Fréttablaðið - 18.03.2010, Blaðsíða 40

32 18. mars 2010 FIMMTUDAGUR
timamot@frettabladid.is
MERKISATBURÐIR
1871 Ávarp birt til Íslendinga,
frá 25 konum og 2 körl-
um, þar sem hvatt er til
stofnunar kvennaskóla í
Reykjavík.
1902 Enrico Caruso verður
fyrstur heimsfrægra lista-
manna til að gefa út
plötu.
1926 Útvarpsstöð tekur form-
lega til starfa í Reykjavík.
1940 Mussolini slæst í lið Hitl-
ers í stríði Þjóðverja við
Frakka og Breta.
1971 Hæstiréttur Danmerkur
kveður upp úrskurð sem
ryður úr vegi síðustu
hindrun fyrir afhendingu
handritanna til Íslend-
inga.
QUEEN LATIFAH, LEIK- OG SÖNGKONA,
ER FERTUG Í DAG
„Ég óska þess að hver einasta
kona gæti elskað sjálfa sig mest og
fagnað því af innileik hvernig Guð
skapaði hana. Draumar verða að
veruleika þegar við fylgjum þeim
heilshugar.“
Queen Latifah er stundum köll-
uð drottning hip-hopsins en hefur í
seinni tíð ekki síður notið vinsælda
sem leikkona í sjónvarpi og kvik-
myndum.
Björn Jónsson (1738-1798) var skipaður lyfsali, sá
fyrsti hér á landi, þennan dag fyrir 238 árum. Áður
hafði landlæknir gegnt lyfjastörfum. Björn var fyrsti
lyfjafræðingur Íslendinga sem fékk full réttindi til
lyfsölu, en þau veittu ráðamenn í Kaupmannahöfn
þann 18. mars árið 1772.
Með tilkomu Björns í embættið var opnuð lyfja-
búð í Nesstofu við Seltjörn, þar sem hans embætti
deildi húsnæði með landlæknisembættinu. Í Nes-
stofu starfaði einnig ljósmóðir og þar voru lyfja-
fræðinemar í kennslustundum, þótt þeir tækju
lokapróf í Kaupmannahöfn að loknu námi sem
lyfjasveinar.
Í garðinum umhverfis Nesstofu plantaði Björn
lyfsali ýmsum lækningajurtum og annaðist þær
meðan hann gegndi embætti, ásamt því að gera
þar kornræktartilraunir og stunda matjurtarækt.
Nesapótek, sem stundum var kallað landlæknis-
apótekið, var flutt til Reykjavíkur 1834 og gert að
Reykjavíkurapóteki, sem endanlega var lagt niður
1999. Þá hafði elsta apótek landsins verið á tveim-
ur stöðum í 236 ár þegar því var lokað. Akureyrar-
apótek starfaði í fjögur ár frá 1819 og svo aftur eftir
1836. Þá var lyfjabúð opnuð í Stykkishólmi 1835.
Fjölgun apóteka gekk því hægt fyrir sig á Íslandi
framan af sem og uppbygging lyfjafræðináms.
ÞETTA GERÐIST: 18. MARS 1772
Fyrsti lyfsali Íslands skipaður
NESSTOFA VIÐ SELTJÖRN
AFMÆLI
LEIFUR B.
DAG-
FINNSSON
kvikmynda-
gerðar-
maður er
42 ára.
ÁLFRÚN
GUNN-
LAUGS-
DÓTTIR
prófessor
og rithöf-
undur, er
72 ára.
Björn Ófeigsson fékk hjartaáfall í
febrúar árið 2003, aðeins 37 ára gam-
all. Vegna læknamistaka fékk hann í
kjölfarið hjartabilun og líf hans hefur
ekki verið samt síðan. „Eftir að ég fékk
hjartaáfallið fór ég að leita á Netinu
eftir upplýsingum. Ég var ráðvilltur
og vildi sökkva mér í upplýsingar en
saknaði þess að finna ekki heildstæð-
an vef með öllum upplýsingum á einum
stað,“ segir Björn sem stofnaði í kjöl-
farið vefinn www.hjartalif.is með góðri
hjálp konu sinnar, Mjallar Jónsdóttur.
Vefurinn er nú fimm ára og hefur feng-
ið viðurkenningar, meðal annars hlot-
ið Íslensku vefverðlaunin sem besti
einstaklingsvefurinn árið 2007.
„Hugmyndin var að fólk gæti farið
inn á síðuna og dvalið þar í langan
tíma. Við erum ekki með marga en vel
valda tengla á síður sem við vitum að
eru með áreiðanlegar og góðar upp-
lýsingar,“ segir Björn. Hann skannar
fjölmiðla frá degi til dags og setur
inn á vefinn það sem tengist hjartanu.
„Síðan skrifa ég mína sögu og hugleið-
ingar og Mjöll skrifar út frá sjónar-
hóli aðstandanda, svo fólk fái innsýn
inn í heim þeirra líka,“ útskýrir Björn.
Hann segir ekki aðeins sjúklinga leita
á vefnum heldur noti heilbrigðisstarfs-
fólk hann töluvert.
