Morgunn - 01.12.1947, Blaðsíða 59
MöRGUNN
137
hinir stóru hlutir í lífinu, en á þessu augnabliki vissi ég
lítið um það, að á næsta augnabliki biðu mín sannarlega
stórkostlegir hlutir.
Ég stóð nú þarna andspænis þessari spurningu: á ég að
vikja honum burt úr huga mínum og hugsa um hann
aðeins eins og endurminning um hið liðna, eða á ég að
hugsa um hann eins og hann sé lifandi enn? En þá var
eins og hugsun mín stöðvaðist skyndilega. Ég skynjaði þá,
að hann væri hluti af sjálfri mér, og að ef ég væri lifandi,
gæti hann ekki verið dáinn. Og í sömu svipan skynjaði ég
djúp í minni eigin veru, sem ég vissi ekki um og hafði enga
hugmynd um áður. Ég veit eigi hvort ég á að segja að ég
hafi kafað niður í eða náð upp til þess í sjálfri mér, sem er
ódauðlegt, óforgengilegt, og ég fann að var óleysanlegum
böndum tengt við aðra óforgengilega sál. Ég skynjaði,
að þetta sjálf míns eigin eðlis var eilíft, átti sjálfstæða
tilveru, og að dauðinn var ekki annað en augnabliksatvik,
sem leið hjá, eins og skýið, sem á leið sinni um himininn
líður fram hjá sólinni og skyggir á hana um stund. Því
næst fór ég að hugleiða, hve auðug vera hans hafði verið
að kærleika, þar sem hann hefði verið elskaður svo
mjög af öllum; og þá kom skyndilega nokkuð fyrir mig:
með lotningarblöndnum ótta skynjaði sál mín Kærleik-
ann sjálfan, sem hinn guðlegi uppruna allra hluta, og mér
vitraðist hulin og sístreymandi lind allrar tilveru. Þetta
kom eins og leiftur dulrænnar innsýni, og á sama augna-
bliki fann ég, að allt breyttist. Ég skynjaði, að ég hafði
komizt í snerting við veruleika lífsins, að ég hefði fundið.
Alla ævi mína hafði ég verið að leita, leit mín hafði
verið tvisvar sinnum erfiðari vegna þess uppeldis, sem ég
hafði hlotið. Við vorum níu í fjölskyldunni. Sem börn og
unglingar höfðum við verið alin upp í ströngu og fálátu
heimilislífi. Mikil áherzla hafði verið lögð við að rækta
vitsmunalíf okkar, en tilfinningalífið vanrækt, og þótt
fjölskyldan væri samrímd, var það ekki siður hjá okkur,
að láta tilfinningar sínar í ljós. Afleiðingin af þessu upp-