Fréttablaðið - 05.10.2010, Blaðsíða 16
16 5. október 2010 ÞRIÐJUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Aukin framleiðsluaukning og nýjar fjár-festingar álversins í Straumsvík hafa
nýlega verið kynntar og er sannarlega
um að ræða góðar fréttir fyrir íslenskt
atvinnu- og efnahagslíf. Rúmlega 600 ný
störf verða til á framkvæmdatímanum;
einkum fyrir iðnaðarmenn, verkfræðinga,
tæknifræðinga og verkafólk. Heildarfjár-
festing álversins nemur um 55 milljörðum
króna. Þessar staðreyndir munu hafa mikil
áhrif og verða dýrmæt innspýting í íslenskt
samfélag, ekki síst nú þegar uppbygging í
atvinnulífinu er grundvallarforsenda þess
að efnahagslífið rétti úr kútnum. Forsvars-
menn álversins segja þessi nýju verkefni og
raforkusamninga styrkja álverið og treysta
starfsemi þess til framtíðar.
Þeir sem fara með stjórnartaumana í
landinu um þessar mundir hafa nú ekki
beinlínis skapað bestu aðstæður til atvinnu-
uppbyggingar eða gert fyrirtækjum í sam-
keppni auðveldara fyrir að halda velli eða
dafna í því árferði sem nú er. Rétt eins og
fyrir þremur árum þegar meirihluti Sam-
fylkingarinnar í Hafnarfirði setti fótinn
fyrir stækkunaráform og atvinnuupp-
byggingu álversins í Straumsvík með því
að skipta um kúrs í miðjum undirbúningi
stækkunarinnar og boða til íbúakosningar
þar um. Ekki fyrsta dæmið um hin svoköll-
uðu „klækjastjórnmál“ Samfylkingarinn-
ar. Það skyldi gert í ljósi mikillar lýðræðis-
ástar bæjaryfirvalda og samþykkta
Hafnarfjarðarkaupstaðar sem gerðu ráð
fyrir því að íbúar gætu kosið um mikilvæg
málefni bæjarfélagsins. Við þekkjum niður-
stöðuna úr þeim kosningum, þar sem mjótt
var á mununum, en í samþykktum Hafnar-
fjarðar var einnig gert ráð fyrir að bæjar-
búar gætu sjálfir farið fram á íbúakosningu
ef tilskilinn fjöldi íbúa væri þar að baki.
Fyrir nokkrum mánuðum bárust bæjar-
yfirvöldum undirskriftalistar þúsunda bæj-
arbúa þar sem farið var fram á að íbúa-
kosningin yrði endurtekin. Skemmst er frá
því að segja að undirskriftirnar eru enn á
borði bæjarstjóra. Lýðræðinu sem íbúum
Hafnarfjarðar er boðið upp á í samþykkt-
um og hátíðarræðum, hefur ekki verið
fullnægt. Nú standa kosningar til stjórn-
lagaþings fyrir dyrum í sveitarfélögum
landsins. Við sjálfstæðismenn í bæjarstjórn
Hafnarfjarðar höfum lagt til að íbúakosn-
ing um deiliskipulag við Straumsvík fari
fram um leið. Þar með yrði kröfum þúsunda
bæjarbúa svarað og málið afgreitt af hálfu
bæjarins. Það verður fróðlegt að fylgjast
með hvort meirihlutinn hafi kjark til að
samþykkja tillögu okkar sjálfstæðismanna
og verða við lýðræðisóskum bæjarbúa.
Kosið um álver og stjórnlagaþing?
Straumsvík
Rósa
Guðbjartsdóttir
bæjarfulltrúi í
Hafnarfirði
GOÐSAGNIR UM
SPARPERUR
„... er ekki hægt að dimma“
OSRAM býður upp á dimmanlegar sparperur
með OSRAM DULUX® INTELLIGENT DIM
vörulínunni. Athugaðu að venjulegar sparperur
er ekki hægt að nota með dimmerum.
Endursöluaðilar um land allt osram.is
Jóh
an
n Ó
laf
sso
n &
C
o
Fagmennska í fyrirrúmi
„Ég óskaði eftir að starfsmenn
ráðuneytisins færu yfir umsóknirnar
á faglegum nótum,“ sagði Ögmund-
ur Jónasson þegar Fréttablaðið
spurði hann um ráðningu Jóhanns
Guðmundssonar, pólitísks aðstoð-
armanns Jóns Bjarnasonar, í starf
skrifstofustjóra auðlinda-
skrifstofu sjávarútvegs-
ráðuneytisins. Ögmund-
ur tók við keflinu vegna
tengsla Jóns og Jóhanns.
Í útvarpsfréttum sagði
hann rangt að
nota það gegn
Jóhanni að
hafa verið
„faglegur aðstoðarmaður“ Jóns
Bjarnasonar. Annars er ýmislegt
óljóst um ráðningarferlið, meðal
annars hvort það voru samstarfs-
menn Jóhanns í sjávarútvegs- og
landbúnaðarráðuneytinu sem fóru
yfir umsóknirnar á „faglegum nótum“
áður en ráðherrann tók sína fag-
legu ákvörðun.
