Fréttablaðið - 11.08.2010, Blaðsíða 14

14 11. ágúst 2010 MIÐVIKUDAGUR
timamot@frettabladid.is
„Ég var að útskrifast úr Hungari-
an Dance Academy í Ungverjalandi í
klassískum ballett,“ segir Sæunn Ýr
Marínósdóttir ballerína sem stundað
hefur nám við skólann í þrjú ár. Skól-
inn er virtur í ballettheiminum.
„Það er mjög erfitt að komast inn,“
segir Sæunn og útskýrir það nánar:
„Það er náttúrulega inntökupróf en
það þýðir samt ekki bara að vera
góður. Maður þarf að hafa beinabygg-
inguna líka.“ Sæunn er eini Íslending-
urinn sem stundað hefur nám við skól-
ann. „Svo eru alltaf próf í janúar og
júní þar sem fólki er hent út úr skólan-
um. Þannig að ég hef gengið í gegnum
ýmislegt,“ segir Sæunn. Á þriðja tug
hóf nám á fyrsta ári haustið 2007 en
einungis þrjár þeirra útskrifuðust nú
með BA-gráðu.
Sæunn hóf ballettnám þriggja ára
gömul en hafði dreymt um að verða
ballerína áður en hún hóf námið.
„Mamma sagði að ég hefði sagt þegar
ég var tveggja ára að ég ætlaði að
dansa Öskubusku á sviðinu í Þjóðleik-
húsinu,“ útskýrir Sæunn en hún veit
ekki hvaðan hún fékk þá flugu í höf-
uðið.
Þegar Sæunn var tíu ára hóf hún nám
við Listdansskóla Íslands og þegar hún
var sextán ára fór hún til Svíþjóðar til
náms við Konunglega sænska ballett-
skólann. „Mig langaði að fara á fyrsta
ári í menntaskóla en mamma leyfði
mér það ekki. Síðan fékk ég loksins
að fara þegar ég var búin með eitt ár í
Menntaskólanum við Hamrahlíð.“
Sæunn hafði stundað nám í Svíþjóð
í þrjú ár áður en hún fór til Ungverja-
lands. Hún útskrifaðist með stúdents-
próf frá Konunglega sænska ballett-
skólanum vorið 2007. „Í Svíþjóð var
ég með kennara sem var ungverskur.
Fyrir þremur árum var ég ekki tilbúin
að fara beint út í atvinnulífið þannig að
ég ákvað að fara til Búdapest.“
En var mikill munur á Svíþjóð og
Ungverjalandi? „Það er náttúrulega
allt öðruvísi. Ungverjar eru svolítið
sérstök þjóð. Þeir eru stoltir af þjóð-
erni sínu og það er svolítið erfitt því að
þótt maður sé inni í skólanum þá fær
maður alveg að heyra að maður sé ekki
ungverskur,“ upplýsir Sæunn og bætir
við að flestir í skólanum séu ungversk-
ir. „Þetta er líka þannig skóli að það
er mikil samkeppni innan hans og við
verðum ekki eins góðar vinkonur og í
Svíþjóð.“
Þegar Sæunn er innt eftir því hvað
taki nú við segir hún: „Ég er komin
með vinnu sem dansari í Dortmund í
Þýskalandi.“
martaf@frettabladid.is
SÆUNN ÝR MARÍNÓSDÓTTIR: ÚTSKRIFAST ÚR KLASSÍSKUM BALLET
Öskubuska var draumurinn
GENGIÐ Í GEGNUM ÝMISLEGT Mikil samkeppni er innan Hungarian Dance Academy skólans
sem Sæunn útskrifaðist frá. FRÉTTABLAÐIÐ/GVA
70 ára afmæli
Í tilefni af 70 ára afmæli
mínu mun ég taka á móti
gestum á heimili mínu,
Gilhaga 1 v/ Árbæjarveg
í Ölfusi, laugardaginn 14.
ágúst kl. 17.00
Hilmar Leifur Sveinsson
Ástkær eiginmaður minn, faðir okkar,
tengdafaðir og afi,
Gunnar Eðvaldsson
húsasmíðameistari,
Bakkahlíð 29, Akureyri,
lést á Sjúkrahúsinu á Akureyri sunnudaginn 1. ágúst.
Útförin fer fram frá Akureyrarkirkju föstudaginn 13.
ágúst kl. 13.30.
Ingigerður Guðmundsdóttir
Sigurður Gunnarsson Elín Anna Guðmundsdóttir
Lára Gunnarsdóttir Ingólfur Valur Ívarsson
Axel Gunnarsson Sigríður Gróa Þórarinsdóttir
Birgir Gunnarsson Guðrún Huld Gunnarsdóttir
og barnabörn.
Ástkær eiginmaður minn, faðir okkar,
stjúpfaðir, tengdafaðir og afi,
Ólafur Berg
Bergsteinsson,
Grandavegi 47, Reykjavík,
sem lést 30. júlí á Hjúkrunarheimilinu Grund, verður
jarðsunginn frá Fossvogskirkju föstudaginn 13. ágúst
kl. 15.00.
Steinunn Stefánsdóttir
Sigurbergur M. Ólafsson Ragnhildur Bergþórsdóttir
Sigríður V. Ólafsdóttir Hafþór Halldórsson
Kristján G. Ólafsson
Stefán Oddsson
barnabörn.
