Fréttablaðið - 14.06.2010, Blaðsíða 15
MÁNUDAGUR 14. júní 2010
Innan um og saman við allt morfís-þruglið sem liggur yfir
alþingi eins og suður-afrísk lúðra-
sveit koma þar samt til umræðu og
afgreiðslu mál sem varða okkur
– varða framtíð okkar, sjálfa
þjóðfélagsskipanina, það hvernig
Ísland á eiginlega að vera; þetta
sem pólitík snýst í raun og veru um
og skiptir fólki í flokka sérhyggju
og félagshyggju, hægri og vinstri.
Nú er tekist á um eignarhald á
vatni. Ríkisstjórnin hyggst afnema
Vatnalög frá 2006 sem ella taka
nú bráðlega gildi – og kveða á um
einkavæðingu á vatnsréttindum.
Jóhanna Sigurðardóttir hefur lýst
því yfir að stefnt skuli að því að
vatn verði skilgreint í stjórnarskrá
sem almannaeign.
Og aldrei það kemur til baka …
Árið 2006 voru flokkar auðmanna
og kvótaeigenda í ríkisstjórn:
Sjálfstæðisflokkur og fylgiflokkur
þeirra Framsóknarflokkur. Eins
og okkur er vonandi í fersku minni
ríkti annar andi í landinu þá en
núna. Þá var Markaðurinn tignað-
ur sem óskeikull Guð. Einkaeign og
einkarekstur væri hið eina hugsan-
lega fyrirkomulag allra hluta. Því
færri og ríkari sem eigendur gæða
væru, því meiri misskipting gæða,
því meiri ójöfnuður – því betra.
Þetta var árið 2006 og aldrei það
kemur til baka.
Þetta var veldistími Viðskipta-
ráðs sem vildi að við hættum að
miða okkur við Norðurlönd sem
stæðu okkur svo mjög að baki.
Þetta var tíminn þegar átti að
búa til „frjálsasta land í heimi“.
Þetta var tími Hannesar Smára-
sonar, Pálma, Jóns Ásgeirs, Björ-
gólfsfeðga, Wernersbræða, Bakka-
bræðra – tími táls og vafninga,
veðsetninga og verðbréfa … Þetta
var tíminn þegar dúxar í viðskipta-
verkfræði voru á mettíma að setja á
hausinn banka sem í almannaeign
höfðu lifað af tvær heimsstyrjaldir,
hvarf síldarinnar og heimskreppu.
Þetta var tími allra ósýnilegu end-
urskoðendanna með aflands- og
afleiðuviðskiptin, tími glópagull-
sins. Þetta voru árin þegar þjóðin
var stungin svefnþorni. Þetta voru
árin þegar kapítalisminn tók ofan
sína mannlegu ásjónu og sýndi sitt
rétta andlit. Og aldrei þau koma til
baka.
Og nú býðst okkur að afnema
lög frá þessum árum. Það er mikil
gæfa og prófsteinn á þessa rík-
isstjórn hvort hún hefur þrótt til
þess, og getur kveðið upp úr um
að ekki standi til að afhenda Kín-
verjum öll vatnsréttindi hér – eða
einhverjum hannesismárasyni.
Sjálfstæðisflokkurinn hefur snú-
ist gegn þessari leiðréttingu af
forherðingu sértrúarhreyfingar.
Tveir menn hafa einkum haft sig
í frammi í umræðunni: báðir voru
í eldlínu viðskiptanna árið 2006,
Bjarni Benediktsson og Tryggvi
Þór Herbertsson.
Bjarni Benediktsson talar um
þjóðnýtingu sem er skrýtið tal, því
ekki stendur annað til en að afnema
lög sem enn hafa ekki tekið gildi og
enn hefur því eignarrétturinn ekki
verið festur í sessi heldur gilda þá
væntanlega áfram lögin frá 1923.
Tryggvi Þór Herbertsson lét hins
vegar hafa þetta eftir sér í DV:
„Það er grundvallarmunur á
hægri mönnum og vinstri mönn-
um í því hvernig eigi að fara með
eignarrétt. Við hægri menn trúum
að eignarréttur sé einn af stólpum
vestræns samfélags á meðan sumir
vinstri menn segja að sameign sé
mun betri. Við sáum af reynslunni
í Sovétríkjunum og Austur-Þýska-
land að sameign gengur ekki upp.“
Hér talar maður sem hefur ekk-
ert lært. Maður sem sér annaðhvort
fyrir sér glórulausa einkavæðingu
alls með tilheyrandi braski – sem
raunar var hafið með stórfelldum
kaupum auðmanna á jörðum þar
sem vatnsréttindi leyndust – eða
fangabúðavíti Sovétríkjanna; ekk-
ert þar á milli í þessum sértrú-
arhuga. Er þó til dæmis Noregur
nokkuð nærtækt dæmi og meðferð
Norðmanna á sinni sameiginlegu
auðlind sem er olían.