Innáskiptingar
Líklega hafa aldrei fleiri
varaþingmenn verið á mæl-
endaskrá í umræðum
um stefnuræðu
forsætisráðherra
en á mæl-
endaskránni
sem lögð var fram fyrir umræðuna
í gær. Aðeins flokksformaðurinn
Steingrímur J. Sigfússon, talaði fyrir
hönd síns flokks, af kjörnum þing-
mönnum og starfandi ráðherrum. Sér
við hlið hafði hann varaþingmennina
Ólaf Þór Gunnarsson, staðgengil
Guðfríðar Lilju Grétarsdóttur, og
Jórunni Einarsdóttur, annan
varamann Atla Gíslasonar.
Þá var Baldvin Jónsson
kallaður inn til að flytja
jómfrúrræðu sína sem
þingmaður Hreyfingarinnar
á Alþingi í gærkvöldi en
Birgitta Jónsdóttir tók sér
launalaust leyfi.
peturg@frettabladid.isS
tefnuræða Jóhönnu Sigurðardóttur forsætisráðherra á
Alþingi í gærkvöldi bar vott um að hún horfðist í augu
við þann margvíslega vanda, sem við blasir í málefn-
um þjóðarinnar. Forsætisráðherra gerði rétt í því að
viðurkenna vandamálin og leitast við að nálgast þau af
ákveðinni auðmýkt. Hins vegar verður ekki sagt að Jóhanna hafi
boðað sannfærandi leiðir út úr öllum þeim vanda.
Jóhanna viðurkenndi þannig
að ríkisstjórnin og Alþingi nytu
lítils trausts og mættu harðri
gagnrýni. Hún viðurkenndi að
málalok varðandi ákærur fyrir
landsdómi hefðu verið mistök,
sem þyrfti að læra af. Forsæt-
isráðherra bauð upp á samstarf
allra flokka, meðal annars um
lögin um landsdóm og ráðherraábyrgð, til að reyna að græða
sárin. Hætt er við að mörgum þyki það boð koma heldur seint.
Fólkið, sem mótmælti á Austurvelli á meðan forsætisráðherra
flutti stefnuræðu sína, vildi væntanlega fyrst og fremst heyra
hvernig gengi að efla atvinnustarfsemi í landinu og hvort frekari
aðgerðir í þágu skuldugra heimila og fyrirtækja væru áform-
aðar. Forsætisráðherrann taldi upp margvísleg verkefni á sviði
atvinnumálanna, en það vekur athygli hversu lítið afdráttarlaus
hún var um að Ísland væri opið fyrir erlendum fjárfestingum,
sem kynnu að geta örvað atvinnu og hagvöxt. Um líkur á því að
reist yrði álver í Helguvík var til að mynda lítið sagt. Kannski
hefur það dottið út í yfirlestri samstarfsflokksins.
Jóhanna boðaði ekki frekari úrræði en þegar hafa verið ákveð-
in til að bjarga skuldugum fjölskyldum frá þroti eða húsnæðis-
missi, heldur vísaði á það sem þegar hefur verið fest í lög og
boðaði aukna kynningu á þeim úrræðum. Það er raunsætt mat
hjá forsætisráðherra að ekki verður hægt að bjarga öllum fjöl-
skyldum frá því að missa íbúðir sínar á uppboði. Til þess er staða
sumra of slæm. Því fólki vísar Jóhanna á félagslegar lausnir í
húsnæðismálum og efldan leigumarkað með húsnæði.
Varla leikur vafi á að endurskoða þarf hvaða kostir standa
fólki, einkum lágtekjufjölskyldum, til boða á húsnæðismarkaði.
Hins vegar hlýtur að þurfa að stokka spilin rækilega, en ekki
stökkva aftur í gamla félagslega húsnæðiskerfið, sem var ónýtt.
Líklega verður þetta eitt mikilvægasta verkefnið á næstunni.
Jóhanna sagði að ekki stæði á henni að víkja, teldu menn að
nýjar kosningar, nýtt þing og ný stjórn myndu auðvelda úrlausn
þeirra vandamála, sem við blasa. Þarna virðist forsætisráðherra
í raun hafa verið að biðja um vantrauststillögu á þingi. Þá er
spurningin hvort stjórnarandstaðan telur sig geta náð saman
við óánægða stjórnarþingmenn um að koma stjórninni frá og
boða til kosninga – og hvort menn telja líklegt að hægt verði
að ná saman um nýtt og árangursríkara stjórnarsamstarf eftir
kosningar. Í þessu efni má segja að Jóhanna hafi komið boltanum
yfir á stjórnarandstöðuna.
Jóhanna vill horfast í augu við vandann, en
býður ekki upp á skýrar lausnir.
Beðið um van-
trauststillögu
Ólafur Þ.
Stephensen
olafur@frettabladid.is
SKOÐUN