Fréttablaðið - 19.05.2010, Page 26

19. MAÍ 2010 MIÐVIKUDAGUR4 ● kjóstu með menntun
1. Kennarar vinna að því að mennta nemendur og stuðla að alhliða
þroska þeirra með fræðslu, uppeldi og þjálfun.
2. Kennurum ber að virða réttindi nemenda og hafa hagsmuni þeirra
að leiðarljósi, efla sjálfsmynd þeirra og sýna sérhverjum einstaklingi
virðingu, áhuga og umhyggju.
3. Kennurum ber að hafa jafnrétti allra nemenda að leiðarljósi í skóla-
starfi. Þeir eiga að vinna gegn fordómum og mega ekki mismuna nem-
endum, til dæmis vegna kyns, þjóðernis eða trúarbragða.
4. Kennarar skulu leitast við að skapa góðan starfsanda, réttlátar starfs-
og umgengnisreglur og hvetjandi námsumhverfi.
5. Kennarar skulu leitast við að vekja með nemendum virðingu fyrir
umhverfi sínu og menningarlegum verðmætum.
6. Kennurum ber að viðhalda
starfshæfni sinni, auka hana og
fylgjast með nýjungum og umbót-
um á sviði skólamála.
7. Kennurum ber að hafa samvinnu
við forráðamenn eftir þörfum og
gæta þess að upplýsingar sem þeir
veita forráðamönnum séu áreiðan-
legar og réttar.
8. Kennarar skulu virða ákvörðunar-
rétt forráðamanna ólögráða nem-
enda og hafa ekki samband um
málefni nemanda við sérfræðinga
utan viðkomandi skóla, nema slíkt
sé óhjákvæmilegt til að tryggja vel-
ferð og rétt barnsins.
9. Kennurum ber að gæta trúnaðar við nemendur.
10. Kennurum ber að gæta þagmælsku um einkamál nemenda og for-
ráðamanna þeirra sem þeir fá vitneskju um í starfi.
11. Kennarar skulu gæta heiðurs og hagsmuna kennarastéttarinnar.
12. Kennurum ber að vinna saman á faglegan hátt, taka þátt í að marka
stefnu og móta daglegt starf í skólanum.
13. Kennurum ber að sýna hver öðrum fulla virðingu í ræðu, riti og
framkomu.
Hér eru siðareglur kennara
Hvar eru siðareglur stjórnmálamanna?
Kennarasamviska er orð sem nær ágætlega að tjá
þau áhrif sem siðareglurnar eiga að hafa. Það er til-
hneiging til þess í okkar samfélagi, sem einkenn-
ist af skriffinnsku og ákveðinni rökhyggju, að líta
svo á að siðferði heillar fagstéttar geti að öllu leyti
verið fólgið í fáeinum reglum. Þetta er álíka blekk-
ing og að halda að hæfileiki okkar til að tala sé fólg-
inn í því að geta beitt málfræðireglum. En um leið
og við hugsum málið komumst við að því að við
getum ekki lært eina einustu málfræðireglu fyrr
en við höfum lært að tala. Reglurnar minna okkur
á nokkra hluti í þessum miklu stærri veruleika sem
er erfitt að fanga algerlega í eitthvert regluverk.
Við höfum einhvers konar samvisku, eða tilfinn-
ingu fyrir siðferði, og við notum ekki reglur til þess
að búa þessa tilfinningu til heldur til þess að gagn-
rýna hana, skilja eða leiðrétta. Við komumst ekki í
gegnum daginn á siðareglum en ef við erum í vafa
um það eftir á að við höfum farið rétt að þá eru
siðareglur leið til að ræða það.
Svo ég útfæri þetta aðeins nánar, þá eru siða-
reglurnar heppileg leið til að ræða um endurbætur
á starfinu, tilgang þess og um þau gildi sem við
þjónum sem kennarar. Það eru ýmis séreinkenni á
siðferði kennarastéttarinnar – af því að við erum
kennarar. Siðareglurnar eru leið til þess að byggja
upp vitund um þetta og rökræða um það. Að láta
sér annt um menntun og þroska fólks, að telja sig
skyldugan til að vera umhyggjusamur og hafa
áhuga á og hlusta á hvern einstakling er innbyggt í
það að vera kennari. Atli Harðarson í Skólavörðunni, tímariti KÍ
Heppileg leið til úrbóta
Skólinn er ekki
bara rútína!
Frelsi ● Ímyndunarafl ● Stuðningur
Siðareglur henta vel til að ræða um endurbætur á starfinu,
tilgang þess og um þau gildi sem kennarar þjóna.
Við erum með nemendum. Við erum á móti niðurskurði í
menntun.
Eflum framtíðina með því að sinna nútímanum.
Höldum vel utan um skólann. Berum virðingu fyrir menntun.
Gefur þú menntun atkvæði þitt?
Fylgstu með því sem frambjóðendur segja um nemendur,
skólahald og menntun. Greiddu atkvæði þitt með nemendum.
Kennarasamband Íslands.
Samvinna
● Skemmtun
● Hugarfarsbreyting
Fjölbreytni ● Huggun ● Möguleikar
Forvitni ● Gleði ● Áhugi
Góðir vinir ● Draumar ● Nám
ÆTLAR ÞÚ AÐ SKERA NIÐUR Í SKÓLAMÁLUM OG ÞÁ
HVAÐ EF ÞÚ KEMST TIL VALDA?
„Það eru engin
áform um
neinn niður-
skurð í skóla-
málum í
Garðabæ, góð
fjárhagsstaða
bæjarsjóðs
gefur ekki til-
efni til þess,“ segir Áslaug Hulda
Jónsdóttir, oddviti sjálfstæðismanna
í Garðabæ. „Við munum halda áfram
að þróa öflugt og gott skólastarf.“
ÞRÓUM ÁFRAM ÖFLUGT STARF
● SVONA GETIÐ ÞIÐ SKORIÐ NIÐUR ÁN ÞESS AÐ
BRJÓTA LÖG Í október 2009 gaf Samband íslenskra sveitarfélaga
út „Leiðbeiningar til sveitarfélaga um forgangsröðun útgjalda á sviði
fræðslumála“. Þar er fjall-
að um hvar sveitarfélög
geta skorið niður í skóla-
starfi án þess að brjóta
lög. Í Reykjavík hefur til
dæmis kennslumagn
verið skert nú þegar.
Tímum í 2.-4. bekk var
fækkað um fimm á viku
skólaárið 2009-2010.
Þessir tímar voru umfram
viðmiðunarstundaskrá
og upphaflega hugsað-
ir þannig að þeir ættu
að stuðla að jöfnuði milli
nemenda. Áður en þeim
var komið á höfðu skólar boðið upp á heimanámsaðstoð sem foreldrar
borguðu sérstaklega fyrir. Með viðbótarstundunum átti að gera öllum
börnum kleift að fá aðstoð við heimanám án viðbótarkostnaðar fyrir fjöl-
skyldur þeirra. Í sumum skólum voru viðbótarstundir voru nýttar í list- og
verkgreinar.
„Ekki stendur
til að skera
niður í
skólamálum
af okkar hálfu,“
segir Hermann
Jón Tómasson,
oddviti Sam-
fylkingar og bæjarstjóri á Akureyri.
„Hins vegar myndum við færa til
fjármuni, í kennslu og almenna
þjónustu við nemendurna, en við
flytjum ekki fjármuni frá þeim.“
NIÐURSKURÐUR EKKI Á DAGSKRÁ