Fréttablaðið - 26.04.2010, Blaðsíða 14

14 26. apríl 2010 MÁNUDAGUR
timamot@frettabladid.is
Lóan er komin að kveða burt snjóinn.
Helsti vorboði okkar kom á tilsettum
tíma nú rétt fyrir páska. Lóan er ein-
kennisfugl íslenskra móa og útbreiddur
varpfugl um land allt og einnig á
hálendinu. Fullorðna lóu í sumar-
búningi þekkja allir, en ungfuglar og
fullorðnir fuglar á haustin eru án hvítu
og svörtu litanna að framan og rugla
því suma í ríminu. Lóan er vaðfugl,
sem verpir einkum á þurrum stöðum,
mólendi og grónum hraunum. Lóan er utan varptíma aðallega í
fjörum, lyngmóum og á túnum. Að áliðnu sumri fara lóurnar að
safnast í hópa og búa sig undir brottför til vetrarheimkynnanna í
V-Evrópu, aðallega á Írlandi, en einnig í Frakklandi, á Spáni og í
Portúgal, þar sem þær dvelja einkum við árósa. www.fuglavernd.is
FUGL VIKUNNAR: HEIÐALÓA
Lóan er komin
HEIÐLÓA Lóan syngur
dirrindí.
MYND/JAKOB SIGUÐRSSON
LUCILLE BALL (1911-1989) LÉST
ÞENNAN DAG.
„Ég vil heldur sjá eftir
þeim hlutum sem ég hef
gert en þeim hlutum sem ég
hef ekki gert.“
Lucille Ball var bandarísk
gamanleikkona sem var
þekktust fyrir leik sinn í þátt-
unum I Love Lucy.
MERKISATBURÐIR
1834 Ofsaveður brestur á á
Faxaflóa og farast þar 42
menn af tveimur skipum
og 14 bátum.
1909 Björn Jónsson ráðherra
skipar þriggja manna
rannsóknarnefnd til að
rannsaka hagi Lands-
banka Íslands og var það
upphafið að bankafargan-
inu.
1966 Akraborg fer sína síðustu
ferð til Borgarness.
1978 Kvikmyndasjóður Íslands
er stofnaður.
1986 Tsjernóbýl-slysið: Kjarna-
klúfur í Tsjernobyl spring-
ur.
2004 Fjölmiðlafrumvarpið er
lagt fram á Alþingi.
Listamannadeilan nær hámarki þenn-
an dag árið 1942 þegar Jónas Jónsson
frá Hriflu og formaður menntamála-
ráðs setti upp „háðungarsýningu“
á verkum nokkurra listamanna í
búðarglugga Gefjunar í Aðalstræti í
Reykjavík.
Aðdragandi deilunnar var sá að fjór-
tán myndlistarmenn sendu Alþingi
um mitt ár 1941 kvörtun vegna
listaverkakaupa menntamálaráðs
fyrir íslenska ríkið og hvöttu til þess
að í ráðinu sæti einhver sem hefði sérþekkingu
á myndlist. Listamennirnir voru ósáttir við þá
afstöðu ráðsins að kaupa einungis frásagnarlist
með þjóðlegu myndefni en sniðganga verk mik-
ils meirihluta menntaðra myndlistar-
manna.
Hnn 26. apríl 1942 lét Jónas setja
upp fyrrnefnda sýningu. Hún innihélt
verkin Þorgeirsboli eftir Jón Stefáns-
son, Hjörtur Snorrason eftir Gunnlaug
Scheving, Kona eftir Jóhann Briem, Í
sjávarþorpi eftir Jón Engilberts og Við
höfnina og Blá kanna eftir Þorvald
Skúlason. Sýningunni var ætlað að
draga dár að verkum listamannanna
eins og berlega kom fram í grein eftir
Jónas sem birtist í Tímanum daginn eftir opnun-
ina og bar titilinn „Er þetta það sem koma skal?“
Hnn 2. maí var sýningin tekin niður og önnur sett
upp. Heimild wikipedia.
ÞETTA GERÐIST: 26. APRÍL 1942
Háðungarsýning í Gefjun
JÓNAS JÓNSSON FRÁ
HRIFLU.
Eðvarð Ingólfsson, sóknarprestur á
Akranesi og rithöfundur, varð fimm-
tugur í gær, 25. apríl. Af því tilefni
dvelur Eðvarð nú í viku í New York
ásamt eiginkonu sinni, Bryndísi Sig-
urjónsdóttur grunnskólakennara.
„Það var lengi búið að vera í umræð-
unni hjá okkur hjónum að fara til New
York þegar ég yrði fimmtugur. Við
höfum komið þangað nokkrum sinnum
og þetta er eftirlætisborgin okkar, full
af lífi og fjöri,“ segir Eðvarð en vina-
hjón þeirra eru með í för.
Eðvarð er fæddur í Reykjavík en
alinn upp á Hellissandi. Hann gaf út
fjölmargar bækur á 9. og 10. áratug síð-
ustu aldar, meðal annars einar þekkt-
ustu unglingabækur sem komið hafa
út á Íslandi. Eðvarð hefur gegnt stöðu
sóknarprests frá árinu 1997.
