Fréttablaðið - 13.09.2010, Síða 47

MÁNUDAGUR 13. september 2010 23
Rokksveitin XIII sendir frá sér tvöföldu plöt-
una Black Box í dag. Þar verða öll bestu lög
sveitarinnar ásamt sjö nýjum lögum sem voru
tekin upp í sumar.
„Við erum búnir að spila mikið undanfarið
ár og höfum fundið fyrir miklum áhuga,“
segir forsprakkinn Hallur Ingólfsson. „Fólk
var alltaf að spyrja hvort það væru ekki til
plötur með okkur og við sögðumst vera búnir
að gera fullt af plötum sem væru ekki til leng-
ur. Þannig að við ákváðum að kýla á þetta og
gera nýtt efni líka,“ segir hann. „Það sem er
athyglisvert er að þegar við erum að spila
koma margir ungir krakkar sem þekkja öll
lögin. Okkur hálf brá til að byrja með.“
Eigendum Black Box gefst kostur á að hlaða
niður öllum fyrri plötum XIII á stafrænu
formi, endurgjaldslaust. Um er að ræða plöt-
urnar Salt, Serpentyne og Magnifico Nova
sem allar hafa verið endurhljóðblandaðar í
tilefni af útgáfu Black Box. Einnig fylgir með
veglegur 32 síðna bæklingur þar sem farið er
yfir langa og viðburðaríka sögu sveitarinnar í
máli og myndum.
XIII, sem var stofnuð 1993, hefur verið iðin
við tónleikahald síðan hún tók aftur til starfa
haustið 2009 eftir langt frí. Hallur, sem syng-
ur og leikur á gítar, leiðir XIII sem fyrr en
með honum leika Eiríkur Sigurðsson á gítar,
Jón Ingi Þorvaldsson á bassa og Birgir Jóns-
son á trommur.
Útgáfutónleikar verða á Sódómu Reykja-
vík á föstudaginn. Nánari upplýsingar um
sveitina má finna á síðunni XIII.is, sem og á
Myspace- og Facebook-svæðum hennar.
- fb
XIII Rokksveitin sendir frá sér tvöföldu plötuna Black
Box í dag.
Kolsvartur pakki frá XIII
Noel Gallagher, gáfaða bróðurn-
um úr Oasis, liggur ekkert á að
taka upp nýtt efni fyrir sólóplötu
sína. Hann ætlar að einbeita sér
að komandi erfingja. Noel yfir-
gaf Oasis í ágúst á síðasta ári
eftir að hafa lent í slag við yngri
bróður sinn, Liam. Þeir bræður
hafa reyndar ekki átt skap saman
og þetta var síður en svo í fyrsta
skipti sem þeim tveimur lenti
saman. Noel tilkynnti skömmu
síðar að hann hygðist hefja sóló-
feril en einhver bið verður á því
að nýtt efni heyrist frá honum.
„Við erum að flytja, konan mín
er komin níu mánuði á leið og ég
ætla bara að vera í bleyjuskiptum
eitthvað fram á næsta ár,“ sagði
Gallagher sem er kvæntur Söru
MacDonald.
Noel frestar
plötuútgáfu
EINBEITIR SÉR AÐ BARNI Noel Gallagher
hyggst einbeita sér að komandi erfingja
og því verður bið á útgáfu með sólóefni
frá honum.
Willow Smith, níu ára gömul
dóttir leikarahjónanna Wills
Smith og Jada Pinkett Smith, er
að hasla sér völl innan tónlistar-
geirans. Fyrsta smáskífa stúlk-
unnar hefur lekið á Netið og fær
afbragðs dóma, meðal annars frá
gagnrýnanda LA Times. Lag-
inu „Whip my hair“ er sagt geta
verið frá stórstjörnum á borð við
Rihönnu og Keri Hilson og þykir
Willow Smith hafa alla burði til
að ná langt á sviði tónlistar.
Svo virðist sem Smith-börnin
vilji feta í fótspor foreldra sinna
og leggja leið sína í skemmtana-
bransann en sonur þeirra, Jaden
Smith, er búinn að ná töluverð-
um vinsældum eftir hlutverk sitt
í Karate Kid-myndinni sem var
frumsýnd í sumar.
Smith-barnið
í tónlistina
NÆSTA SMITH-STJARNA Willow Smith er
spáð frægð og frama en hún er aðeins
níu ára gömul. NORDICPHOTOS/GETTY
Hjónin David og Victoria Beck-
ham leika saman í sjónvarpsaug-
lýsingu fyrir nýtt ilmvatn sem
ber nafnið Intimately Beckham.
Auglýsingin er nýfarin í loftið og
þykir af svæsnari gerðinni. Sögu-
þráðurinn er einfaldur en hjónin
eru saman í lyftu að láta vel hvort
að öðru og er meðal annars látið
líta út fyrir að frú Beckham sé
nakin. Þegar lyftan er komin á
áfangastað sést fótboltastjarnan
þurrka varalit af vörum sínum og
brosandi Victoria stígur út. Ilm-
vatnið er það fimmta sem hjónin
búa til saman en þau hafa verið
gift í ellefu ár og eiga saman þrjá
syni.
Victoria
nakin í lyftu