Fréttablaðið - 16.07.2010, Page 42

26 16. júlí 2010 FÖSTUDAGUR
sport@frettabladid.is
FÓTBOLTI Alfreð Finnbogason skoraði sína aðra
þrennu gegn Stjörnunni á árinu og hlýtur fyrir
vikið nafnbótina leikmaður 11. umferðar Pepsi-
deildar karla hjá Fréttablaðinu og Vísi.
Alfreð skoraði þrennu gegn Stjörnunni í
æfingaleik fyrir mótið og í fyrra skoraði hann
fyrst eitt og svo tvö mörk í sigrum Blika á
Stjörnunni. „Þeir eru örugglega komnir með
nóg af mér,“ sagði Alfreð um Stjörnumenn.
Þetta er fyrsta þrennan í meistaraflokki hjá
Alfreð í mótsleik.Sigur í leiknum tryggði það
að Ólafur Kristjánsson þjálfari þarf að fara í
hálf ólympíska þríþraut sem hann á enn eftir að
efna. „Því verður fylgt eftir strax eftir helgi,“
segir Alfreð léttur.
Blikar hafa skorað 2,36 mörk að meðaltali
í leik í sumar, alls 26 mörk í 11 leikjum. „Óli
leggur sóknarleikinn upp þannig að við sækjum
hratt. Við spilum auðvitað líka eftir andstæð-
ingnum en við höldum alltaf í sömu gildin, að
spila í kringum mótherjann. Við viljum halda
boltanum niðri,“ segir Alfreð sem hefur skorað
átta mörk í sumar.
Velgengnin endurspeglast að hans mati í
leikgleðinni. „Það er gríðarlega skemmtielgt
að vera í svona liði. Ég held að það sjáist líka
langar leiðir hvað er gaman hjá okkur. Liðið
þekkist vel og við kunnum vel hver á annan.
Stemningin í búningsherberginu er líka góð
og leikgleðin og árangurinn haldast í hendur,“
segir Alfreð.
Framtíðin hjá kappanum er nokkuð skýr,
hann verður eftirsóttur í sumar og getur eflaust
valið úr félögum erlendis. „Ég fór aðeins út
í fyrra en ég vil stjórna ferlinu betur sjálfur
núna. Ég er mjög sáttur við að spila hér heima
og sanna að ég var ekki bara góður í eitt tíma-
bil. Það hefur gengið vel,“ segir Alfreð.
Hann horfir til þess að fara til Danmerkur,
Belgíu eða Hollands, „eða eitthvert þar sem
er spilaður skemmtilegur fótbolti sem hentar
mér.“ - hþh
Alfreð Finnbogason skoraði þrennu gegn Stjörnunni og er leikmaður 11. umferðar að mati Fréttablaðsins:
Eru örugglega komnir með nóg af mér
ALFREÐ FINNBOGASON Blikinn ungi hefur verið óstöðv-
andi gegn Stjörnunni á árinu 2010. FRÉTTABLAÐIÐ/VALLI
Lið 11. umferðar (3-4-3):
Markvörður:
Jóhann Ólafur Sigurðsson, Selfoss
Varnarmenn:
Eiður Aron Sigurbjörnsson, ÍBV
Finnur Orri Margeirsson, Breiðablik
Pétur Viðarsson, FH
Miðvallarleikmenn:
Matthías Vilhjálmsson, FH
Guðmundur Kristjánsson, Breiðablik
Andri Ólafsson, ÍBV
Hilmar Geir Eiðsson, Haukar
Framherjar:
Arnar Gunnlaugsson, Haukum
Atli Guðnason, FH
Alfreð Finnbogason, Breiðablik
FÓTBOLTI Spánverjar eiga sex af
ellefu leikmönnum í úrvalsliði
HM í Suður-Afríku en valið var
tilkynnt á heimasíðu Alþjóða-
knattspyrnusambandsins.
Besti ungi leikmaðurinn og
handhafi gullskósins, Þjóðverjinn
Thomas Muller, kemst ekki í liðið
og í liðinu er aðeins einn leikmað-
ur Hollendinga þrátt fyrir að þeir
hafi farið alla leið í úrslit.
Vicente del Bosque, þjálfari
heimsmeistara Spánverja, var
kosinn þjálfari úrvalsliðsins. - óój
ÚRVALSLIÐ HM 2010:
Markvörður Iker Casillas, Spáni
Varnarmenn Sergio Ramos, Spáni
Maicon, Brasilíu
Carles Puyol, Spáni
Philipp Lahm, Þýskalandi
Miðjumenn Andrés Iniesta, Spáni
Xavi, Spáni
Bastian Schweinsteiger, Þýskalandi
Wesley Sneijder, Hollandi
Framherjar Diego Forlán, Úrúgvæ
David Villa, Spáni
FIFA tilkynnti heimsliðið:
Sex Spánverjar
í úrvalsliði HM
HEIMSMEISTARAR Carles Puyol og Xavi
eru báðir í úrvalsliði HM. MYND/AP
> Vilja frekar André Hansen en Árna Gaut
Árni Gautur Arason fær ekki nýjan
samning hjá norska félaginu Odd
Grenland. Frá þessu var greint á
staðarmiðlinum Varden. „Þetta
eru vonbrigði,“ sagði Árni Gautur.
