Fréttablaðið - 19.03.2010, Blaðsíða 56

36 19. mars 2010 FÖSTUDAGUR
sport@frettabladid.is
Þórunn Helga Jónsdóttir er að fara að hefja sitt þriðja tímabil með
brasilíska liðinu þar sem að hún varð þrefaldur meistari á síðasta ári.
„Það eru gerðar miklar kröfur til liðsins eftir góðan árangur í fyrra,“
segir Þórunn sem fékk nýjan og betri samning fyrir þetta
tímabil.
„Fljótlega eftir lok síðasta tímabils fóru þeir hjá Santos í
að grisja hópinn og margir voru í óvissu um hverjir fengju
samning áfram. Allir leikmenn fóru í einkaviðtal við
framkvæmdastjórann og komu ýmist út grátandi
eða brosandi. Það fór þó þannig að mér var boð-
inn nýr samningur á miklu betri launum áður en
ég gat opnað munninn á fundinum, svo að ég er
bara alsæl,” segir Þórunn.
„Við erum búnar að vera að undirbúa okkur
eins vel og við getum fyrir tímabilið, meðal annars
með miklum æfingum en það hefur líka verið
annars konar undirbúningur eins og næringar-
fræði og fleiri læknisskoðanir en maður á að venjast. Undarlegasta
skoðunin var þegar við vorum myndaðar í bak og fyrir á sundföt-
unum. Væntanlega einhvers konar líkamsbyggingarrannsókn,
nema læknaliðið ætli að fara að gefa út dagatal,“ segir
Þórunn í léttum tón.
„Ég held að mér sé óhætt að segja að Santos sé nú lang-
stærsta liðið í kvennaboltanum hérna í Brasilíu í dag og nú
síðast var haldinn blaðamannafundur þar sem tilkynnt
var um fyrirhugaðan fund forseta og stjórnar Santos
með stjórn bandaríska knattspyrnusambandsins
um möguleikann á því að Santos fái að senda lið til
þátttöku í atvinnumannadeildinni í Bandaríkjunum á
næsta ári,” segir Þórunn.
„Tímabilið byrjar ekki fyrr en í byrjun apríl en
stærsta verkefnið er heimsmeistarakeppni félagsliða
sem áætluð er í nóvember,“ segir Þórunn sem er
bjartsýn á spennandi tímabil.
ÞÓRUNN HELGA JÓNSDÓTTIR: BOÐINN NÝR SAMNINGUR OG BETRI LAUN ÁÐUR EN HÚN GAT OPNAÐ MUNNINN
Leikmennirnir komu út grátandi eða brosandi
FÓTBOLTI John Terry, fyrirliði
Chelsea, ætlar að heimsækja
öryggisvörðinn sem hann keyrði
á eftir leikinn gegn Inter í Meist-
aradeildinni.
Fjöldi ljósmyndara kepptist við
að ná myndum af Terry og konu
hans, Toni, þegar þau yfirgáfu
Stamford Bridge og svo fór að
Terry keyrði óvart á öryggisvörð
sem var að reyna að halda ágeng-
um ljósmyndurum í burtu.
Hinn óheppni öryggisvörður,
Steve Rowley, marðist á fæti og
tognaði á ökkla.
„Þetta var ekki viljaverk, þetta
var algjört slys,“ sagði Rowley
eftir atvikið.
Terry keyrði í burtu enda tók
hann ekki eftir því að hann hefði
keyrt yfir fótinn á Rowley að
eigin sögn.
Varnarmaðurinn var yfirheyrð-
ur af lögreglunni en málinu er
lokið af hálfu hennar. Fyrst var
talið að Rowley hefði fótbrotnað
en meiðslin reyndust ekki eins
alvarleg og talið var í fyrstu. - egm
John Terry miður sín:
Heimsækir ör-
yggisvörðinn
JOHN TERRY Reynir að bæta fyrir mistök
sín. NORDIC PHOTOS/GETTY IMAGES
FÓTBOLTI Ein athyglisverðasta
fréttin í enskum fjölmiðlum í gær
var sú að rapparinn Sean Combs,
þekktur sem P. Diddy, hugðist
gera tilboð í enska fótboltaliðið
Crystal Palace.
Diddy vill verða næsti auð-
kýfingur til að eignast enskt fót-
boltalið, samkvæmt The Sun,
og hyggst hann gefa Ian Wright
stóra tækifærið og ráða hann
sem knattspyrnustjóra Crystal
Palace.
Fjárhagsvandræði skekja
Crystal Palace sem er í harðri
fallbaráttu í Coca Cola-deildinni.
Tíu stig voru dregin frá félaginu
eftir að það var sett í greiðslu-
stöðvun.
Talsmaður P. Diddy staðfesti
við The Sun að rapparinn væri
að íhuga möguleika á að kaupa
Crystal Palace en væri einnig
með annað félag í sigtinu.