„Tilfinningin að verða fimmtugur er
góð. Það ná ekki allir þeim aldri. Fimm-
tugur maður er yfirleitt búinn að taka
út sæmilegan þroska, ef hann hefur
kært sig um að læra af lífinu á annað
borð. Hann þekkir betur en áður veik-
leika sína og styrkleika. Stórafmæli
gefa gott tilefni til að staldra við, líta
um öxl og horfa fram á veginn. Marg-
ur finnur þá að hann hefur margt að
þakka,“ segir Eðvarð, og nefnir meðal
annars þrjú börn sem hann á en eitt
þeirra fermdi hann fyrir rúmum mán-
uði. „Þá buðum við öllum nánum ætt-
ingjum í fermingarveislu. Það er of
mikið að standa fyrir annarri stórri
veislu með svo stuttu millibili þannig
að við hjónin ákváðum frekar að gera
okkur glaðan dag erlendis.“
Þau hjón borðuðu á einum frægasta
djassstað borgarinnar á afmæliskvöld-
inu sjálfu, Blue Note á Manhattan. „Við
höfum farið þrisvar sinnum áður á
þennan stað og aldrei orðið fyrir von-
brigðum. Þarna spila bara þeir bestu
og maturinn er frábær. Þetta kvöld var
Michel Camilo ásamt hljómsveit,“ segir
Eðvarð og býst ekki við að þeim muni
leiðast í vikunni. „Það er svo margt
hægt að gera í þessari borg. Við skrepp-
um áreiðanlega í Central Park og upp á
þak á Rockefeller Center, þaðan sem er
frábært útsýni yfir borgina. Kannski
skoðum við frelsisstyttuna enn einu
sinni, göngum niður „Tána“, í gegnum
Wall Street og niður á innflytjenda-
höfnina þar sem er stór verslunarmið-
stöð, margir veitingastaðir og frábært
útsýni yfir Brooklyn-brúna. Skrepp-
um örugglega í Kínahverfið og kannski
förum við í siglingu.“
juliam@frettabladid.is
EÐVARÐ INGÓLFSSON, SÓKNARPRESTUR OG RITHÖFUNDUR: ER FIMMTUGUR
Fimmtugur maður hefur
margt að þakka fyrir
NEW YORK Á AFMÆLINU Eðvarð Ingólfsson, sóknarprestur og rithöfundur, heldur mikið upp á New York-borg og ætlar að skoða frelsisstyttuna
einu sinni enn.
Náttúran.is hélt upp á þriggja ára
afmælið sitt á degi umhverfisins í gær
og opnaði nýja útgáfu af vefnum undir
heitinu natturan.is 2.0. Á þessum
þremur árum hafa þrjár konur sest í
stól umhverfisráðherra og mikil átök
átt sér stað í þjóðfélaginu, segir í til-
kynningu. „Á opnunarárinu var útrás-
in á fullri ferð og fáir að hlusta á tuð
um sjálfbæran lífsstíl og nægjusemi
í neyslu. En sem betur fer er tónninn
annar í dag og nauðsyn þess að hlífa
móður jörð“, segir enn fremur.
Markmið náttúran.is hefur frá upp-
hafi verið að móta ábyrgt og óháð svið
fyrir alla sem eitthvað hafa fram að
færa á sviði umhverfismála. Á nýja
vefsvæðinu hefur allt efni verið endur-
skrifað frá grunni. Nýjum efnisflokk-
um hefur verið bætt við og enski hluti
vefjarins er orðinn yfirgripsmeiri auk
þess sem meginefni eins og grænar
síður og grænt kort er komið á þriðja
málið, þýsku. Af nýjum efnisflokkum
má síðan nefna vistvæn innkaupavið-
mið, náttúruspjall og vöruleit þar sem
hægt er að þrengja leitina eftir fram-
leiðanda og vottunum en auk þess er
unnið að gerð Græns bókhalds fyrir
heimili og smærri fyrirtæki. - ve
Náttúran.is þriggja ára
FJÖLMARGIR NÝIR EFNISFLOKKAR Í tilefni
afmælisins var opnaður nýr og endurbættur
vefur undir heitinu natturan.is 2.0.
Ástkær eiginkona mín, móðir, systir og
amma,
Guðmunda
Hjálmarsdóttir
Laufrima 4,
lést 19. apríl á Skógarbæ. Útför hennar fer fram frá
Fossvogskirkju, 28. apríl klukkan 13.00.
Fyrir hönd aðstandenda,
Birgir Jónsson.
Oddný Þorvaldsdóttir,
Furugerði 1, Reykjavík,
lést laugardaginn 17. apríl. Útför hennar fer fram frá
Fríkirkjunni í Reykjavík þriðjudaginn 27. apríl kl. 15.00.
Ragnar Hólmarsson María Finnsdóttir
Mette Fanö
Þorvaldur Sverrisson Helga Sverrisdóttir
Halla Sverrisdóttir Hörður Hauksson
Svavar Ragnarsson Finnur Ragnarsson
Kári Hólmar Ragnarsson
Ástkær móðir mín, tengdamóðir,
amma, systir og mágkona,
Álfheiður Björk
Einarsdóttir
lést föstudaginn 23. apríl. Jarðarförin verður auglýst
síðar.
Lára Björk Hördal Kjartan Guðmundsson
Hrafnhildur Kjartansdóttir
Sigrún M. Einarsdóttir Ásgeir Eiríksson