Morgunn - 01.12.1947, Blaðsíða 80
158
MORGUNN
sýnir Ijóslega hið mikla aðstreymi að Sálarrannsóknafé-
lagi Islands, en þar eykst félagatalan nú að miklum mun,
hefir því nær tvöfaldast á fáum árum, og enn má þess geta,
að nú er MORGUNN prentaður í stærra upplagi en nokkru
sinni fyrr, hefir selzt upp, og síðasta heftið þraut gersam-
lega á fáum vikum. Það væri því ekki ástæðulaust fyrir
íslenzka spíritista að líta til þess björtum augum, að skoð-
anakönnun um málið færi fram með þjóðinni.
En um leið og vér fögnum því, að sálarrannsóknamál-
inu eykst fylgi með þjóðinni, er ástæða til að beina nokkr-
um alvöruorðum til allra þeirra, sem með
Alvöruorð. málið fara. Það hafa komið upp á því hér
þær skuggahliðar, sem ævinlega fylgja því,
að almenningur fer að fást við sálræn efni. Trúgirnin er
viða háskaleg. Sumum hættir við að taka dómgreindar-
laust við öllu, þegar þeir hafa fundið einhvern, sem sál-
rænum gáfum er gæddur. Leitið stöðugt sannana fyrir
því, sem af vörum miðlanna er sagt. Takið aldrei orð-
sending gilda fyrr en henni fylgja þau rök, sem standast
gagnrýni heilbrigðrar skynsemi. Það mun bera nokkuð á
því hér í Reykjavík, að fólk hlaupi með fáránlegustu frétt-
ir af framliðnum mönnum um bæinn, geri sjálft sig að flón-
um og særi aðstandendur hinna látnu. Sambandi við fram-
liðna menn er unnt að ná, en það er engan veginn auðvelt,
og miðillinn verður að ganga í gegn um mikla og ýtarlega
þjálfun fyrr en hann verður hreinn farvegur fyrir þetta
samband. Gerið vægðarlausar en þó sanngjarnar kröfur
til þeirra, sem af vörum miðlanna mæla, um að þeir sanni
mál sitt, sanni, að þeir séu þeir framliðnir menn, sem þeir
tjá sig vera, og þá fyrst standið þér á öruggum grundvelli.
Rökkurálfur sálarlífsins eru margar lítt þekktar. Meðan
miðillinn er í transi kunna þau öfl undirvitundar hans að
vera að verki, sem vér verðum ævinlega að vera á verði
gegn. Þetta málefni er ósegjanlega dýrmætt, en það er
einnig ósegjanlega vandfarið með það, og margir hafa heil-
brigða andúð á málinu vegna þess að þeir þekkja það ekki