Fréttablaðið - 19.05.2010, Side 34
18 19. maí 2010 MIÐVIKUDAGUR
timamot@frettabladid.is
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
Sif Cosmetics, dótturfélag ORF líf-
tækni, setur á markað nýja húðdropa í
dag. Droparnir innihalda EGF frumu-
vaka sem eiga að hvetja til náttúrulegr-
ar endurnýjunar húðfrumna og sporna
við öldrun húðarinnar. Frumuvakarn-
ir eru framleiddir úr byggi af ORF líf-
tækni og á verkefnið rætur sínar að
rekja til rannsóknarstyrks Rannís sem
fyrirtækið hlaut árið 2006.
„Samkeppnisaðilar okkar úti í heimi
nota bakteríur og dýrafrumur til að
framleiða þessi prótín en við notum
sérstakar líftækniaðferðir. Þetta er
grænn iðnaður og við erum með á
annað hundrað prótína í framleiðslu
á mismunandi stigum. Prótínin eru
notuð í læknisrannsóknum, stofnfrumu-
rannsóknum og jafnvel í lækninga-
skyni en sum þeirra henta auk þess
vel í snyrtivörur,“ segir Björn Örvar,
framkvæmdastjóri Sif Cosmetics.
EGF er fyrsti frumuvakinn sem er
valinn úr hópi frumuvaka. Hann hefur
nokkuð alhliða virkni en auk þess er
verið að þróa fleiri snyrtivörur sem
sumar munu hafa sértækari virkni á
tiltekin húðvandamál. Þær munu líta
dagsins ljós síðar á árinu. „Lækna-
vísindin þekkja vel hvaða gagn þess-
ir frumuvakar gera húðinni og því er
engin tilviljun að við kjósum að nota
þá í snyrtivörurnar en aðferðin við
framleiðsluna er hins vegar ný,“ segir
Björn.
EGF frumuvaki er prótín sem húð-
frumur framleiða sjálfar. Framleiðsl-
an minnkar hins vegar með aldrinum.
Fyrir vikið endurnýja frumurnar sig
hægar og þá fer að bera á hrukkum og
þynnri húð. Björn segir að langur tími
hafi farið í að prófa og þróa húðdrop-
ana, sem hafa fengið nafnið EGF BIO-
effect serum. „Undanfarna þrjá mán-
uði hafi nokkur hundruð manns prófað
dropana. Við höfum svo verið að safna
vitnisburði og niðurstöðum og hafa
viðbrögðin verið framar vonum en 98
prósent þátttakenda sögðust taka eftir
frískara yfirbragði húðarinnar. Það er
afar ánægjulegt en við teljum okkur
geta náð góðum árangri enda með ein-
staka vöru,“ segir Björn og bendir á að
margar húðvörur á markaðnum inni-
haldi allt upp í sjötíu mismunandi efni.
Í dropunum eru þau hins vegar aðeins
sjö auk þess sem þeir eru án allra lykt-
ar-, ilm- og rotvarnarefna.
En stefnið fyrirtækið á útrás? „Við
seljum nú þegar dropana til Ítalíu
og Danmerkur auk þess sem fjöl-
margir erlendir aðilar eru með þá til
skoðunar.“ Nánari upplýsingar er að
finna á www.sifcosmetics.com.“
vera@frettabladid.is
SIF COSMETICS: SETUR FYRSTU SNYRTIVÖRU SÍNA Á MARKAÐ
Húðdropar unnir úr byggi
NÝSKÖPUN Droparnir eiga að hvetja til náttúrulegrar endurnýjunar húðfrumna.
FRÉTTABLAÐIÐ/GVA
MALCOM X (1925-1965) FÆDDIST
ÞENNAN DAG ÁRIÐ 1925
„Maður sem stendur ekki
fyrir neitt fellur fyrir öllu.“
Malcom X var bandarískur
mannréttindafrömuður. Hann
var til langs tíma talsmaður
Nation of Islam (NOI). Hann
stofnaði Muslim Mosque,
Inc. og Organization of Afro-
American Unity.
MERKISATBURÐIR
1875 Fyrsta sláttuvélin kemur
til Íslands frá Noregi.
1950 Þúsundir Reykvíkinga
fagna Gullfossi,
nýju farþegaskipi
Eimskipafélagsins.
