Fréttablaðið - 18.03.2010, Blaðsíða 52

44 18. mars 2010 FIMMTUDAGUR
folk@frettabladid.is
„Þeir sem hafa séð þessa mynd
segja að hún dálítið lík myndinni
Varði fer á vertíð. Ég hef nú bara
ekki séð þá gloríu,“ segir Erling
Bang, sem leikur og leikstýrir
kvikmyndinni Zoom Boom Boom.
Myndin verður frumsýnd í kvöld
hjá Hemma og Valda, Laugavegi 21.
Þetta er leikin mynd í fullri lengd
um tónlistarmanninn Vigga Snæ
(sem Erling Bang leikur) og gerð
sólóplötu hans, Zoom Boom Boom.
Myndina gerir Erling með Jóni Atla
Guðjónssyni.
„Ha, nei, þetta er ekki mynd um
Vigni Snæ í Írafári,“ segir Erling.
„Okkar Viggi er að spila digi-
tal-death-metal og þetta er mikið
partí. Þetta er þó langt í frá einhver
partímynd. Það er drama líka.“
Kvikmynd í fullri lengd – er ekk-
ert mál að skella því í gang nú á
síðustu og verstu?
„Nei, nei. Ég hætti í hljómsveit-
inni I adapt og þá gafst tími til að
einbeita sér að þessu. Myndin er
skotin á heimiliskameru og svo
var þetta bara klippt. Við lærðum
mikið á þessu. Nú erum við komnir
með hljóðver sem heitir Rec Stúdíó
og erum að gera alls konar hluti.
Við stefnum á að koma myndinni á
hátíðir og jafnvel að pressa diska.
Þetta er náttúrlega hugsað sem
dvd og cd saman. Svo fer þetta að
sjálfsögðu á Netið. Það eru þegar
komnir bútar á kvikmynd.is og
youtube.“
Frumsýning myndarinnar er
upphafsatriði hátíðar sem er haldin
í tilefni af árs afmæli tónleikaraðar
Grapevine Grassroots. Á hátíðinni,
sem öll fer fram hjá Hemma og
Valda, kemur brot af þessum bönd-
um fram. Í kvöld spila Felonious
Monk, Hestbak og ThizOne á eftir
kvikmyndinni (sem hefst kl. 20),
annað kvöld spila Johnny Strong-
hands, Arnljótur, Nolo og Pas-
cal Pinon; og á laugardagskvöldið
hljómsveitirnar AMFJ, DLX ATX,
Kid Twist og Bárujárn. Gjörsam-
lega ókeypis er inn á hátíðarhöldin.
- drg
Frumsýna mynd um Vigga
ERLING BANG SEM VIGGI SNÆ Aðal-
söguhetja myndarinnar Zoom Boom
Boom.
Um 6.600 Íslendingar sáu heimildar-
myndirnar Guð blessi Ísland eftir
Helga Felixson og Maybe I Should Have
eftir Gunnar Sigurðsson í kvikmynda-
húsum hérlendis. Um þrjú þúsund sáu
Maybe I Should Have en aðeins fleiri
Guð blessi Ísland.
Þessar tvær myndir um bankahrun-
ið virðast því ekki hafa fallið jafnvel
í kramið hjá landsmönnum og heim-
ildarmyndirnar Sólskinsdrengurinn
og Draumalandið sem voru sýndar
fyrir ekki svo löngu síðan við miklar
vinsældir. Má leiða að því líkur að fólk
hafi einfaldlega fengið nóg af fréttum
af hruninu sem hafa tröllriðið fjölmiðl-
um undanfarið. Þetta dregur þó ekki úr
gildi myndanna sem er mikið
fyrir íslenskt samfélag.
Tæplega fjórtán þúsund manns
sáu Sólskinsdrenginn
eftir Friðrik Þór Friðriks-
son og um sextán þús-
und Draumalandið, sem
er jafnframt aðsókn-
armesta íslenska
heimildarmynd-
in.
Ein mynd til
viðbótar um
bankahrunið
og búsáhalda-
byltinguna
er væntan-
leg í bíó. Hún
er eftir Ara
Alexander. - fb
Yfir sex þúsund sáu hruns-myndir
HRUNSMYND Gunnar Sigurðsson
á Tortola í heimildarmynd sinni
Maybe I Should Have sem um þrjú
þúsund Íslendingar sáu.
> KÆRASTAN ER BEST
Leikarinn Shia LaBeouf segir að kærastan
sín, Carey Mulligan, sem lék í hinni
rómuðu mynd An Education, sé
hæfleikaríkasta leikkona sem
hann hafi nokkru sinni kynnst.
Mulligan leikur einmitt á móti
LaBeouf í myndinni Wall Street:
Money Never Sleeps sem er
væntanleg í bíó. Þau byrjuðu
saman á síðasta ári eftir að
hafa hist á tökustað.
Rokksveitin Metallica
ætlar í tónleikaferð
um heiminn á næsta
ári sem mun jafnast á
við risavaxna tónleika-
ferð Pink Floyd á árun-
um 1980 til 1981 vegna
plötunnar The Wall.
Þessu heldur umboðs-
maður sveitarinnar,
Peter Mensch, fram.
Hljómsveitin er núna að
sanka að sér hugmynd-
um vegna ferðarinnar,
þar sem spilað verður
í tíu borgum víðsvegar
um heiminn. „Á næsta ári verðið þið vitni að tónleikaferð sem mun
hrista rækilega upp í ykkur,“ sagði Mensch. „Það verður hægt að
líkja henni við The Wall.“
Vonandi verða engar óeirðir í kringum tónleikaferðina líkt og
gerðist með tónleika sveitarinnar í Kólumbíu á dögunum. Þá voru
160 aðdáendur sveitarinnar sem fengu ekki miða á tónleikana
handteknir fyrir utan tónleikastaðinn.
Risavaxnir tónleikar
METALLICA Á leið í tónleikaferð um heiminn sem
mun jafnast á við The Wall-túrinn með Pink Floyd.
GEIR H. HAAR-
DE Kemur við
sögu í báðum
heimildar-
myndunum.