Fréttablaðið - 01.06.2010, Blaðsíða 8

8 1. júní 2010 ÞRIÐJUDAGUR
KOSNINGAR Í 36 sveitarfélögum af
þeim 54 þar sem kosið var lista-
kosningu náði einn listi hreinum
meirihluta, eða í tveimur þriðju
sveitarfélaga. Í 13 þessara sveitar-
félaga er Sjálfstæðisflokkur í meiri-
hluta, í tveimur náði Framsóknar-
flokkur meirihluta, Hornafirði og
Rangárþingi eystra, en Samfylking
státar af hreinum meirihluta í einu
sveitarfélagi, Sandgerði. Í tuttugu
sveitarfélögum náðu framboðslist-
ar meirihluta sem eru skipaðir fólki
úr fleiri en einum stjórnmálaflokki
eða fólki utan flokka.
Sveitarfélögin þar sem Sjálfstæð-
isflokkurinn er með hreinan meiri-
hluta eru í Suðvesturkjördæmi:
Álftanes, Garðabær, Mosfellsbær
og Seltjarnarnes. Í Norðvestur-
kjördæmi: Bolungarvík, Húnaþing
vestra, Snæfellsbær og Vestur-
byggð. Loks eru sjálfstæðismenn í
meirihluta í Árborg, Garði, Hvera-
gerði, Reykjanesbæ og Vestmanna-
eyjum í Suðurkjördæmi. - sbt
Eitt framboð með meirihluta í tveimur þriðju hluta sveitarfélaga:
Sjálfstæðisflokkur oftast í meirihluta
Listarnir tuttugu sem náðu hreinum meirihluta eru ýmist nýir eða hafa
boðið fram áður. Nöfn þeirra eru fjölbreytileg en listabókstafurinn L er
vinsælastur.
■ Skoðað eftir kjördæmum náðu hreinum meirihluta í Norðvesturkjördæmi
L-listi fólksins á Blönduósi, L-listi Bæjarmálafélagsins Samstöðu á Grundar-
firði, E-listi Nýs afls í Húnavatnshreppi, L-listinn í Stykkishólmi, J-listi Félags-
hyggjufólks í Strandabyggð, L-listinn í Súðavíkurhreppi.
■ Í Norðausturkjördæmi voru það L-listi fólksins á Akureyri, L-Lýðræðis-
listinn í Arnarneshreppi og Hörgárbyggð, J-Framboðslisti óháðra á Dalvík,
H-listinn í Eyjafjarðarsveit, M-Mývatnslistinn í Skútustaðahreppi og A-listi
Samstöðu í Þingeyjarsveit.
■ Í Suðurkjördæmi náðu svo meirihluta T-listi Tímamóta í Bláskógabyggð,
R-listi Ráðdeildar, raunsæis og réttsýni í Flóahreppi, C-listi Lýðræðissinna
í Grímsnes- og Grafningshreppi, H-listi Samstarfshóps um sveitarstjórnar-
kosningar í Hrunamannahreppi, B-listi Framfarasinna í Mýrdalshreppi, Á-listi
Áhugafólks um sveitarstjórnarkosningar í Rangárþingi ytra, Ó-listi Skaftár-
hrepp á kortið í Skaftárhreppi og K-listi Farsælla framfarasinna í Skeiða- og
Gnúpverjahreppi.
L er vinsælasti listabókstafurinn
1. Hve hátt hlutfall lands-
manna er í skóla?
2. Fyrir hvaða keppni stendur
Magnús Guðbergur Jónsson?
3. Hverjir fóru með sigur af
hólmi á fyrsta stigamóti Golf-
sambandsins um síðustu helgi?
SJÁ SVÖR Á BLAÐSÍÐU 34
FÓLK Vildaráskrifendur Stöðvar
2 og fjölskyldur þeirra gerðu sér
glaðan dag í Fjölskyldu- og hús-
dýragarðinum á laugardaginn.
Áætlað er að um tuttugu þúsund
manns hafi verið í garðinum þegar
mest var, í blíðskaparveðri.
Boðið var upp á dagskrá fyrir
börn á öllum aldri. Íþróttaálfurinn
og Solla stirða mættu úr Latabæ
og léku listir sínar, Sveppi og Villi
stigu á stokk, Ingó og Veðurguð-
irnir léku fyrir dansi og Skoppa
og Skrítla kættu yngstu gestina.
Ókeypis var í öll tæki og boðið var
upp á pylsur og drykki með. - sh
Líf og fjör í Fjölskyldu- og húsdýragarðinum þegar Stöð 2 bauð til veislu:
Margmenni á fjölskyldudegi
VEL MÆTT Unga fólkið skemmti sér konunglega yfir skemmtiatriðunum.
F
í
t
o
n
/
S
Í
A

Nánar á expressferdir.is
eða í síma 5 900 100
Sæluvika í
Svartaskógi
Innifalið: Flug til Basel með sköttum og öðrum greiðslum, akstur til og frá flugvelli.
Gisting á 4* Hotel Bären með fullu fæði allan tímann og íslensk fararstjórn.
159.300 kr.
Verð á mann í tvíbýli
21.–28. ágúst
Fararstjóri: Lilja Hilmarsdóttir
Sumarhappdrætti
Krabbameinsfélagsins
167 skattfrjálsir
vinningar að verðmæti
24.415.000 kr.