Sporin hræða. Frekar en að vísa
til Sovétríkjanna mætti segja:
Einkaeign á vatni leiðir til Íslands
2006.
Það streymir …
Vatn er undirstaða lífsins á jörð-
inni. Það verður aldrei nógsam-
lega blessað og gildi þess verður
aldrei ofmetið þótt mannkynið hafi
umgengist það af sorglegu gáleysi.
Verðmæti þess eykst í sífellu og
við viljum ekki eiga nýtingu þess
hér á landi undir dómgreind hann-
esasmárasona framtíðarinnar.
Vatnið streymir. Enginn getur átt
það, frekar en sjálft lífsaflið. Eins
mætti hafa einkaeign á sólinni. Eða
Guði.
Það er mikil gæfa og prófsteinn á þessa
ríkisstjórn hvort hún hefur þrótt til þess,
og getur kveðið upp úr um að ekki standi
til að afhenda Kínverjum öll vatnsréttindi
hér – eða einhverjum hannesismárasyni.
11 eða 14 nátta ferð - ótrúleg kjör!
Heimsferðir bjóða ótrúlegt tilboð á síðustu sætunum í spennandi sumarleyfi sferðir til eins allra vinsælasta sólaráfangastaðar Íslendinga,
Costa del Sol. Í boði eru ferðir 22. júní í 14 nætur og 6. júlí í 11 nætur. Fjölbreytt gisting í boði á ótrúlegum kjörum. Costa del Sol býður allt
það helsta sem maður getur óskað sér í fríinu. Gríptu þetta einstaka tækifæri til að njóta lífsins á þessum vinsæla áfangastað í sumarfríinu.
Ath. mjög takmarkaður fjöldi íbúða og herbergja í boði - verð getur hækkað án fyrirvara.
Neutral vörurnar eru
viðurkenndar af Ofnæmis-
og astmasamtökum
Norðurlanda
Neutral í sátt við umhverfið
Með því að velja Neutral vörur með Svansmerkinu vottar þú umhverfinu virðingu þína.
Auk þess að vera umhverfisvænar eru Neutral vörurnar án litarefna, ilmefna,
bleikiefna og annarra aukaefna og vernda því viðkvæma húð.
Veldu Neutral fyrir þig, barnið þitt – og umhverfið
E
N
N
E
M
M
/
SÍ
A
/ N
M
42
44
6
Enginn getur átt það
Guðmundur Andri
Thorsson
rithöfundur
Í DAG
AF NETINU
Nýir boltar á HM
Í hvaða annarri grein yrði svona róttæk breyting gerð fyrir stærsta mót
heims á fjögurra ára fresti? Nýir boltar fyrirvaralaust á British Open?
Wimbledon?
Það var ekki einu sinni spilað með þennan bolta síðasta vetur svo að
leikmenn hefðu einhverja alvöru reynslu af honum.
Og ekki gleyma að þetta er sama stjórn og neitar dómurum um sjálf-
sagða tækniaðstoð við að skera úr um vafaatriði í stöðugt hraðari leik
– þ.e.a.s. að styðjast við myndbandsupptökur – vegna þess að það myndi
breyta leiknum of mikið.
Ég veit svo sem ekkert hvað þeir hjá FIFA eru gamlir, en þetta virkar eins
og elliglöp.
http://blog.eyjan.is/valgardur/
Valgarður Guðjónsson
Öfgagaur í hvalveiðiráðinu
Tómas H. Heiðar er sérkennilegur fulltrúi Íslands í Alþjóða hvalveiðiráðinu.
Segir hvalfriðunarsamtök vera peningadrifin. Lýsir samt engum áhyggjum af,
að samtök hvalveiðisinna eru peningadrifin. Öfgagaurinn Tómas á ekki að
vera fulltrúi Íslands. Hann getur sagt svona í Sjálfstæðisflokknum, en ekki
við fjölmiðla.
jonas.is
Jónas Kristjánsson