Fréttablaðið - 14.06.2010, Blaðsíða 12

12 14. júní 2010 MÁNUDAGUR
DÓMSMÁL Ríkissaksóknari hefur
ákært fjóra menn um þrítugt fyrir
húsbrot, frelsissviptingu og sér-
staklega hættulega líkamsárás.
Þremur mannanna er gefið
að sök að hafa að undirlagi þess
fjórða ruðst að næturlagi í júlí
2007 í heimildarleysi inn á heimili
manns í Hafnarfirði, dregið hann
þaðan út og þvingað hann með
ofbeldi inn í Range Rover bifreið
sem fjórði maðurinn ók.
Þeir héldu manninum nauðugum
í bifreiðinni og beittu hann ofbeldi,
kýldu hann meðal annars og slógu í
andlit og líkama, á meðan ekið var
áleiðis í Heiðmörk. Þegar þangað
var komið drógu ofbeldismenn-
irnir manninn út úr bifreiðinni og
veittust enn að honum með ofbeldi.
Þeir héldu barsmíðunum áfram og
slógu hann í andlit og líkama. Að
því búnu skildu þeir hann eftir illa
leikinn.
Maðurinn hlaut brot á nefbein-
um, brot á augntóft, rifbeins-
brot, yfirborðsáverka á höfði,
mar og hrufl á ökklum, baki og
upphandleggjum.
Maðurinn gerir kröfu um
skaðabætur að upphæð ríflega 1,7
milljónir króna. - jss
Ríkissaksóknari ákærir fjóra menn fyrrir ofbeldisverk:
Rændu manni og börðu hann
HEIÐMÖRK Ofbeldismennirnir óku með
manninn áleiðis upp í Heiðmörk.
FRÉTTASKÝRING
Hvað felst í frumvarpi um stjórnlaga-
þing?
Samstaða hefur náðst á Alþingi um
afgreiðslu frumvarps um stjórn-
lagaþing. Forsenda hennar voru
breytingartillögur allsherjar-
nefndar og búist er við að frum-
varpið verði samþykkt á næstu
dögum.
Jóhanna Sigurðardóttir for-
sætisráðherra
lagði frumvarp-
ið fram 4. nóv-
ember. Í því er
gert ráð fyrir að
stjórnlagaþing
geri ti l lögur
um breytingar
á stjórnarskrá,
sem síðan fari
fyrir Alþingi;
enda geti það eitt
breytt lögum.
Sjálfstæðismenn hafa helst sett
sig á móti hugmyndinni um stjórn-
lagaþing og hafa viljað fara hefð-
bundnari leiðir stjórnarskrár-
nefndar. Málið hefur verið nokkuð
rætt, bæði í þingsal og eins í nefnd,
og nú hefur samkomulag náðst.
Tvær breytingartillögur voru
gerðar við frumvarpið. Í þeirri
fyrri er skerpt á ákvæðum um
kosningarétt og kjörskrár, hvern-
ig atkvæði skuli talin og hvernig
farið skuli með kærur.
Í hinni breytingartillögunni er
kveðið á um stofnun sjö manna
nefndar sem undirbúi og haldi
utan um þjóðfund, þar sem fjallað
verður um stjórnarskrána. Þá ber
henni að taka saman upplýsingar
sem nýst gætu stjórnlagaþinginu
og undirbúa tillögur þjóðfundar-
ins til stjórnlagaþingsins.
Fulltrúar allra flokka í alls-
herjarnefnd standa að þessari
tillögu, nema fulltrúi Framsókn-
arflokksins, Vigdís Hauksdótt-
ir. Ekki náðist í hana við vinnslu
fréttarinnar.
Árni Þór Sigurðsson, varafor-
maður allsherjarnefndar, segir að
með síðartöldu breytingartillög-
unni hafi tekist að ná breiðari pól-
itískri samstöðu um málið. Það sé
mjög eftirsóknarvert, því stjórnar-
skráin sé svo mikilvæg að best sé
að um hana ríki sátt.
„Þær breytingar sem efnislega
er verið að leggja til snúa að því að
áður en til stjórnlagaþings kemur
verði efnt til þjóðfundar, með
slembiúrtaki úr þjóðskrá. Það sé
svo skipuð nefnd sem haldi utan
um þjóðfundinn og vinni úr honum
upp í hendurnar á stjórnlagaþing-
inu. Hún skoði einnig breytingar
og hugmyndir fyrri ára og leggi
einhverjar tillögur fyrir stjórn-
lagaþingið.“
Árni Þór segir stjórnlagaþing-
inu í sjálfsvald sett hvað það geri
við þær tillögur eða hvort það
taki tillit til þeirra. Með þessu sé
hins vegar ákveðinni undirbún-
ingsvinnu lokið þegar kemur að
stjórnlagaþinginu sjálfu. Þá verði
tryggt að fleiri komi að málinu, en
á þjóðfundi gætu setið um 1.000
fulltrúar. kolbeinn@frettabladid.is
Breið sam-
staða náðist
Stjórnlagaþing verður sett í febrúar verði frumvarp
þar um að lögum. Breið pólitísk sátt hefur náðst um
málið. Þjóðfundir fjalla um málið í haust.
ÁRNI ÞÓR
SIGURÐSSON
ÞJÓÐFUNDURINN Haldinn verður þjóðfundur með svipuðu sniði og í nóvember áður
en boðað verður til stjórnlagaþings, verði frumvarp um stjórnlagaþing samþykkt.
Tillaga um nýja stjórnarskrá verður lögð fyrir haustþing 2011. FRÉTTABLAÐIÐ/PJETUR
■ Frumvarpið verður samþykkt á
næstu dögum.
■ Þjóðfundur verður haldinn í
haust.
■ Kosið verður til stjórnlagaþings
í haust.
■ Stjórnlagaþing tekur til starfa í
febrúar.
■ Stjórnlagaþing skilar tillögum til
Alþingis vorið 2011.
■ Tillögur um breytingar á stjórn-
arskrá lagðar fyrir Alþingi haustið
2011.
■ Atkvæði greidd um nýja stjórn-
arskrá á Alþingi vorið 2012.
■ Nýtt Alþingi kýs um nýja stjórn-
arskrá að afloknum alþingiskosn-
ingum 2013, að því gefnu að hún
verði samþykkt 2012.
■ Ný stjórnarskrá tekur gildi 2013.
Ferill málsins
Suðurlandsbraut 20, Reykjavík | Sími 588 0200 | www.eirvik.is
Sparaðu með Miele
Kynntu þér málið hjá sölumönnum Eirvíkur
Íslenskt stjórnborð - Stórt hurðarop
Íslenskar leiðbeiningar - 20 ára ending
Miele þvottavélar hafa verið framleiddar í yfir hundrað ár.
Miele þvottavélar og þurrkarar eru framleidd til að endast.