Fréttablaðið - 26.04.2010, Blaðsíða 2

2 26. apríl 2010 MÁNUDAGUR
Slasaðist á Skarðsheiði
Félagar úr björgunarsveitunum Brák,
Oki, Heiðari og frá Akranesi fóru á
Skarðsheiði seinni partinn í gær til að
sækja mann, sem talið var að hefði
slasast á baki. Maðurinn hrasaði í
fjallinu og rann niður brattar skriður.
BJÖRGUN
KÍNA, AP Styttan af litlu hafmeyj-
unni var afhjúpuð útvöldum gest-
um á nýjum stað í Sjanghæ í Kína
í gær. Þar verður hún til sýnis í
danska skála heimssýningarinn-
ar, sem hefst 1. maí.
„Þetta er fyrsta ferð Litlu haf-
meyjunnar til Kína og líklega
sú síðasta,“ segir Bjarne Ingels,
arkitektinn sem hannaði danska
skálann.
Margir Danir eru ósáttir við
flutning styttunnar frægu til
Kína í auglýsingaskyni fyrir
Danmörku, en Ingels segir langa
sögu liggja að baki. Margir Kín-
verjar hafi alist upp við ævintýri
H.C. Andersen. - gb
Umdeild ferð frægrar styttu:
Hafmeyjan er
komin til Kína
SJANGHÆ Í danska skálanum situr
hafmeyjan úti í lítilli tjörn. FRÉTTABLAÐIÐ/AP
„Ólafur Darri, ertu ekkert að
kafa full djúpt í hlutverkið?“
„Ég er að minnsta kosti búinn að
henda mér út í djúpu laugina.“
Ólafur Darri Ólafsson undirbýr sig fyrir
aðalhlutverkið í kvikmyndinni Djúpið
með sjósundi og köfun. Myndin er
lauslega byggð á sundafrekum Guðlaugs
Friðþórssonar en hann synti í land er bát
hans hvolfdi skammt frá Heimaey.
ÚTIVIST Á laugardaginn kom 100
þúsundasti gesturinn í Hlíðarfjall
ofan Akureyrar á þessum vetri.
Þetta var Sigríður Jónsdóttir frá
Húsavík, sem þáði að launum
vetrarkort fyrir næsta vetur í
Hlíðarfjalli og flugfar til Reykja-
víkur með Flugfélagi Íslands.
Guðmundur Karl Jónsson, for-
stöðumaður Hlíðarfjalls, veitti
henni verðlaunin.
Síðasta opnunarhelgi í Hlíð-
arfjalli verður frá 30. apríl til 2.
maí. Þá verður opið á föstudag
frá klukkan 13 til 21 og á laugar-
dag og sunnudag frá 9 til 15. - hhs
Góðri vertíð senn að ljúka:
Gestir í vetur
100 þúsund
NÚMER 100.000 Sigríður Jónsdóttir
frá Húsavík var hundrað þúsundasti
gesturinn til að renna sér í brekkum
Hlíðarfjalls þennan veturinn.
MENNING Ólafur Halldórsson, handritafræðingur,
hlaut í gær sérstaka heiðursviðurkenningu fyrir
framlag sitt til rannsóknar og kynningar á Færey-
ingasögu.
Heiðursviðurkenningin var hluti af færeyskri
barna- og fjölskylduhátíð sem sett var í gær á Kjar-
valsstöðum, á fánadegi Færeyinga, en hátíðin er
hluti af Barnamenningarhátíð Reykjavíkur.
Ólafur hefur um áratugaskeið unnið að rannsókn-
um á handritum, textum og útgáfum á fornsögum
og eytt þar drjúgum parti ævistarfs í Færeyinga-
sögu, meðal annars með því að annast einstakar
útgáfur af henni.
Kjartan Magnússon borgarfulltrúi sagði í ræðu
sinni við verðlaunaafhendingunaað Ólafur hefði
unnið ómetanlegt starf, sem hann hefði unnið í
þágu menningartengsla frændþjóðanna Færeyinga
og Íslendinga. Ólafur varð níræður fyrir viku og
mætir enn hvern virkan dag til vinnu á Árnastofn-
un.
Auk erindis sem Ólafur flutti um Færeyingasögu
var íslenskum börnum boðið að senda póstkort til
jafnaldra sinna í Færeyjum og í lokin voru færeysk-
ir þjóðdansar stignir og boðið upp á veitingar ættað-
ar úr Færeyjum.
- jma
Ólafi Halldórssyni handritafræðingi veitt viðurkenning fyrir ævistarf:
Níræður mætir daglega í vinnu
HEIÐRAÐUR Á KJARVALSSTÖÐUM Sendikvinna Færeyinga á
Íslandi, Gunnvör Balle, verðlaunahafinn Ólafur Halldórsson
handritafræðingur og borgarstjórinn í Reykjavík, Hanna Birna
Kristjánsdóttir. FRÉTTABLAÐIÐ/STEFÁN
FERÐAMÁL Ráðast þarf í miklar
aðgerðir til að fá erlenda ferða-
menn aftur til landsins. Þetta er
mat framkvæmdastjóra Samtaka
ferðaþjónustunnar, Ernu Hauks-
dóttur.
