Fréttablaðið - 31.08.2010, Blaðsíða 20

31. ÁGÚST 2010 ÞRIÐJUDAGUR4 ● fréttablaðið ● skólar og námskeið
Menntaskólinn á Tröllaskaga hefur sitt
fyrsta starfsár í haust. Honum er tekið
fagnandi af íbúum á Tröllaskaga, sem
áður þurftu að sjá á eftir börnum sínum
eftir 10. bekk.
„Ungt fólk á Tröllaskaga fór ýmist í fram-
haldsskóla á Akureyri, Sauðárkróki eða til
Reykjavíkur eftir 10. bekk; það er að segja
þeir sem fóru. Því það er einfaldlega þannig
að nemendur eru misjafnlega í stakk búnir
að fara að heiman sextán ára gamlir. Sumum
reynist það auðvelt og gengur vel, meðan aðrir
þurfa stuðning að heiman. Það þekki ég vel
frá kennaraárum mínum við Menntaskólann
á Akureyri og Fjölbrautaskólanum við Ár-
múla, en segja má að nemendur sem kveðja
þurfa heimahaga sína og fjölskyldu til að fara
í framhaldsskóla skiptist í þrjá hópa: þá sem
njóta sín, þá sem eru einmana, líður illa og
flosna úr námi, og svo þá sem sleppa sér í
djammi, búa ekki yfir nægum sjálfsaga til að
hafa stjórn á sér annars staðar og missa fót-
anna,“ segir Lára Stefánsdóttir, skólameistari
í Menntaskólanum á Tröllaskaga, sem hefur
starfsemi sína í glæsilegum húsakynnum mitt
í fögrum fjallasal Ólafsfjarðar.
„Það hefur lengi staðið til að stofna mennta-
skóla á Tröllaskaganum og verið áhugamál
heimamanna lengi, en með tilkomu Héðins-
fjarðarganga stækkar upptökusvæðið því
nemendur frá Siglufirði komast í skólann
líka. Við áætluðum að vera með 45 nemend-
ur á þessu fyrsta starfsári en erum nú komin
með 73 nemendur. Flestir koma beint úr 10.
bekk, meðan aðrir hafa aldrei farið í fram-
haldsskóla, og margir koma til að ljúka námi
til stúdentsprófs hér heima,“ segir Lára og
staðfestir að ekki ríki aðeins hamingja meðal
framhaldsskólanema um hinn nýja mennta-
skóla heldur séu heimamenn himinglaðir yfir
að hafa unga fólkið lengur heima.
„Áður var ástandið þannig að unga fólkið
yfirgaf samfélagið eftir 10. bekk og bæirn-
ir voru tómir yfir vetrartímann. Því heyrir
maður marga tala
um hve gaman er
að sjá unga fólk-
ið úti á fótbolta-
velli eða labba
um bæinn, því
áður hvarf þetta
aldursskeið úr
bænum,“ segir
Lára.
Hú n s e g i r
varða við mann-
réttindi ungl-
inga að geta lokið
framhaldsskóla-
námi nærri sínum
nánustu, ekki síst
þar sem framhaldsskólamenntun sé nauðsyn-
legur lykill til framtíðar nú til dags.
„Menntaskólinn starfar samkvæmt nýju
námsskránni frá 2008, en í henni felst meiri
fjölbreytni og svigrúm. Allar brautir eru til
stúdentsprófs en við bjóðum líka þriggja anna
nám til framhaldsskólaprófs. Það er góður
grunnur út á aðrar brautir en líka útgönguleið
fyrir þá sem ætla sér ekki í háskóla en vilja
njóta lífsins með prófgráðu og meiri þekkingu
í veganesti.“
Námsbrautir í Menntaskólanum á Trölla-
skaga eru: Ferðir og útivist, fisktækni, fé-
lags- og hugvísindi, listir og náttúruvísindi.
Á ferða- og útivistarbraut geta nemendur sér-
hæft sig í málum tengdum ferðamennsku eða
útivist og íþróttum. Á listabraut geta nem-
endur valið fagurlistir, listljósmyndun eða
tónlist, og í tengslum við fisktæknibraut er
sótt menntun og verkþekking úr heimabyggð,
sem tengist öflugri og tæknilegri fiskvinnslu,
meðal annars á Dalvík.
„Allir nemendur skólans þurfa einnig að
ljúka skylduáfanga í listum, þar sem þeir
kynnast listasögu, tónlist og ljósmyndun, en
það er einlæg skoðun mín að grunnmennt-
un í listum sé veikburða í íslenska mennta-
kerfinu og því eigi menn erfitt með að njóta
lista,“ segir Lára sem prófaði að gamni að sjá
til hversu langur tími myndi líða þar til nem-
endur sæktu fast að öflugu félagslífi innan
skólans.
„Það liðu ekki nema tveir dagar þar til þau
komu áköf til að ræða þátttöku í söngva- og
spurningakeppnum framhaldsskólanna. Þetta
er því opinn og skapandi skóli, krakkarnir er
ánægðir og brosmildir í skólanum og öllum
létt að geta farið heim að loknum skóladegi.
Það er svo bónus fyrir samfélagið að unga
fólkið kemur nú með hugmyndir varðandi um-
hverfi sitt, því nú eru þau ekki lengur að fara,
og þau sjá meiri framtíð og nýsköpunarmögu-
leika heima.“ - þlg
Mikill léttir að fá börnin heim
● BREYTTAR ÁHERSLUR Í LÝSINGARFRÆÐI
„Við erum í fyrsta skipti að fara eftir tillögum al-
þjóðlegra samtaka lýsingarhönnuða,
PLDA, í lýsingarfræðinni,“ segir Anna
Vilborg Einarsdóttir, skólastjóri End-
urmenntunarskóla Tækniskól-
ans. Lýsingarfræðin er kennd í
dreifnámi og með staðbundn-
um lotum.
Nám í lýsingarfræði hent-
ar meðal annars starfsfólki úr
ýmsum iðngreinum, iðnmeistur-
um, tækniteiknurum og sjóntækja-
fræðingum en einnig starfsfólki í
list- og hönnunargreinum. Umsækj-
endur þurfa að hafa lokið starfsnámi eða
stúdentsprófi.
Er mikill áhugi á náminu? „Ég var lengi
vondauf en það eru fjórtán búnir að skrá sig
núna. Sem þykir nú bara gott,“ segir Anna.
Innritun stendur enn yfir í Tækniskólanum
og enn eru pláss laus. Skólasetning verður á
fimmtudag. - mmf
Lára Stefánsdóttir, skóla-
meistari Menntaskólans á
Tröllaskaga. MYND/GÍSLI KRISTINSSON
Kátar stelpur í glæsilegu anddyri Menntaskólans á Tröllaskaga. MYND/GÍSLI KRISTINSSON
Nánari upplýsingar má
finna á
www.salfraedingur.is
bjorgvin@salfraedingur.is
Sími: 571 2681
Slappaðu af!
Árvekni gegn streitu
- Mindfulness-Based Stress Reduction -
Sex vikna námskeið í árvekni -
sérsniðið gegn streitu
Um námskeiðið sér
Björgvin Ingimarsson sálfræðingur
HOLTAGÖRÐUM GLÆSIBÆ KRINGLUNNI SMÁRALIND WWW.UTILIF.IS
ÍS
L
E
N
S
K
A
/S
IA
.I
S
/U
T
I
51
17
0
08
/1
0
Skór
Fatnaður
Töskur
Mikið úrval