Fréttablaðið - 18.03.2010, Blaðsíða 2

2 18. mars 2010 FIMMTUDAGUR
Guðlaugur, má þá ekki einu
gilda hvað Vilhjálmur segir?
„Jú, á meðan gildi hans eru öllum
óljós.“
Vilhjálmur Egilsson, formaður stjórnar
lífeyrissjóðsins Gildis og framkvæmda-
stjóri Samtaka atvinnulífsins, sagði í
Fréttablaðinu að lífeyrissjóðurinn hefði
ekki tekið þátt í skuldabréfaútboði Orku-
veitu Reykjavíkur vegna fjárhagsstöðu
fyrirtækisins. Guðlaugur G. Sverrisson er
formaður stjórnar OR.
VIÐSKIPTI Sænska félagið Securit-
as AB hafnar því að vörumerkið
Securitas fylgi með í kaupunum á
þrotabúi öryggisfyrirtækisins Sec-
uritas hér á landi. Vörumerkið er
skráð í eigu sænska fyrirtækisins
hjá Einkaleyfisstofunni.
Securitas er hluti þrotabús Fons,
sem var í eigu Pálma Haraldsson-
ar. Fyrirtækið er nú í söluútboði.
Fyrst var ætlunin að hafa það opið,
en fyrir skemmstu var ákveðið að
halda því lokuðu. Heildarkröfur í
búið nema rúmum 34 milljörðum.
Fyrri umferð útboðsins hefur
farið fram og bárust 18 tilboð í fyr-
irtækið. Þau eru óskuldbindandi, en
í framhaldi valdi skiptastjóri átta
fjárfesta sem fá að kynna sér frek-
ari gögn sem ekki má fjarlægja úr
sérstöku gagnaherbergi.
Líkt og Fréttablaðið greindi frá
deildu Landsbankinn og skipta-
stjóri um kröfu bankans um full-
gilt veð í fyrirtækinu. Sú deila er
fyrir héraðsdómi, en samkomulag
hefur náðst um að söluverðið verði
lagt til hliðar þangað til botn er
kominn í deiluna. Landsbankinn
hefur áskilið sér rétt til að ganga
inn í kaupin, nái ekkert tilboðanna
lágmarksupphæð.
Gerð var krafa til þeirra sem
byðu í fyrirtækið um að þeir
gætu sýnt fram á að þeir ættu að
lágmarki þrjú hundruð milljón-
ir króna eða gætu uppfyllt skil-
yrði með lánsfjármagni úr banka.
Heimildir blaðsins herma að bank-
inn krefjist 500 milljóna króna að
lágmarki fyrir Securitas.
Meðhöndlun þrotabús Fons, þar
með talið Securitas, hefur verið
nokkuð gagnrýnd. Meðal gagnrýn-
enda er Sigurður G. Guðjónsson,
sem er lögmaður Pálma. Í pistli á
Pressunni setti hann meðal ann-
ars spurningarmerki við það hvers
vegna skiptastjóri væri nú með
aðstoðarmönnum sínum að selja
hlutabréf Fons í Securitas. Aðrir
í fjármálalífinu, sem Fréttablaðið
hefur rætt við, hafa einnig gagn-
rýnt að skiptastjóri sjái sjálfur,
eða aðstoðarmenn hans, um sölu
hlutabréfa.
Óskar Sigurðsson skiptastjóri
svarar því til að á fyrsta skipta-
fundi hafi verið bókað hverjir
væru aðstoðarmenn skiptastjóra.
Samkvæmt gjaldþrotaskiptalögum
ráðstafi skiptastjóri eignum þrota-
bús. Ferli laganna hafi verið fylgt.
Þar að auki séu óháður endurskoð-
andi og sjálfstæður fyrirtækja-
ráðgjafi til aðstoðar og unnið sé í
samvinnu við fyrirtækjasvið Nýja
Landsbankans.
Þá áréttar hann að engum veð-
settum eignum sé ráðstafað án
samkomulags við veðhafa.
kolbeinn@frettabladid.is
Securitas fylgir ekki
með í sölu Securitas
Vörumerkið Securitas er skráð í eigu sænsks félags sem hafnar því að það fylgi
með í útboði á hlutabréfum fyrirtækisins. Deila um veð Landsbankans er fyrir
héraðsdómi. Gagnrýnt hefur verið að skiptastjóri sjái um sölu hlutabréfa.
