Fréttablaðið - 19.05.2010, Síða 14

14 19. maí 2010 MIÐVIKUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Þegar ráðist var á öryrkja og aldraða um mitt ár í fyrra fullyrti félags- og trygg-
ingamálaráðherra að „… það væri betra að
fá skellinn strax heldur en smátt og smátt“.
Það er ekki liðið árið þegar sami ráðherra
kemur í fjölmiðla og lýsir því yfir að nú
standi til að draga enn frekar úr velferðar-
kerfinu: “… að spara þar um 6% og fækka
störfum“ sem að sjálfsöðu þýðir minni þjón-
usta við einmitt þá er verst eru settir, þá
sem erfiðast eiga með breytingar, sem eru
viðkvæmastir í þjónustu o.s.frv.!
Árni Páll Árnason. Það er ekki nóg að tala
fjálglega á fundum og lofa bættri þjónustu,
tryggja öllum mannréttindi og heita því að
allir fái að sitja við sama borð, hvað þjón-
ustu varðar. Nú er, svo notaður sé orðaforði
íþróttafréttamanna: rétt að þú takir þér tak
og gyrðir í brók, látir hendur standa fram
úr ermum og raunverulega VERJIR VEL-
FERÐARKERFIÐ!!! Eins og þessi stjórn
lofaði og hefur marg oft stagast á að hún
vilji gera.
Um síðustu helgi var haldið málþing í
þjóðfundarstíl um fátækt á íslandi að frum-
kvæði European Anti Poverty Network
(EAPN) og félags- og tryggingamálaráðu-
neytisins. Um sama leyti kemur út skýrsla
Rauða kross Íslands, „Hvar þrengir að?“,
en þar kennir ýmissa grasa. Þeir hópar sem
verst standa eru: atvinnuleitendur með litla
menntun, barnafjölskyldur og einstæðir for-
eldrar með lágar tekjur, innflytjendur sem
tala litla íslensku, öryrkjar sem eru með
börn á framfæri og börn og unglingar sem
skortir tækifæri, t.d. vegna fátæktar, bak-
grunns og/eða stöðu forsjáraðila.
Lífeyrisþegar sem aldrei hafa haft mikið
hafa verið skertir markvisst síðan janúar
2009 bæði í almannatryggingakerfinu sem
og hjá lífeyrissjóðunum sem hafa gengið
hvað harðast að láglaunafólki sem vegna
veikinda eða fötlunar á rétt á greiðslum úr
lífeyrissjóðum sem það hefur greitt í allan
sinn vinnutíma. En með „hókus pókus“ regl-
um hafa lífeyrissjóðirnir komist upp með að
láta almannatryggingakerfið greiða sjóðun-
um milljarð á ári sem niðurgreiðsla, án þess
að bótaþegar fái það í sinn vasa.
Nei, nú er komið nóg! Fyrir rúmu ári
var svo kölluð búsáhaldabylting, en nú er
komið að hækju- og hjólastólabyltingunni:
„Öryrkjar allra landa sameinist.“ Það er
ófært að ríkisstjórn sem kennir sig við
velferð sjái engin önnur úrræði en ráðast
á þá er erfiðast hafa það fyrir, hvort sem
þeir kallast öryrkjar, atvinnuleitendur eða
láglaunafólk.
Er ekkert að marka ráðherra?
Velferðar-
mál
Guðmundur
Magnússon
formaður
Öryrkjabandalags
Íslands
Svipan
Svipan er róttækur fréttamiðill á Net-
inu. Þar má finna býsna beitta pistla
og, oft og tíðum, áhugavert viðhorf
á fréttir líðandi stundar. Í einni frétt
þeirra á Svipunni gera þeir úttekt
á símafélögum landsins og
hvetja lesendur til að skipta við
félagið Alterna. Ástæðan er
augljós, útrásarvíkingarnir
eiga í hinum símafyrir-
tækjunum. Svipan mælir
því í fréttinni, sem svipar
óneitanlega til óbeinn-
ar auglýsingar, með
Alterna, sem er í eigu
fyrirtækisins Worldcell.
Frekar hertólin
Athyglisvert er að skoða
starfsemi þess fyrirtækis
sem, að hluta til, sérhæfir
sig í framleiðslu sam-
skiptatækja fyrir
heri víða um heim.
„Connecting your
command …“ er
slagorð þess og
lesa má setningar
um að fyrir-
tækið framleiði
„Wireless products
and services for the war-
fighter!“ Svipan mælir því með
hertólafyrirtækinu.
