Fréttablaðið - 14.04.2010, Page 20

14. apríl 2010 MIÐVIKUDAGUR4
Gunnuhver á Reykjanesi hefur
verið vinsæll áfangastaður ferða-
manna. Undanfarin tvö ár hefur
þó ekki verið hægt að skoða hver-
inn þar sem almannavarnir lok-
uðu háhitasvæðið af þegar aukin
virkni hljóp í hverinn. „Svæðið
hefur verið mjög virkt undanfarin
tvö ár og soðið upp úr víða,“ segir
Kristján Pálsson, formaður ferða-
málasamtaka Suðurnesja. Samtök-
in höfðu lagt á það áherslu að svæð-
ið yrði opnað að nýju. Þeim hefur
orðið að ósk sinni því framkvæmd-
ir eru hafnar við Gunnuhver.
„Búið er að leggja stíg í gegnum
hverasvæðið og
fljótlega förum
við af stað með
byggingu útsýn-
ispalls við hver-
inn sjálfan þar
sem hann er
heitastur,“ segir
Kristján. Gert
er ráð fyrir að
framkvæmdum
ljúki í mánuðin-
um og að svæð-
ið verði opnað
ferðamönnum á ný í maí.
Þeir sem vinna við endurbæturn-
ar eru HS Orka, Grindavík, Reykja-
nesbær, Ferðamálastofa ásamt
Ferðamálasamtökum Suðurnesja.
„Að mínu áliti er svæðið skemmti-
legra nú en það hefur nokkurn tíma
verið,“ segir Kristján og telur upp
það sem fyrir augu ber. „Þarna er
gufuútstreymi, leirhverir og lita-
dýrð.“ Þá telur hann allt svæðið í
kring mjög áhugavert fyrir ferða-
menn. „Þar má telja Bláa lónið,
Reykjanesvita, Reykjanesvirkj-
un sem skemmtilegt er að heim-
sækja, björgin og fleiri útivistar-
möguleika.“
solveig@frettabladid.is
Gunnuhver opnaður á ný
Framkvæmdir standa yfir við Gunnuhver á Reykjanesi til að bæta aðgengi ferðafólks að hverasvæðinu.
Almannavarnir lokuðu svæðinu af öryggisástæðum fyrir tveimur árum þegar aukin virkni hljóp í hverinn.
Gunnuhver – Reykjanesviti í baksýn. MYND/OLGEIR ANDRÉSSON
Kristján Páls-
son, formaður
Ferðamálasamtaka
Suðurnesja.
Þjóðsagan um Gunnuhver
Lögréttumaður er bjó á Kirkjubóli á
Rosmhvalanesi og hét Vilhjálmur átti illt
útistandandi við kerlingu sem hét Guðrún
Önundardóttir út af potti sem hann átti
að hafa tekið af henni. Þegar kerlingin var
grafin var lögréttumaður þar við en var
kallaður í för. Hann fannst daginn eftir
dauður á Skaganum og var þá allur blár
og beinbrotinn. Allir þóttust vita að Gunna
hefði drepið hann og hún væri afturgeng-
in. Vakti prestur yfir líki Vilhjálms og átti
fullt í fangi með að verja líkið fyrir kerlingu.
Afturgangan magnaðist og þegar ekkja
Vilhjálms dó snögglega var Gunnu kennt
um. Þá var henni kennt um flest það sem
illa fór á Skaganum.
Nú var komið í óefni og voru sendir
menn til að leita ráða hjá séra Eiríki í Vogsósum. Hann fékk þeim hnoða og sagði að þeir skyldu láta Gunnu taka í
lausa endann á hnoðanu því það myndi þá sjálft velta þangað sem hún mætti vera að ósekju.
Mennirnir gerðu eins og fyrir þá var lagt og um leið og Gunna hafði tekið í lausa endann á hnoðanu valt það
á stað og hún fór á eftir. Steyptust bæði hnoðið og Gunna ofan í hver þann suður á Reykjanesi sem síðan er
kallaður Gunnuhver. Sumir segja að endinn á hnoðanu hafi verið það langur að Gunna gat staðið hálfbogin uppi á
hverbarminum og trítli þannig einatt til og frá kringum hverinn á blábrúninni, hálfbogin.
Þú færð Blaðberann þinn í Skaftahlíð 24
alla virka daga frá kl. 9-17.
...góðar fréttir fyrir umhverfiðBlaðberinn...
Blaðberinn
bíður þín
Jóna María Hafsteinsdóttir
jmh@365.is
sími 512 5473
Henný Árnadóttir
henny@365.is
sími 512 5427
Þórdís Hermannsdóttir
thordish@365.is
sími 512 5447
Laugardaga Fréttablaðið er með 212% meiri
lestur en Morgunblaðið.
Meðallestur á tölublað,
höfuðborgar svæðið, 18 – 49 ára.
Könnun Capacent í nóvember 2009 – janúar 2010.
Allt sem þú þarft...
MORGUNBLAÐIÐ FRÉTTABLAÐIÐ
73,8%
23,7%