Fréttablaðið - 21.04.2010, Blaðsíða 22

21. apríl 2010 MIÐVIKUDAGUR2
Hrefna Halldórsdóttir og Helena
Lind Svansdóttir eru að handfjatla
örsmáar plöntur sem sáð var til
í febrúar. Þær taka smá brúska í
einu úr bakka og leysa í sundur.
„Það er misjafnt hversu mikið ræt-
urnar eru flæktar saman,“ segir
Hrefna og fer fimum hönd-
um um þessar hárfínu
spírur.
Þegar hver planta
er laus er henni
umsvifalaust stung-
ið í annan bakka þar
sem rýmra er um
hana. Þetta er svip-
að og þegar systkini fá
stærra herbergi eftir að
hafa kúldrast þétt saman í
upphafi. Síðan eru bakkarn-
ir keyrðir á vagni inn á gólf og
dreift úr þeim. „Þetta eru fjólur,“
upplýsir Hrefna. „Þær hafa verið
að auka vinsældir sínar undanfar-
in ár, enda fallegar og henta vel
íslenskum aðstæðum. Því er viss-
ara að eiga nóg til af þeim þegar
kemur fram á vorið.“
Vernharður hefur rekið Storð
síðan 1997. Hann segir talsverð-
ar áherslubreytingar hafa orðið á
þeim tíma á því hvað kúnninn vilji.
„Garðaskipulagið hefur breyst,“
bendir hann á. „Áður voru beð
meðfram húsum og gangstéttum en
nú hafa blómin færst upp á pallinn
í alls konar ker og á veggina. Fólk
vill hafa þau nær sér.“ Aðalbylt-
ingin núna er grænmetisræktun-
in að sögn Vernharðs. „Hún jókst
gríðarlega mikið í fyrra og ef vel
hefur tekist til reikna ég með að
áhuginn sé fyrir hendi áfram,“
segir hann og kveðst vera að byrja
að sá káli, kryddjurtum, salati og
laukum. Hún býst við að salan
hrökkvi í gang um miðjan maí ef
allt fer eftir áætlun. gun@frettabladid.is
BARNASKEMMTUN verður á Minjasafninu á Akureyri
á morgun, sumardaginn fyrsta, frá 14 til 16. Ýmislegt verður í
boði fyrir alla fjölskylduna, tónlist, leikir, föndur og gjörningur.
Vorhugur og vinnugleði
Þótt golan sé andköld sem næðir úr norðri þá nær sólin að ylja upp plasthúsin í Gróðrarstöðinni Storð
við Dalveginn í Kópavogi þar sem sumarblómin eru að potast upp úr mjúkri moldinni.
Það eru mörg handtök sem felast í ræktun sumarblómanna.
Vernharður dreifir úr bökkunum á gólfið þar sem plönturnar fá að vaxa og dafna
næstu vikurnar.
Helena, Vernharður og Hrefna færa plönturnar úr sáningarbökkunum í aðra þar sem þær fá meira pláss. Það heitir að prikla.
FRÉTTABLAÐIÐ/STEFÁN
ÚTI
LÍFS
NÁM
SKEIÐ
FYRIR 8-12 ára
www.utilifsskoli . is