„Hann gæti tekið yfir skuldir
félagsins og komið því á beinu
brautina aftur upp í úrvalsdeild-
ina. Hann skoðaði líka Port-
smouth en fannst Crystal Palace
meira spennandi. Svo er hann
líka hrifinn af nafninu á liðinu,“
sagði heimildarmaður The Sun.
- egm
P. Diddy að kaupa Palace?
Hrifinn af
nafni félagsins
P. DIDDY Yrði flottur í enska boltanum.
NORDIC PHOTOS/GETTY IMAGES
FÓTBOLTI Sölvi Geir Ottesen hefur
leikið virkilega vel með Sönder-
jyskE í dönsku úrvalsdeildinni og
vakið áhuga margra liða. Félagið
telur nær ómögulegt að geta hald-
ið honum innan sinna raða og verð-
ur hann að öllum líkindum seldur
í sumar.
„Það hefur verið mikil umræða
í gangi. Það er jákvætt að maður
sé að fá athygli en ég er ekkert að
stressa mig á hlutunum. Ég ein-
beiti mér bara að mínum leik. Ég
býst við því að ég geri einhverjar
breytingar eftir tímabilið en þetta
verður bara að koma í ljós. Það er
ekkert staðfest. Ég veit að það er
áhugi á mér en það þarf margt að
smella til að það verði eitthvað úr
þessu,“ segir Sölvi.
Hann skoraði í 1-1 jafntefli gegn
Bröndby á dögunum en Brönd-
by er einmitt eitt þeirra liða sem
hafa mikinn áhuga á Sölva. „Þess-
ir tveir leikir eftir vetrarhlé hafa
gengið rosalega vel bæði hjá mér
persónulega og liðinu í heild. Það
er verið að tala um að yfirmaður
íþróttamála hjá okkur sé á leið til
Bröndby og þá telja fjölmiðlar að
hann taki mig með sér. Þetta er
eitthvert púsl hjá fréttamönnum,“
segir Sölvi sem telur sig tilbúinn
að stíga næsta skref.
Þjálfari SönderjyskE hefur látið
hafa eftir sér að enski boltinn
henti Sölva vel en hann hefur bæði
verið orðaður við úrvalsdeildar-
liðin Fulham og Sunderland. Sölvi
segist helst vilja fara til liðs utan
Danmerkur.
„Ef það er möguleiki þá er það
mun meira spennandi en Danmörk
þótt mér líði vel hér og danska
deildin sé góð. Ég hef tekið mikl-
um framförum hérna og er alltaf
að verða betri leikmaður. Enska
deildin er ein sú vinsælasta og
besta í heimi og auðvitað langar
mann að fara þangað,“ segir Sölvi
sem er með sérstakan enskan
umboðsmann sem sér um hans mál
þar í landi.
Síðasti leikur SönderjyskE var
gegn OB, sá leikur fór 1-1 þar sem
Sölvi fékk að kljást aðeins við
Rúrik Gíslason. „Hann fór nú ekki
oft inn á mitt svæði en ég held að
ég hafi nú unnið öll þau einvígi
þegar við mættumst,“ segir Sölvi
í léttum tón en hann verður samn-
ingslaus á næsta ári. „Það væri
best fyrir klúbbinn og mig sjálfan
að ég taki næsta skref í sumar.
Það væri skynsamlegast fyrir þá
að selja mig í sumar meðan þeir
hafa möguleika.“
Sölvi á níu A-landsleiki að baki
og var í byrjunarliðinu í síðasta
leik gegn Kýpur. „Markmiðið er
að festa mig í sessi í byrjunarliði
landsliðsins og halda áfram á sömu
braut með SönderjyskE. Ef maður
stendur sig kemur þetta allt,“ segir
Sölvi Geir. elvargeir@frettabladid.is
Tilbúinn fyrir næsta skref
Landsliðsmaðurinn Sölvi Geir Ottesen hefur leikið frábærlega með SönderjyskE
í dönsku deildinni. Stærri lið hafa áhuga og hann er líklega á förum í sumar.
ÍSLENSKUR VÍKINGUR Sölvi hóf feril sinn hjá Víkingi Reykjavík en gæti verið á leið í
öllu stærra félag næsta sumar. FRÉTTABLAÐIÐ/VILHELM
> Tveir nýliðar hjá Júlíusi
Júlíus Jónasson, landsliðsþjálfari kvenna í handknattleik,
valdi í gær sextán manna hóp fyrir tvo leiki gegn Bretum
en leikirnir eru liður í undankeppni EM. Tveir nýliðar eru
í hópnum að þessu sinni og það eru Arna Erlingsdóttir
úr KA/Þór og Valsstúlkan Rebekka Skúladóttir. Fyrri leikur
liðanna fer fram í Crystal Palace national stadium hinn 31.
mars en liðin mætast síðan í Laugardalshöllinni 3. apríl
næstkomandi. Önnur lið í riðli Íslands
eru Austurríki og Frakkland. Tvö efstu
liðin komast upp úr riðlinum.