„Ég er ekki sár eða svekktur.
Svona er fótboltinn og ég veit að
félagið er að reyna að spara pen-
inga.“ Norska félagið samdi nýverið
við André Hansen sem lék með KR
á síðasta tímabili. Er honum ætlað að
vera aðalmarkmaður og ungur Norðmað-
ur verður varamarkmaður.
FÓTBOLTI Garðar Gunnlaugsson
mun spila með þýska C-deildar-
liðinu SpVgg Unterhaching næstu
tvö tímabil en þetta var tilkynnt
á heimasíðu félagsins í gær.
Þjálfari Unterhaching er hinn
gamalkunni Klaus Augenthaler
fyrrum heimsmeistari með þýska
landsliðinu og hann er ánægð-
ur með að fá Garðar sem skoraði
4 mörk í tveimur æfingaleikjum
með liðinu. - óój
Garðar Gunnlaugsson:
Búinn að semja
GOLF Rory McIlroy, 21 árs Norð-
ur-Íri, spilaði frábærlega á fyrsta
degi opna breska meistaramóts-
ins í gær og er með tveggja högga
forustu eftir fyrstu 18 holurn-
ar. McIlroy jafnaðí vallarmetið á
St. Andrews-vellinum með því að
leika á 63 höggum eða 9 höggum
undir pari.
„Ég varð að nýta mér þess-
ar aðstæður, völlurinn bauð upp
á svona skor,” sagði McIlroy en
blautur völlur og logn gerðu það
að verkum að allar helstu varn-
ir hins heimsfræga vallar voru
niðri. McIlroy fékk 7 fugla og
einn örn á hringnum en í öðru
sæti er Suður-Afríkumaðurinn
Louis Oosthuizen.
Hinn 44 ára gamli John Daly
átti líka frábæran hring og er
höggi á eftir í 3. sæti ásamt fjór-
um öðrum kylfingum.
„Það er vandræðalegt að þú
þurfir að spila á fimm undir pari
til að ná inn á topp tíu. Ég hef
aldrei séð risamót eins og þetta,“
sagði Tiger Woods sem er í 8. til
16. sæti fjórum höggum á eftir
McIlroy. - óój
Fyrsti dagur opna breska:
21 árs Norður-
Íri í miklu stuði
METJÖFNUN Rory McIllroy spilaði frá-
bærlega á St. Andrews í gær. MYND/AP
FÓTBOLTI Veigar Páll Gunnarsson
klikkaði á tveimur vítaspyrnum í
2-2 jafntefli Stabæk í fyrri leikn-
um á móti Dnepr frá Hvíta-Rúss-
landi í Evrópudeildinni í gær.
Veigar Páll tryggði
Stabæk jafnteflið með
því að skora á 53. mínútu
þegar hann fylgdi á
eftir þegar mark-
vörður Dnepr varði
frá honum víta-
spyrnu. Átta mín-
útum síðar fékk
Veigar Páll aðra
vítaspyrnu en
skaut þá yfir. - óój
Veigar Páll Gunnarsson:
Klikkaði á
tveimur vítum
Breiðablik tapaði 1-0 í fyrri leiknum á móti skoska liðinu Motherwell
í 2. umferð undankeppni Evrópudeildarinnar í gærkvöldi. Sigur-
mark Motherwell kom eftir rúmlega klukkutíma leik.
„Það gefur ákveðna möguleika fyrir seinni leikinn að fá
aðeins á sig eitt mark á útivelli. Það er betra heldur en að
tapa 2-0 eða 3-0,“ sagði Ólafur Krtistjánsson, þjálfari Breiða-
bliks, eftir leikinn í gær.
„Þeir reyndu að setja okkur undir pressu í fyrri hálfleik og
gerðu það. Við stóðumst öll áhlaup, Ingvar (Þór Kale)
ver í tvígang vel frá þeim og svo lokuðum við betur
á þá í seinni hálfleiknum,“ sagði Ólafur. Góð byrjun
Blika í seinni hálfleik hefði getað skilað mikilvægu
útivallarmarki.
„Á fyrstu fimm mínútunum eigum við tvö mjög góð
færi. Guðmundur Pétursson fékk annað og Kristinn
Steindórsson setur hann í stöng. Ef heppnin hefði
verið með okkur þá hefðum við verið komnir þarna í
1-0 og með mark á útivelli,“ sagði Ólafur.
„Það var bara með ólíkindum að Kristinn skyldi ekki hafa sett hann
inn en hann hefur eitthvað fipast,“ segir Ólafur en í kjölfarið
náðu Skotarnir aftur upp pressu og markið þeirra kom síðan á
63. mínútu.