SECURITAS Deilur eru uppi um vörumerkið Securitas og myndmerkið sem því fylgir.
Það er í eigu sænsks fyrirtækis sem hafnar því að það verði selt með félaginu úr
þrotabúi Fons. FRÉTTABLAÐIÐ/ANTON
GRIKKLAND, AP Angela Merkel
Þýskalandskanslari segir nauðsyn-
legt að hægt verði að reka ríki úr
Myntbandalagi Evrópu (EMU), hafi
þau ítrekað gerst sek um að brjóta
reglur þess.
George Petalotis, talsmaður
grísku stjórnarinnar, segir aftur á
móti að Grikkir muni hugsanlega
leita til Alþjóðagjaldeyrissjóðsins
ef Evrópusambandið lýsir ekki yfir
ótvíræðum stuðningi við Grikkland
á leiðtogafundi sínum í næstu viku.
„Ég tel að á leiðtogafundinum
verði ljóst hvort samherjar okkar
í Evrópusambandinu vilja styðja
landið, eða hvort við þurfum að leita
annarra lausna,“ sagði hann í gær.
Grikkir glíma við risavaxinn fjár-
lagahalla, sem gæti dregið úr trú-
verðugleika evrunnar. Evrópusam-
bandið, með Þjóðverja í fararbroddi,
hefur ekki viljað gefa út yfirlýs-
ingar um beinan fjárhagsstuðning
við Grikki, en í síðustu viku fengu
Grikkir þó óljós loforð frá Evrópu-
sambandinu um aðstoð síðar meir er
í ljós kemur að þeir muni ekki ráða
við vandann.
Merkel ítrekaði hins vegar í gær
að Þjóðverjar hafi engin áform um
fjárhagsstuðning við Grikki á næst-
unni. Eina lausnin sé sú að Grikkir
haldi áfram að draga harkalega úr
ríkisútgjöldum. - gb
Grikkir hóta Evrópusambandinu enn með að leita til Alþjóðagjaldeyrissjóðsins:
Merkel vill refsimöguleika
ÓEIRÐALÖGREGLAN Í AÞENU Almenningur í Grikklandi hefur harðlega mótmælt
aðhaldsaðgerðum stjórnvalda. NORDICPHOTOS/AFP
SJÁVARÚTVEGUR Veiðiheimildir á
hval og hrefnu verða þær sömu á
komandi vertíð eins og á síðasta
ári, það eru 200 langreyðar og 200
hrefnur. Í viðtali við fréttavefinn
Skessuhorn segir Jón Bjarnason,
sjávarútvegs- og landbúnaðarráð-
herra, að stuðst sé við veiðiráð-
gjöf sem Hafrannsóknastofnun
gaf út til fimm ára.
Hval- og hrefnuveiðimenn nýttu
ekki þessar heimildir til fulls á
síðustu vertíð, en þá voru veidd-
ar 126 langreyðar og 81 hrefna.
Heimilt er í reglugerð um hval-
veiðar að færa tuttugu prósent
veiðiheimilda milli ára. Ráðherra
hefur lagt fram nýtt frumvarp
um hvalveiðar, sem væntanlega
mun koma fyrir þingið á næst-
unni. Gildandi lög um hvalveiðar
eru frá árinu 1949. - shá
Hvalveiðarnar í sumar:
Veiðarnar verða
óbreyttar í ár
HVALUR 9 HELDUR TIL VEIÐA Leyfi er til
að veiða 400 dýr í sumar. FRÉTTABLAÐIÐ/GVA
FJÁRMÁL Gríðarlegur áhugi er
meðal almennings á fjármála-
námskeiðum Arion banka og sóttu
yfir 200 manns eitt slíkt námskeið
í gær. Fjölmargir þurftu frá að
hverfa og bankinn ætlar því að
halda aukanámskeið til að svara
eftirspurninni. Námskeiðin eru
fyrir alla og án endurgjalds.
Bankinn hefur boðið upp á
námskeið í fjármálalæsi frá því í
desember og hefur áhugi á nám-
skeiðunum vaxið jafnt og þétt.