Dregið 17. júní 2010
Við hlökkum til að sjá þig. www.or.is
Velkomin
í Nesjavallavirkjun í allt sumar
Gestamóttaka okkar verður opin frá kl. 9.00 til 18.00 alla
daga frá 1. júní til 31. ágúst.
Sendið bókanir fyrir hópa á gestir@or.is eða leitið upplýsinga í
síma 516 7508.
FRÉTTASKÝRING
Hver er staða þingmannanna sem
fóru í tímabundið leyfi?
Steinunn Valdís Óskarsdóttir lét
af þingmennsku í gær eftir að
hafa komist að þeirri niðurstöðu
að umræða um styrkjamál hennar
yfirgnæfði störf hennar á þingi og
gerði henni ókleift að rækja skyld-
ur sínar.
Talsvert er um liðið síðan Stein-
unn upplýsti um styrkjamál sín en
umræðan um þau magnaðist á nýjan
leik í kjölfar útkomu skýrslu rann-
sóknarnefndar Alþingis. Í henni er
fjallað um eitt og annað sem snýr að
tengslum stjórnmálamanna og við-
skiptalífsins.
Steinunn er eini þingmaðurinn
sem hefur sagt af sér störfum eftir
að skýrslan kom út. Þrír þingmenn
eru hins vegar í tímabundnu leyfi
vegna þess sem stendur í henni eða
tengdrar umræðu. Það eru Björg-
vin G. Sigurðsson, Samfylkingunni,
og sjálfstæðisþingmennirnir Illugi
Gunnarsson og Þorgerður Katrín
Gunnarsdóttir.
Þremenningarnir tóku sér leyfi
frá þingstörfum á grundvelli 53.
greinar þingskaparlaga. Í henni
segir: „Ef þingmaður forfallast svo
nauðsyn krefji að varamaður hans
taki sæti hans á meðan skal hann
tilkynna forseta það bréflega og
jafnframt gera grein fyrir í hverju
forföllin eru fólgin og hversu lengi
þau muni vara.“ Aðstæður þing-
mannanna þriggja eru misjafnar.
Rannsóknarnefndin taldi Björgvin
hafa sýnt af sér vanrækslu í emb-
ætti viðskiptaráðherra en sérstök
þingmannakjörin nefnd hefur það
verkefni að fara betur í saumana
á störfum Björgvins (og annarra
þingmanna) og meta hvort eitt-
hvað beri að aðhafast. Þar til niður-
staða þingmannanefndarinnar ligg-
ur fyrir, sem að líkindum verður í
sumarlok eða haust, ætlar Björgvin
að vera í tímabundnu leyfi.
Illugi var stjórnarformaður
peningamarkaðssjóða á vegum
Glitnis. Rannsóknarnefndin vísaði
málum sem tengjast slíkum sjóð-
um til áframhaldandi rannsókn-
ar. Þar til niðurstaða rannsakenda
liggur fyrir ætlar Illugi að vera í
tímabundnu leyfi. Óvíst er hvenær
rannsókninni lýkur.
Getið er um Þorgerði Katrínu í
skýrslunni vegna bankalána sem
eiginmaður hennar tók til hluta-
bréfakaupa í Kaupþingi þar sem
hann var framkvæmdastjóri. Í
bréfi til þingforseta sagðist Þor-
gerður taka sér leyfi á meðan mál
hennar væru til umfjöllunar á yfir-
standandi þingi. Virðist hún sumsé
ætla að snúa til baka í haust.
Helgi Bernódusson, skrifstofu-
stjóri Alþingis, segir ótal fordæmi
fyrir því að þingmenn fari í leyfi og
fyrir því liggi margvíslegar ástæð-
ur. Kveðst hann telja þremenning-
ana hafa fært þinginu ágætar skýr-
ingar á ástæðum leyfa sinna. Þau
uppfylli skilyrði laganna.
Ásta R. Jóhannesdóttir, forseti
Alþingis, segist aðspurð telja eðli-
legt að þingmenn geti tekið sér
ótímabundin leyfi. Slíkt hafi við-
gengist í gegnum árin og svo verði
á meðan þingsköpin séu óbreytt.
Rétt er að geta þess að þing-
mennirnir þrír þiggja engin laun
frá Alþingi á meðan á leyfunum
stendur.
bjorn@frettabladid.is
Steinunn farin fyrir fullt
og allt en þrjú bíða átekta
FÉLAGSMÁL Velferðarráð Reykja-
víkur hefur samþykkt að íbúar í
íbúðum fyrir fatlaða á Sléttuvegi
fái val um að ráða sjálfir til sín
fólk sér til aðstoðar. Um tilrauna-
verkefni í þjónustu fyrir fatlaða
er að ræða og fjármagn sem ann-
ars færi í hefðbundna þjónustu
verður nýtt í þessum tilgangi.
Verkefnið hefst 1. júlí og stend-
ur yfir í ár. Lagt verður mat á
reynslu af verkefninu á tilrauna-
tímanum. Áfram verður boðið
upp á hefðbundna þjónustu fyrir
þá sem það vilja. - shá
Tilraun á vegum Velferðarráðs:
Fatlaðir ráða
sjálfir sitt fólk
Í LEYFI Björgvin G. Sigurðsson, Illugi Gunnarsson og Þorgerður Katrín Gunnars-
dóttir hafa öll tekið sér leyfi frá þingstörfum. MYNDIN ER SAMSETT.
VEISTU SVARIÐ?