Elskulegur eiginmaður minn, faðir,
tengdafaðir, afi og langafi,
Helgi Felixson
húsasmiður, Andrésbrunni 17,
Reykjavík,
lést á líknardeild Landspítalans í Kópavogi þriðju-
daginn 3. ágúst. Útför fer fram frá Grafarvogskirkju
fimmtudaginn 12. ágúst kl. 13.00. Blóm og kransar
vinsamlegast afþakkaðir en þeim sem vilja minnast
hans er bent á líknardeild Landspítalans í Kópavogi í
síma 543 1159.
Fríða Freymóðsdóttir
Erla Helgadóttir Tómas Guðmarsson
barnabörn og barnabarnabörn.
PEREZ MUSHARRAF ER 67 ÁRA
Í DAG
„Munið að hugarfari verð-
ur ekki breytt með valdi
og þvingunum. Engri hug-
mynd verður troðið upp á
nokkurn mann með valdi.“
Perez Musharraf er pakist-
anskur stjórnmálamaður sem
var tíundi forseti Pakistans á
árunum 2001 til 2008. Hann
sagði af sér 18. ágúst 2008.
Minnisvarði um Gísla
Jónsson, alþingismann og
athafnamann, var afhjúpað-
ur nýlega á Bíldudal. Honum
var valinn staður á túninu
fyrir ofan Matvælaiðjuna
sem Gísli stofnaði á sínum
tíma og framleiddi meðal
annars hinar landsfrægu
Bíldudals grænar baunir.
Það voru Nanna Sjöfn Pét-
ursdóttir skólastjóri, Jón
Þórðarson framkvæmda-
stjóri og Jón Kr. Ólafsson
söngvari sem einkum stóðu
fyrir því að heiðra með þess-
um hætti minningu þessa
merka manns.
Gísli var fæddur á Álfta-
nesi 17. ágúst 1889 og flutti
með foreldrum sínum vest-
ur í Arnarfjörð 12 ára gam-
all. Eftir það sló hjarta hans
fyrir Bílddælinga, eins og
Margrét Haraldsdóttir,
kennari og sonardóttir Gísla,
orðaði það í ávarpi sínu við
afhjúpun minnisvarðans.
Gísli nam járnsmíði og vél-
stjórn og starfaði sem kynd-
ari og vélstjóri á sjó. Hann
var skipaður umsjónar-
maður skipa og véla árið
1924 og sá um smíði nýsköp-
unartogara ríkissjóðs á
árunum 1945 til 1950. Einn-
ig stofnsetti hann fyrirtæk-
in Gísli Jónsson & co og
Bifreiða- og landúnaðarvél-
ar. Þá rak hann verslun og
útgerð á Bíldudal og reisti
þar rækjuvinnslu og fiski-
mjölsverksmiðju.
Gísli var sjálfstæðismað-
ur og sat á þingi fyrir Barð-
strendinga og Vestfirðinga.
Hann lést árið 1970. Heim-
ild/www.vesturbyggd.is -gun
Í minningu athafnamanns
VIÐ MINNISVARÐANN Tveir Gíslar sem báðir eru afkomendur Gísla
Jónssonar afhjúpuðu minnisvarðann. MYND/MAGNÚS ÓLAFS HANSSON
MERKISATBURÐIR
1794 Sveinn Pálsson læknir
gengur á Öræfajökul við
annan mann. Var það í
fyrsta sinn sem gengið
var á jökulinn.
1938 Baden-Powell, upphafs-
maður skátahreyfingar-
innar, kemur til Reykjavík-
ur ásamt hópi skátafor-
ingja frá Englandi.
1973 Austurstræti í Reykja-
vík gert að göngugötu til
reynslu. Það var opnað
aftur að hluta 1. desem-
ber 1991.
1979 Flaki af Northrop-flugvél
lyft upp úr Þjórsá, þar
sem vélin nauðlenti vorið
1942. Hún fór á safn í
Noregi.
Bud Billiken-skemmtigangan
var haldin í fyrsta sinn 11.
ágúst árið 1929. Hún hefur
verið haldin árlega í Chicago
síðan og er elsta og stærsta
skemmtiganga blökkumanna í
Bandaríkjunum. Hún er einnig
önnur stærsta skemmtiganga
sem haldin er þar í landi.
Hugmyndina að göng-
unni fékk Robert S. Abbott,
stofnandi dagblaðsins Chicago
Defender. Bud Billiken var
persóna sköpuð af Abbott sem
hafði verið að velta fyrir sér að bæta við kafla
fyrir yngri lesendur dagblaðsins. Persónan varð
vinsæl í teiknimyndaþætti blaðsins.
Þrátt fyrir að persónan hafi
verið sköpuð árið 1923 varð
skemmtigangan ekki að veru-
leika fyrr en 1929 þegar David
Kellum hratt henni af stað. Var
það gert til að fagna einingunni
í fjölbreytileika barna í Chicago.
Viðburðurinn hefur síðan vaxið
og dafnað og er í dag sjónvarp-
að á heimsvísu.
Í Bud Billiken-skemmtigöng-
unni hafa ýmsir tekið þátt í
gegnum tíðina, meðal annars
stjórnmálamenn, fegurðar-
drottningar og tónlistarmenn. Meðal frægra
má nefna Billie Holiday, Michael Jordan, Oprah
Winfrey og Harry S. Truman.
ÞETTA GERÐIST: 11. ÁGÚST 1929
Bud Billiken-gangan haldin fyrst
BILLIE HOLIDAY