Arion banki skrifaði í vikunni
undir samstarfssamning við
Stofnun um fjármálalæsi sem er
liður í stefnu bankans um að veita
fólki upplýsingar til að hafa betri
yfirsýn um fjármál sín. - shá
Arion kennir fjármálalæsi:
Yfir 200 manns
á námskeiði
MIKILL ÁHUGI Fjölmargir nýttu sér nám-
skeið Arion banka um fjármálalæsi.
BRUNI Miklar skemmdir urðu á
gömlu fiskimjölsverksmiðjunni í
Sandgerði í fyrrinótt þegar eldur
kom þar upp. Slökkviliðið í Sand-
gerði var kallað út klukkan fjög-
ur um nóttina og var þá mikill hiti
og reykur innan dyra. Kallað var í
liðsauka frá Brunavörnum Suður-
nesja og var slökkvistarfi lokið á
sjötta tímanum.
Á vettvangi komu í ljós greini-
leg ummerki þess að brotist hafði
verið inn í bygginguna nýlega.
Þess vegna vöknuðu grunsemd-
ir um að um íkveikju gæti verið
að ræða. Slíkt er þó ósannað.
Lögreglan á Suðurnesjum fer
með rannsókn málsins. Vélsmiðj-
an Hamar hefur unnið að því að
gera húsið upp og komið þar upp
geymsluaðstöðu.
Sveinn Einarsson slökkviliðs-
stjóri segir að húsið sé töluvert
skemmt og telur tjónið hlaupa
á milljónum. „Allt sem er yfir
tveggja metra hæð í húsinu lítur
út fyrir að vera mjög skemmt eða
hreinlega ónýtt,“ segir Sveinn.
Sveinn segir að um tuttugu
manna lið slökkviliðanna tveggja
hafi komið að slökkvistarfinu með
fimm bíla. - shá
Eldur í fiskimjölsverksmiðjunni í Sandgerði olli miklum skemmdum:
Útiloka ekki að kveikt hafi verið í
Á VETTVANGI Í SANDGERÐI Um tuttugu
manna lið frá slökkviliði Sandgerðis
og Brunavörnum Suðurnesja komu að
slökkvistarfinu í fyrrinótt. MYND/VÍKURFRÉTTIR
UMHVERFISMÁL Í fyrra eru mörg
hundruð milljónir manna um
heim allan sagðar hafa slökkt hjá
sér ljós í klukkustund til að sýna
í verki stuðning við Alþjóðanátt-
úruverndarsjóðinn (WWF). Sjóð-
urinn blæs nú til viðlíka viðburðar
laugardagskvöldið 27. mars í því
skyni að hvetja fólk og fyrirtæki
til góðra verka í umhverfisvernd.
Á vefnum www.earthhour.org
má sjá lista yfir þau lönd þar sem
fólk og fyrirtæki hafa sagst munu
taka þátt. Ísland er þar ekki enn
á lista, þótt landið sé vissulega að
finna í skráningarformi fyrir þá
sem taka vilja þátt. - óká
Enn blæs WWF til myrkvunar:
Vilja slökkva
í klukkustund
SJÁVARÚTVEGUR Aflaverðmæti
íslenskra skipa nam rúmum 115
milljörðum króna árið 2009, sam-
anborið við 99 milljarða 2008.
Aflaverðmæti hefur því aukist um
tæpa sextán milljarða eða sextán
prósent, samkvæmt tölum Hag-
stofunnar.
Aflaverðmæti botnfisks var 82
milljarðar króna á árinu 2009 sem
er aukning um 16,9 prósent frá
fyrra ári. Verðmæti uppsjávar-
afla stóð nánast í stað milli ára og
nam 21,4 milljörðum króna á árinu
2009. - shá
Aflaverðmæti skipa 2009:
Flotinn skilaði
115 milljörðum
LÖGREGLUMÁL Fimm menn eru
í haldi lögreglunnar á Selfossi
vegna innbrota í eina átta sumar-
bústaði í landi Nesja og í Svína-
hlíð við vestanvert Þingvalla-
vatn.
Rannsóknarlögreglan í Kópa-
vogi komst á sporið í tengslum
við rannsókn annars máls, segir
í tilkynningu lögreglunnar á
Selfossi. - shá
Þjófar herja á sumarbústaði:
Fimm teknir
fyrir innbrot
SPURNING DAGSINS