lagasmíðunum.
Terminal
Hjaltalín. Útgefandi: Borgin. Á Terminal heldur
Hjaltalín áfram að vinna með kammerpoppið sem þau
kynntu til sögunnar á Sleepdrunk Seasons. Á Term-
inal eru lögin fágaðri og meira unnin auk þess sem á
plötunni má greina áhrif frá söngleikjatónlist og eðal-
poppi sjöunda áratugarins. Sérstaklega heilsteypt og
öflug plata.
IV
Hjálmar. Út-
gefandi: Borg-
in. Eftir þrjár
vel heppnaðar
alíslenskar
reggíplötur
fóru Hjálmar til
höfuðborgar
reggítónlistar-
innar, Kingston
á Jamaíka til
að vinna plötu
númer fjög-
ur. Það heyrist á IV. Lagasmíðarnar eru jafn traustar
og áður, en nú er hljóðheimurinn litaður af ósviknum
hljóðversgöldrum frá Kingston.
Hljómgrunnur 3. tölublað, mars 2010 Útgefandi: Samtónn Ritstjórn: Pétur Grétarsson og Þorgeir
Tryggvason Ábyrgðarmaður: Ásmundur Jónsson Ljósmyndir: Fréttablaðið
Hljómgrunnur er umræðuvettvangur um íslenska tónlist og tónlistarlíf. Hugmyndir, efni og athugasemdir
sendist á hljomgrunnur@gmail.com.
Í desember síðastliðnum, á Degi íslenskrar tónlistar, fögnuðum við Tón-
listarhúsinu og í dag vörpum við sviðsljósinu á margt af því sem þykir
standa upp úr á liðnu ári.
Íslensk tónlist á stóran þátt í að skapa þjóðinni jákvæða ímynd. Ljóst
er samkvæmt ýmsum könnunum að íslensk tónlist er ofarlega í huga
ferðamanna þegar þeir ákveða að koma til Íslands. Að margra mati
hefur íslensk tónlist ákveðna sérstöðu sem ef til vill má rekja til góðrar
undirstöðu í tónlistarmenntun. Það er mikilvægt að hlúa að þessari sér-
stöðu.
Framlag tónlistar til landsframleiðslu er nú áætlað um 1,4 prósent,
sem þýðir að hagrænt gildi tónlistarmenningar er nokkuð meira en
landbúnaðarins.
Þetta er því ein af mörgum stoðum í íslensku hagkerfi.
Það hefur sýnt sig að stuðningur við nýsköpun í menningargreinun-
um hefur skilað sér margfalt til baka inn í þjóðarbúið. Þessi stuðningur
hefur jafnframt margföldunaráhrif yfir í aðrar tengdar greinar eins og
ferðamannaiðnaðinn, verslun og þjónustu. Skýr dæmi um þetta eru tón-
listarhátíðir á borð við Iceland Airwaves, Aldrei fór ég suður, Djasshá-
tíð Reykjavíkur og Myrka músíkdaga svo aðeins fjórar af þrjátíu árleg-
um tónlistarhátíðum séu nefndar.
Mikilvægt er að auka verulega framlög í Tónlistarsjóð svo betur
megi vinna að markaðssetningu á íslenskri tónlist. Slík fjárfesting
stuðlar að efnahagslegri fjölbreytni, styrkir menningarlega innviði og
er tvímælalaust ein áhugaverðasta fjárfesting sem völ er á nú á tímum.
Tónlistargeirinn hefur á undanförnum árum tekist á við stórfelld-
ar breytingar í gegnum stafræna byltingu. Þetta hefur breytt neyslu-
mynstri og miðlun tónlistar og felur bæði í sér ögrun og tækifæri.
Ögrunin felst í að standa vörð um að greiðslur fyrir notkun á tónlist
skili sér til tónlistarmanna. Þeirri baráttu miðar vel enda hafa rétthafar
í tónlist og kvikmyndum snúið bökum saman til að sporna við ólöglegu
niðurhali. Tækifærin felast í því að internetið skapar markað án landa-
mæra. Það ber að skoða hvernig styrkja má frekari sókn á þessu sviði.
Skapandi atvinnugreinar og menningariðnaður geta orðið stóriðja 21.
aldarinnar eins og haft hefur verið eftir Ágústi Einarssyni, doktor í
hagfræði og rektor Háskólans á Bifröst. Þessi fullyrðing fellur vel að
sjónarmiðum og trú stjórnarmanna Samtóns, samstarfsvettvangs tón-
listarrétthafa á Íslandi. Góða skemmtun á Íslensku tónlistarverðlaunun-
um 2010. Ásmundur Jónsson, formaður Samtóns
TÓNLIST SKIPAR STÓRAN SESS