„Þeir skora mark úr fyrirgjöf sem siglir í gegnum allan pakk-
ann og í fjærhornið,“ sagði Ólafur. Það var annars ágætt hljóð
í þjálfaranum í leikslok. „Nú erum við búnir að fara í gegnum
þennan fyrri leik og sjá hvernig þeir spila. Það var allt annað
tempó í þessum leik heldur en í leiknum sem ég sá hjá þeim um
helgina. Nú vitum við betur hvernig þeir spila og hvað þeir eru að
reyna,“ segir Ólafur og hann segir að Blikar eigi ágæta möguleika í
seinni leiknum ef þeir verða klókir.
„Þeir eru mjög skoskir. Það er stór framherji hjá þeim sem er
mikið dælt á og þeir eru ekki mikið að reyna spila boltanum
upp völlinn. Vð vorum ekki rassskelltir og gefum okkur ákveðna
möguleika fyrir næsta leik,“ sagði Ólafur að lokum.
ÓLAFUR KRISTJÁNSSON, ÞJÁLFARI BREIÐABLIKS: EFTIR 1-0 TAP Á MÓTI MOTHERWELL Í SKOTLANDI Í GÆRKVÖLDI
Gáfum okkur ákveðna möguleika fyrir næsta leik
FÓTBOLTI KR-ingar mættu ofjörlum
sínum í forkeppni Evrópudeildar-
innar í gær þegar þeir tóku á móti
Karpaty frá Úkraínu. KR lá aftar-
lega á vellinum í fyrri hálfleik og
leyfði gestum sínum að vera með
knöttinn. Varnarleikur heima-
manna var öflugur og þeir gáfu fá
færi á sér.
En strax í fyrstu sókn seinni
hálfleiks komst úkraínska liðið
yfir og bætti svo tveimur mörkum
við á næstu mínútum. KR-liðið opn-
aði sig of mikið og Evrópudraum-
urinn eyðilagðist á stuttum kafla.
Eftir þessi mörk gat Karpady tekið
lífinu með ró en var þó líklegra til
að bæta við en KR að minnka mun-
inn. Sóknaraðgerðir Vesturbæinga
voru fyrirsjáanlegar.
KR-ingar hófu leikinn með
leikkerfinu 4-5-1 og fékk Kjart-
an Henry Finnbogason öllu varn-
armeira hlutverk á kantinum en
hann er vanur. Eftir leik viður-
kenndi Kjartan að óraunhæft væri
að stefna áfram eftir þetta slæma
tap á heimavelli. Seinni leikur lið-
anna verður í Úkraínu eftir viku.
„Við förum út og höfum engu
að tapa, reynum að spila eins vel
og við getum. Þetta fer í reynslu-
bankann og vonandi þjappar hópn-
um saman,“ sagði Kjartan Henry.
Lið Karpady er mjög öflugt og var
getumunurinn bersýnilegur í Vest-
urbænum í gær eins og lokatölurn-
ar gefa til kynna.
Það jákvæðasta sem KR getur
tekið út úr leiknum er hve vel
liðinu tókst að halda mótherjum
sínum í skefjum í fyrri hálfleikn-
um.
„Við vissum að ef við mynd-
um standa okkar plikt í vörninni
myndum við fá tækifæri fram á
við. Við fengum það alveg í fyrri
hálfleiknum og í Evrópukeppni
höfum við verið flinkir að nýta þau
tækifæri en ekki að þessu sinni,“
sagði Logi Ólafsson, þjálfari KR.
KR-ingar áttu hættulegustu sókn
fyrri hálfleiks og voru óheppnir að
skora ekki. Í raun var þetta reynd-
ar eina hættulega sókn þeirra í
leiknum. „Við spiluðum öfluga
vörn en féllum of aftarlega. Það
vill oft gerast þegar spilað er gegn
eins öflugu liði og Karpaty er að
menn eru reknir niður í skotgraf-
irnar.“
Logi var svekktur með byrjun-
ina á seinni hálfleik. „Þeir höfðu
ekki mikið skapað sér færi áður en
fyrsta markið kom og þessar átta
mínútur í byrjun seinni hálfleiks
felldu okkur. Þetta úkraínska lið er
geysilega öflugt í stöðunni maður
gegn manni og vinnur nánast öll
návígi sem það fer í,“ sagði Logi
sem er þó ekki til í að leggja árar í
bát alveg strax.
„Auðvitað er vonin veik og þetta
er mjög sterkt lið. En nú búum við
yfir meiri vitneskju um þá og von-
andi verða þeir værukærir. Þegar
við förum fyrir hönd félagsins í
Evrópukeppni leggjum við okkur
alltaf alla fram.“
elvargeir@frettabladid.is
Klassa neðar en Karpaty
Úkraínska liðið Karpaty reyndist of sterkt fyrir KR og vann öruggan 3-0 sigur í
Vesturbænum í gær. Von KR að komast áfram er nánast engin.
VONIN ÚTI Björgólfur Takefusa og félagar í KR eru svo gott sem úr leik í Evrópu-
keppninni eftir slæmt tap á heimavelli í gær. FRÉTTABLAÐIÐ/DANÍEL