Birni er umhugað um öryggi sjúkl-
inga þar sem hann lenti sjálfur í
læknamistökum. „Ég hef gert svolít-
ið af því að beina sjónum að öryggi
sjúklinga. Ég fylgist vel með umræð-
unni í þessum geira, hef mínar skoð-
anir og skrifa um þær í pistlum á síð-
unni,“ segir Björn og er gagnrýninn
á stefnu stjórnvalda í heilbrigðismál-
um. „Mér hefur fundist athyglisvert
að á sama tíma og Landspítalinn er í
blóðugum niðurskurði þá ætli menn
að setja það á oddinn að sjúkrahúsið
verði eitt af bestu háskólasjúkrahúsum
í Norður-Evrópu á næstu árum,“ segir
hann kaldhæðinn.
Líf Björns gjörbreyttist við hjarta-
áfallið fyrir sjö árum. „Allt mitt líf fór
á hvolf og allar þær hugmyndir sem
ég hafði um lífið og tilveruna sner-
ust við. Ég verð aldrei samur,“ segir
Björn. Hann býr í Danmörku nú um
stundir þar sem Mjöll, kona hans, er í
meistaranámi í sálfræði.
Þau hjónin héldu utan í fyrrasum-
ar og því hefur Björn fengið að kynn-
ast dönsku heilbrigðiskerfi og hvernig
er hlúð að sjúklingum eins og honum.
Hann segir muninn töluverðan því
vegna meiri fjölda sé mun meira í
boði.
„Fyrir mig, sem lent hef í mistök-
um heima á Íslandi, er mikill léttir að
koma inn á heilbrigðisstofnun þar sem
ekki eru menn sem ég hef dregið fyrir
dómstóla. Á Íslandi þekkja allir alla og
ef maður hefur eitthvað upp á einhvern
að klaga ertu kominn með allt kerfið
upp á móti þér,“ segir Björn ákveðið.
solveig@frettabladid.is
BJÖRN ÓFEIGSSON: STOFNAÐI VEFINN HJARTALIF.IS FYRIR FIMM ÁRUM
Umhugað um öryggi sjúklinga
STANDA SAMAN Hjónin Björn Ófeigsson og Mjöll Jónsdóttir standa saman að vefsíðunni www.hjartalif.is þar sem er að finna upplýsingar um
flestallt sem snýr að hjartasjúkdómum. MYND/ÚREINKASAFNI
Landlæknisembættið er 250 ára í dag. Af því tilefni verð-
ur efnt til hátíðardagskrár í Hátíðarsal Háskóla Íslands
frá klukkan 13 til 17.30. Á dagskránni eru fimm erindi
sem fjalla um þætti í sögu embættisins frá öndverðu og
verður litið yfir þróunina allt til þessa dags. Jón Ólafur
Ísberg sagnfræðingur fjallar um þróun landlæknisemb-
ættisins í 250 ár, Ólöf Garðarsdóttir sagnfræðingur fjall-
ar um tvo landlækna á 19. öld og ólíkar áherslur þeirra
og Þórólfur Guðnason yfirlæknir fjallar um landlæknis-
embættið og sóttvarnir svo dæmi séu tekin.
Að erindunum loknum flytur Ólafur Ólafsson, fyrrum
landlæknir, afmæliskveðju og Geir Gunnlaugsson land-
læknir ávarpar gesti. Þeir Egill Ólafsson, Björn Thorodd-
sen og Jón Rafnsson flytja létta tónlist bæði í upphafi og
lok dagskrár. - ve
Landlæknis-
embættið 250 ára
GEIR GUNNLAUGSSON Landlæknir ávarpar gesti. FRÉTTABLAÐIÐ/GVA
Eiginmaður minn, faðir okkar, tengda-
faðir, afi og langafi,
Jóhannes Magnús
Guðmundsson
bóndi, Ánabrekku, Borgarhreppi,
verður jarðsunginn frá Borgarneskirkju laugardaginn
20. mars kl. 14.00. Þeim sem vilja minnast hans er bent
á Dvalarheimili aldraðra, Borgarnesi.
Ása Ólafsdóttir
Kolbrún Jóhannesdóttir
Ragnheiður Valdís Jóhannesdóttir Stefán Magnús Ólafsson
Hjördís Smith Ólafur Þórður Harðarson
afa- og langafabörn.
Guðni bakari
60 ára
18. mars verður Guðni
í Guðnabakarí 60 ára.
Af því tilefni ætla hann og
fjölskylda hans að bjóða ætting jum
og vinum i morgunkaffi laugardaginn
20. mars í bakaríinu frá kl. 9–12,
gengið inn norðanmegin.
Ástkær faðir, tengdafaðir og afi,
Páll Ólafsson
bóndi, Brautarholti, Kjalarnesi,
andaðist á Landspítalanum þriðjudaginn 16. mars.
Jarðarförin verður auglýst síðar.
Guðrún Pálsdóttir Sveinn G. Segatta
Ásta Pálsdóttir Gunnar Páll Pálsson
Þórdís Pálsdóttir
Ingibjörg Pálsdóttir
Bjarni Pálsson
Ólöf Hildur Pálsdóttir Sigurður Valgeir Guðjónsson
og barnabörn.
Elskulegur eiginmaður minn og vinur,
Einar Þorsteinsson
Gullsmára 5,
andaðist sunnudaginn 14. mars. Útförin verður auglýst
síðar.
Fyrir hönd fjölskyldunnar,
Sæunn Mýrdal Sigurjónsdóttir.