Morgunn - 01.06.1933, Blaðsíða 61
MORGUNN
55
Og svo segir hann: „Það skiptir mig engu, þó að slíkur
gagnrýnandi hafi í fylgi með sér sæg af ritstjórum, sem
ekki hafa heldur séð neitt né rannsakað neitt, og þó þeir
sömuleiðis segi mér, að ekki sé mark takandi á skoðun-
um Crookes. Það hefir engin áhrif á mig. Jafnvel þótt
það væri ekki nema Crookes aleinn. En það er ekki því
að skipta. Það eru að minsta kosti 50 vísindamenn, miklir
vísindamenn, sem hafa frá þessum óvenjulegu sálrænu
fyrirbrigðum að segja“.
Svo farast prófessornum orð. En það eru sjálfsagt
margfalt fleiri, sennilega svo hundruðum skiptir, þótt
enn hafi ekki náð frægðarorði. Hann á við, eins og hann
segir, 50 mikla vísindamenn, afburðamenn, sem heims-
frægð hafa náð meiri eða minni. Einn slíkur maður er
honum meira virði til að dæma um málið, heldur en heil
þyrping manna, sem ekki hafa fengizt til eða fengið af
sér að kynna sér það og þess vegna þekkja það ekki..
Eg vil vekja athygli yðar á, hversu ákaflega mikil-
vægt þetta er, og mikil staðhæfing fyrir gildi málsins,
að svo mikið af andans yfirburðamönnum aðhyllast það
og sannfærast um það. Það eru til margir sértrúarflokkar
og skoðanaflokkar, sumir fráleitir, aðrir ef til vill tals-
vert aðlaðandi. En hvar er sá flokkur, sem hefir fengið á-
heyrn og hefir á að skipa svo miklum fjölda vísindamanna
og andans yfirburðamanna, eins og spíritisminn, og sem
kallar fleiri og fleiri 'til fylgis? Það má telja undantekn-
ingarlítið, að þeir, sem annars rannsaka, sannfærist, fyrst
um fyrirbrigðin og síðan um hvað þau sanni. Eg hef að
eins heyrt 2 eða 3 vísindamenn nefnda, er láta spuming-
una um skýring fyrirbrigðanna standa opna, en játa þó að
minnsta kosti sumir, að spiritistiska skýringin sé hin eðli-
legast og ráði allar gátur.
En svo að eg, eftir þennan nokkuð langa útúrdúr
víki nú aftur að efninu, minni eigin reynslu og þroska, þá
prédikaði eg sem sagt ekki nema þetta eina sinn móti