1969 Kjarasamningur milli
verkalýðsfélaga og at-
vinnurekenda undirritað-
ur. Mikilsvert samkomu-
lag um lífeyrissjóð náðist.
1983 Geimskutlan Enterprise
hefur viðkomu á Keflavík-
urflugvelli, borin af Boe-
ing 747 þotu.
1986 Sex af forráðamönnum
Hafskips hf. handteknir
og úrskurðaðir í gæslu-
varðhald á meðan
meint brot þeirra voru
rannsökuð.
Þennan dag árið 1990 var
Húsdýragarðurinn í Laugardal
formlega opnaður. Ákvörðun
um byggingu garðsins var tekin
í borgarráði Reykjavíkur fjórum
árum áður en framkvæmdir
hófust árið 1989.
Á einu ári voru reist sex hús
til dýrahalds, steypt selatjörn,
landslag mótað fyrir refi, minka
og hreindýr, beitarhólf afgirt
og komið upp fiskeldiskerjum.
Auk þessa var Hafrafelli, gömlu
íbúðarhúsi Örlygs Sigurðssonar listmálara, breytt
í skrifstofu og kennslusalur útbúinn úr vinnustofu
hans. Markmið með byggingu húsdýragarðsins var
að kynna borgarbúum íslensku
húsdýrin, færa þá nær íslensk-
um búskaparháttum og efla
tengsl á milli manna og dýra.
Síðan hefur starfsfólk garðsins
haft það að leiðarljósi að vera
til fyrirmyndar og í vaxtarbroddi
í dýravernd. Gert er ráð fyrir
rúmlega tuttugu dýrategundum
og er stefnan að sýna afbrigði,
litbrigði, bæði kyn og afkvæmi.
Fjölskyldugarðurinn var
tekinn í notkun 4. júní 1993
og þá tók hinn sameinaði garður, Fjölskyldu- og
húsdýragarðurinn, til starfa.
Heimild: www.mu.is
ÞETTA GERÐIST: 19. MAÍ ÁRIÐ 1990
Húsdýragarðurinn opnaður
Innilegar þakkir fyrir auðsýnda samúð
og vinarhug við andlát og útför ástkærs
eiginmanns míns, föður, tengdaföður
og afa,
Gunnars Árnasonar,
Hallakri 1, Garðabæ.
Sérstakar þakkir til hjúkrunarþjónustu Karitas.
Guðný Jónasdóttir
Hilmir Þór Gunnarsson Steinunn Lund
Jónína Gunnarsdóttir Guðni Ingvason
Gunnar Már Gunnarsson Laufey Þórarinsdóttir
og afabörn.
Ástkær eiginmaður minn, faðir okkar,
tengdafaðir, afi og langafi,
Sýrus Guðvin Magnússon,
Lækjarsmára 8, Kópavogi,
andaðist á Landspítala Landakoti laugardaginn 8. maí
Útför hans verður gerð frá Digraneskirkju fimmtu-
daginn 20. maí kl. 13.00.
Matthildur Katrín Jónsdóttir
Viðar Sýrusson Elsa Ólafsdóttir
Ásta Kristín Sýrusdóttir Bernharð Þorsteinsson
Reynir Sýrusson
barnabörn og barnabarnabörn.
Móðir mín, tengdamóðir, amma og
langamma,
Sigríður Davíðsdóttir,
Engjaseli 65,
lést á Landspítalanum Fossvogi sunnudaginn 16. maí.
Runólfur Runólfsson Gerður Hafsteinsdóttir
ömmubörn og langömmubörn.
Bróðir okkar, mágur og frændi,
Benedikt Jóhannsson
frá Háagerði Eyjafjarðarsveit,
lést á Dvalarheimilinu Hlíð þriðjudaginn 11 maí.
Útför hans fer fram frá Akureyrarkirkju þriðjudaginn
25. maí kl. 13.30.
Aðalsteinn Jóhannsson Guðbjörg Stefánsdóttir
Guðrún Jóhannsdóttir
Freygerður Anna Geirsdóttir Örn Hansen
AFMÆLI
GRACE
JONES
tónlistar-
kona er
62 ára.
GAIL
SIMM-
ONS sjón-
varps-
kona er
34 ára.