Skýrt og skorinort
Mikilvægt er að orða hlutina skýrt
og vera skorinorður. Það veit
læknirinn sem fékk nýverið leyfi
hjá Persónuvernd fyrir aðgangi
að sjúkraskrám vegna rannsóknar
sinnar. Hún ber eftirfarandi heiti:
„Slembiröðuð, tvíblind, fjölsetra
samanburðarrannsókn við
burðarefni og lyfleysu án burð-
arefnis, til að meta verkun,
þol og öryggi af notkun TDT
067 tvisvar á dag í 48 vikur
hjá einstaklingum með vægan eða
meðalsvæsinn naglsvepp fremst
undir tánöglum.“
kolbeinn@frettabladid.is
Höfum opnað verslun
að Kauptúni 3 í Garðabæ (gengt IKEA).
Opið: Má. - Fö. 12 - 18
Lau. 11 - 15
Kauptúni 3 • 210 Garðabær • S 771 3800 • www.signature.is
Kr. 44.100,- TILBOÐ
Mikið úrval vandaðra garðhúsgagna
sem þarfnast lítils viðhalds.
Margar vörur á opnunartilboði!
S
ú menntun sem ungu fólki stendur til boða í dag getur skipt
sköpum um það hversu lífvænlegt samfélag verður hér
eftir nokkra áratugi. Það er því lífsspursmál fyrir framtíð
þjóðarinnar að byggja upp og viðhalda góðu menntakerfi.
Niðurskurður til háskólastarfs hlýtur því að vekja ugg.
Það er ekki vandalaust að halda úti öflugu háskólastarfi í litlu
landi, landi sem er svo fámennt að þjóðin öll telur mun færri ein-
staklinga en standa á bak við meðalháskóla í öðrum löndum.
Sýnt hefur verið fram á að þegar kreppir að sé afar mikilvægt
að viðhalda öflugu menntakerfi.
Því ríður á þegar niðurskurður
virðist óhjákvæmilegur að nýta
það fé sem varið er til háskóla
afar vel.
Sigurður Guðmundsson, for-
seti heilbrigðisvísindasviðs
Háskóla Íslands, varar í frétt
Fréttablaðsins í gær við því að
sú staða kunni að koma upp, ef áætlanir um niðurskurð ganga
eftir við óbreytt kerfi, að þjóðin kunni að sitja uppi með sjö veika
háskóla. Að mati Sigurðar er hagræðing með sameiningu eða víð-
tæku samstarfi borðleggjandi lausn í því árferði sem nú ríkir.
Undir þetta verður að taka. Það blasir við að samfélag sem telur
liðlega 300.000 sálir getur ekki staðið undir rekstri sjö háskóla.
Slíkur rekstur á háskólakerfi var í raun aldrei skynsamlegur og
hefði ekki átt að verða. Það verður að skerpa og einfalda þetta kerfi
án þess að kvika frá gæðakröfum.
Jafnvel þótt vel ári hlýtur spurningarmerki að verða sett við
það að sömu greinarnar séu kenndar í allt að fjórum háskólum,
þar af tveimur sem aðeins einn flugvöllur aðskilur. Samkeppni
til að viðhalda metnaði og gæðum eru meðal raka sem notuð eru
með þessu fyrirkomulagi. Hins vegar er það svo að hér í okkar
litla landi er leikvöllurinn einfaldlega ekki nægilega stór til þess
að sú samkeppni fari fram milli háskóla innanlands. Sömuleiðis
hefur heimurinn allur farið síminnkandi, ekki síst hvað það varðar
að sækja menntun út fyrir landsteinana. Íslenskir háskólar eiga
því eins og kostur er að keppa við erlenda háskóla og eru þeir síst
óverðugri keppinautar.
Það er mikilvægt að leggja verulega rækt við þær greinar sem
byggja sérstaklega á íslenskri náttúru og menningu. Í þeim grein-
um hlýtur markmiðið alltaf að vera að íslenskur háskóli teljist
meðal þeirra allra bestu. Leggja verður kalt mat á það hvort fækka
eigi háskólum í einn, tvo eða þrjá og sömuleiðis hvort hagkvæmt
sé að hætta kennslu í einhverjum greinum og beina fólki til náms
í þeim í öðrum löndum.
Það er afar alvarlegt mál að standa frammi fyrir því að skera
niður fé til háskóla. Við það verk er mikils um vert að heildar-
hagsmunir til langs tíma gangi fyrir metnaði og stolti einstaklinga
fyrir hönd síns skóla. Hér verða allir að leggjast saman á árar því
framtíðarmenntun þjóðarinnar er í húfi og þar með velferð og
lífsgæði þjóðarinnar um ókomin ár.
Niðurskurður til menntamála
kallar á betri nýtingu fjár.
Fækkun háskóla
blasir við
SKOÐUN
Steinunn
Stefánsdóttir
steinunn@frettabladid.is