Fréttir af eldgosinu í Eyjafjalla-
jökli hafa borist um allan heim og
Erna segist hafa fregnir af því
að ferðaþjónustufyrirtæki víða
um land hafi fengið fjölda fyrir-
spurna frá fólki sem hugðist koma
til landsins í sumar. Einnig að
töluvert sé um afbókanir meðal
erlendra ferðamanna.
„Við höfum fengið upplýsingar
frá ferðaþjónustufyrirtækjum sem
segja að mikið sé um afbókanir.
Það sem er hins vegar mun alvar-
legri tíðindi er að hrun er í nýjum
bókunum. Þessi tími, og næstu
vikur fram á sumar, er aðalbókun-
artími ársins í ferðamannaiðnaðin-
um þannig að þetta er gríðarlega
alvarlegt mál,“ segir Erna.
Matthías Imsland, forstjóri
Iceland Express, sagði stöðuna
slæma í kvöldfréttum Stöðvar 2 í
gærkvöld. Hann segir sölu á flug-
ferðum aðeins vera um fjórðung
af því sem var fyrir gos og stuðla
þurfi að mikilli landkynningu til
að ekki verði algert hrun í ferða-
þjónustunni.
Matthías segir jafnframt að
stefnt hafi í að komandi sumar
yrði mesta ferðamannasumar í
manna minnum. Miðað við söluna
verði það hins vegar aðeins svip-
ur hjá sjón.
Erna segir mikilvægt að allir
leggist á eitt við að koma réttum
upplýsingum á framfæri til að
ferðaþjónustan falli ekki á tíma.
Mikil bjartsýni ríkti í ferðageir-
anum fyrir nokkrum vikum þegar
allt stefndi í að ferðamenn myndu
streyma til landsins.
„Það þurfa allir að taka til hend-
inni og hjálpast að við þetta verk-
efni sem fram undan er,“ segir
Erna. juliam@frettabladid.is
Salan aðeins svipur
hjá sjón eftir gosið
Matthías Imsland, forstjóri Iceland Express, segir bókanir hjá félaginu aðeins
fjórðung af því sem var fyrir eldgosið í Eyjafjallajökli. Erna Hauksdóttir hjá
Samtökum ferðaþjónustunnar segir brýnt að ferðaþjónustan falli ekki á tíma.
HRÆÐSLA ERLENDIS Útlendingar veigra sér við að panta flug til Íslands eftir að gosið
í Eyjafjallajökli komst í heimsfréttirnar.
SAMGÖNGUR Vonast er til að sú breyting verði
á dreifingu ösku frá Eyjafjallajökli að hægt
verði að taka innanlandsflug upp að nýju í
dag. Innanlandsflugið lá niðri um helgina.
Iceland Express stefnir að flugi til og frá
Keflavíkurflugvelli í dag að sögn Kristínar
Þorsteinsdóttur, upplýsingafulltrúa félags-
ins. Guðjón Arngrímsson, upplýsingafullr-
úi Icelandair, segir flugfélagið gera ráð fyrir
að allt flug félagsins til og frá landinu færi
því um Akureyri í dag og á morgun. Öll flug
Icealandair eru til Glasgow og þaðan er flogið
áfram á aðra áfangastaði.
Bæði félögin flugu til og frá Akureyri í
gær. Iceland Express flaug til London og
Kaupmannahafnar og stóð til að freista þess
að láta þær vélar lenda í Keflavík þegar þær
sneru aftur til landsins í gærkvöld. Það gekk
hins vegar ekki upp og vélunum var stefnt til
Akureyrar.
Öll flug Icelandair eru hins vegar til
Glasgow og þaðan er flogið áfram á aðra
áfangastaði.
Kristín Þorsteinsdóttir sagði í gær að Ice-
land Express ætlaði að reyna að fljúga frá
Keflavík til London, Kaupmannahafnar, Berl-
ínar og Brussel enda væri gott útlit fyrir að
hægt yrði að opna fyrir flug frá Keflavík.
Sem fyrr eru farþegar beðnir um að fylgj-
ast náið með vefsíðum flugfélaganna og texta-
varpinu vegna hugsanlegra breytinga á flug-
áætlunum. - gar
Icelandair flýgur áfram til og frá Akureyri en Iceland Express reynir við flug um Keflavíkurflugvöll:
Stefnt að innanlandsflugi eftir helgarhlé
KEFALVÍKURFLUGVÖLLUR Iceland Express hyggst reyna
að fljúga um Keflavíkurflugvöll í dag. FRÉTTABLAÐIÐ/PJETUR
BANDARÍKIN, AP George W. Bush,
fyrrverandi Bandaríkjaforseti,
sendir næsta haust frá sér sjálfs-
ævisögulega bók, þar sem hann
skýrir frá tildrögum og forsend-
um umdeildra ákvarðana sem
hann tók á forsetaferli sínum.
Meðal annars verður fjall-
að um atburðina í kringum 11.
september 2001, forsetakosning-
arnar árið 2000 og persónulegri
mál, svo sem tengsl hans við fjöl-
skyldu sína og ákvörðun hans um
að hætta að drekka.
Bókin á að heita „Decision
Points“ og kemur út 9. nóvember.
- gb
Bush gefur út bók:
Ákvarðanir for-
seta útskýrðar
SPURNING DAGSINS
Sígild ævintýri
ásamt geisladiski
í hverjum mánuði.
Fyrsta bókin
á aðeins
kr!
A
R
G
H
! 0
41
0
Skráðu þig á: klubbhusid.is
eða í síma 528-2000