Fréttablaðið - 19.05.2010, Qupperneq 15

MIÐVIKUDAGUR 19. maí 2010 15
Í nýlegri grein lýsir Þorvaldur Gylfason prófessor íslensku
dómskerfi á þá leið að það sé „skil-
getið afkvæmi gerspilltrar stjórn-
málastéttar“. Með þessu færir hann
fram túlkun sína á ótilgreindum
skoðanakönnunum um lítið traust
almennings á dómskerfinu. Þótt
dómarar hafi það fyrir sið að svara
ekki gagnrýni sem óhjákvæmilega
fylgir því að skera úr ágreiningi
og kveða upp dóma um sekt eða
sýknu í umdeildum málum, eru
fullyrðingar Þorvaldar svo rangar
að með engu móti er hægt að láta
þeim ósvarað.
Íslenskir dómarar sem hlotið
hafa skipun í embætti eru alls 52
talsins og hafa þeir allir gengið í
gegnum lögákveðið ferli til að öðl-
ast skipun í embætti, í mörgum
tilvikum með mati hæfnisnefnd-
ar. Þær embættisveitingar sem
Þorvaldur bendir sérstaklega á
til stuðnings fullyrðingu sinni um
spillingu íslensks dómskerfis eru
þrjár talsins. Þegar frá hafa verið
taldir 5 dómarar sem fengu skip-
un fyrr í þessum mánuði sitja sam-
kvæmt þessu 44 dómarar undir því
ámæli Þorvaldar að hafa fengið
skipun í embætti í krafti spilling-
ar. Einnig sá dómari sem nýlega
komst að þeirri niðurstöðu að ein
þeirra skipana í dómarastöðu sem
Þorvaldur vísar til hefði verið
ólögmæt!
Íslenskir dómarar eru skipaðir
ævilangt og þurfa því ekki að bera
víur í handhafa framkvæmdarvalds
(eða kjósendur) til þess að hljóta
endurskipun að tilteknum tíma liðn-
um. Það er og svo að íslenskt dóms-
kerfi nýtur ákveðinnar sérstöðu,
t.d. samanborið við Danmörku og
Noreg, að því leyti að hér á landi
er mun algengara að kveðnir séu
upp dómar um að almenn lög gangi
gegn stjórnarskrá. Slíkar dómsnið-
urstöður eru tæplega til þess falln-
ar að auka dómurum og dómskerf-
inu vinsældir hjá valdhöfum hverju
sinni. Sama á við um mörg mál sem
lúta að athöfnum framkvæmdar-
valdsins. Það skyldi þó ekki vera
að neikvæð orðræða í garð dóm-
stóla um árabil úr ýmsum áttum
hafi skilað tilætluðum árangri, þ.e.
að rýja dómstóla trausti í augum
almennings?
Íslenskt réttarkerfi er með þeim
ódýrustu í Evrópu, hvort sem
miðað er við höfðatölu eða lands-
framleiðslu. Flestir eru sennilega
sammála því að launum dómara
og aðbúnaði sé stillt í hóf. Máls-
hraði til þessa hjá dómstólum er
með því sem best gerist, raun-
ar svo góður að nánast er óþekkt
að fyrirtæki og aðrir kosti fé til
gerðardóma. Svo langt sem þekk-
ing okkar nær, er spilling með
öllu óþekkt í íslensku dómskerfi,
en sú er hins vegar ekki raunin
víða erlendis. Með þessu er ekki
ætlunin að fullyrða að ekki megi
bæta íslenskt dómskerfi, t.d. varð-
andi skipun dómara, með upptöku
millidómstigs eða aðbúnaði dóm-
ara. Hvað sem því líður er óhætt
að fullyrða að gengið er út frá
heiðarleika íslenskra dómara sem
svo sjálfsögðum hlut að engum
rannsóknum, skoðanakönnunum
eða því um líku er fyrir að fara.
E.t.v. væri þó ástæða til þess að
rannsókn og/eða skoðanakönnun
þar að lútandi færi fram til að fá
þetta staðfest.
Íslenskir dómstólar standa nú
frammi fyrir stórum og vanda-
sömum málum. Það er miður
að við þessar erfiðu aðstæður í
íslensku samfélagi skuli prófessor
við Háskóla Íslands taka sér það
fyrir hendur að drótta að því að
íslenskir dómarar hafi fyrirfram
komist að niðurstöðu í málum sem
þó hafa ekki verið höfðuð og hafa
uppi þá rakalausu fullyrðingu að
dómskerfi hér á landi sé mengað
af spillingu.
Dómarar – skilgetin afkvæmi
gerspilltrar stjórnmálastéttar?
Þriðjudaginn 17. maí birtust tvær greinar á skoðanaopnu
Fréttablaðsins. Inntaki annarr-
ar greinarinnar er ég sammála
en hinni greininni er ég ósam-
mála. Steinunn Stefánsdóttir
skrifaði grein undir yfirskrift-
inni „Vekjum kosningabaráttuna“
sem ég er sammála að þurfi að
gera.
Steinunn segir að sér virðist
sem frambjóðendur í Reykjavík
hafi koðnað niður og talið að best
væri að bregðast við lítilli eftir-
spurn almennings og háðsglós-
um Besta flokksins með því að
láta lítið á sér kræla. Ég er ekki
viss um að þetta sé rétt lesið. Þótt
umhverfið sé erfitt þá hafa flest
framboð lagt í metnaðarfulla
vinnu við stefnumál og eru að
kynna þau.
Ég veit að í Reykjavík er sjálf-
stæðisfólk að bera út stefnumál
sín og banka upp á hjá fólki eins
og í Kópavogi. Við erum stolt af
því að kynna okkar stefnumál
fyrir kjósendum. Hins vegar er
erfitt að fá fjölmiðla til að fjalla
um stefnumál flokkanna. Ég sendi
fréttatilkynningu um stefnumál
sjálfstæðisfólks í Kópavogi á fjöl-
miðla. Hún fékk enga umfjöllun.
Kastljós ríkissjónvarpsins er að
gera þætti um sveitarstjórnar-
kosningarnar. Mér og oddvit-
um annarra lista hér í Kópavogi,
næststærsta sveitarfélagi lands-
ins, voru úthlutaðar 30 sekúndur
til að koma því að hvað væri efst á
baugi í sveitarfélaginu. Er stjórn-
málum og almenningi sýnd virð-
ing með þessu? Er RÚV að rækja
sitt hlutverk sem ríkissjónvarp?
Hin greinin var eftir Elfi Loga-
dóttur um fjármál Kópavogs og
landakaup bæjarins sem hún segir
að ekki hafi verið vandað til. Því
er hægt að svara stuttlega. Bær-
inn varð að kaupa land undir lóðir.
Þeim var úthlutað og fengu færri
en vildu. Eftir hrun efnahagslífs-
ins jukust skuldir að mestu vegna
lóðaskila sem bjargaði fjárhag
margra fjölskyldna en lóðirnar
munu seljast aftur og skuldirnar
lækka. Þær hafa þegar lækkað
um tæpan milljarð frá áramótum
og Samfylkingin metur fjárhag
bæjarsjóðs það sterkan að undir
merkjum „Kópavogsbrúar“ vill
hún að bærinn stofni fyrirtæki og
taki lán til að hjálpa bönkunum að
bjarga hálfkláruðu húsnæði sem
er í eigu þeirra sjálfra. Þessi hug-
mynd gengur ekki upp. Bankarnir
skiluðu í hagnað á síðasta ári fjór-
földum skatttekjum bæjarsjóðs og
þurfa enga hjálp. Það er ekki hlut-
verk bæjarins að stofna og reka
fyrirtæki til útleigu fasteigna í
samkeppni við einkaaðila.
Sammála og ósammála
Sveitarstjórnarkosningar
Ármann Kr.
Ólafsson
oddviti Sjálfstæðis-
flokksins í Kópavogi
Dómstólar
Benedikt
Bogason
skipaður héraðsdómari
og dósent við
lagadeild HÍ
Skúli Magnússon
skipaður héraðsdómari
og dósent við
lagadeild HÍ
Hafðu samband
símiVerðbréfaþjónusta Arion banka
er söluaðili sjóða Stefnis.
Kynntu þér sjóðina hjá starfsfólki
verðbréfaþjónustu Arion banka
í síma 444 7000, í næsta útibúi
eða á arionbanki.is/sjodir
Stefnir - Samval.
Meiri möguleikar á
breytilegum markaði.
Fjárfestir í þeim eignaflokkum sem ákjósanlegastir eru hverju sinni
– eignastýring í einum sjóði
Virk stýring í skuldabréfum og hlutabréfum. Áhersla á ríkistryggð
skuldabréf undanfarin misseri
Fjárfestir að mestu í öðrum sjóðum til að auka enn frekar áhættudreifingu
Góður kostur í langtímasparnaði og hentar vel í reglulegan sparnað
13,9% meðalnafnávöxtun síðastliðin 5 ár*
Lágmarkskaup 10.000 kr. en 5.000 kr. í reglulegum sparnaði
Ávöxtunartölur vísa til fortíðar. Fyrri ávöxtun sjóða gefur ekki áreiðanlega vísbendingu um framtíðarárangur þeirra. Vakin er sérstök athygli á að almennt fylgir áhætta fjárfestingu í hlutdeildarskírteinum sjóða, t.d. getur fjárfesting
rýrnað eða tapast að öllu leyti. Stefnir - Samval er fjárfestingarsjóður skv. lögum nr. 30/2003, um verðbréfasjóði og fjárfestingarsjóði. Rekstrarfélag sjóðsins er Stefnir hf. Nánari upplýsingar um sjóðinn, þ.á m. nánari upplýsingar um
áhættu við fjárfestingu í hlutdeildarskírteinum hans, má finna í útboðslýsingu og útdrætti úr útboðslýsingu sjóðsins, sem nálgast má á www.arionbanki.is/sjodir.
*Upplýsingar fengnar af www.sjodir.is
fyrir tímabilið 30.04.2005-30.04.2010.
1 9 . maí kl. 16:30 Kaffi húsið í Gerðubergi
20. maí kl. 16:30 Bíósalurinn í Austurbæjarskóla
22. maí kl. 10:00 Café Flóru í Laugardal
Samfylkingin kynnir metnaðarfulla barna-
og skólastefnu sína fyrir borgarbúum
Allir velkomnir!
Börnin okkar
í borginni