Kylfingur - 15.12.1986, Blaðsíða 13
KYLFINGUR
13
á 90, sem gefur raunar ekki rétta
mynd af spili hans þann daginn, þar
sem hann lék 15. holuna, sem er par
5, á 12 höggum, og Bjössi Knúts á
95. íslenska liðið lék því samtals á
162 höggum og vorum við í 9. sæti
eftir fyrri keppnisdag. í heild voru
ekki góð skor þennan fyrsta dag.
Einn leikmaður lék að vísu á pari, en
það var Daninn Jan Frej Pedersen.
Við urðum fyrir nokkrum von-
brigðum með veðrið þennan dag, og
reyndar í allri ferðinni, enda var
nokkuð mikið rok og jafnvel rigning
á köflum, og þar sem trén eru mjög
há var mjög erfitt að átta sig á vind-
inum.
Okkur kom saman um, að þessi
völlur væri nú ekki sá erfiðasti sem
maður sér, en hann leynir töluvert á
sér og má ekkert út af bregða, ef ekki
á illa að fara. Hann er ekki mjög
langur, aðeins rétt rúmir 6000 m, par
73, en frekar þröngur og á mörgum
braútum er nauðsynlegt að staðsetja
sig vel upp á 2. höggið. Ef það tekst
ekki nógu vel eru 90% líkur á því, að
þú hafir tapað einu höggi. 32 bestu
spilararnir komast áfram eftir 36
holu höggleik og eftir skorin fyrri
daginn var búist við, að 162 högg
kæmust áfram, jafnvel 163. Það
þýddi, að aðeins ég og Úlli áttum
raunhæfa möguleika á því að kom-
ast áfram, en auðvitað gátu hinir 4
allir dottið á dúndurhringi og komist
áfram. Eftir fyrri hringinn á öðrum
keppnisdegi var útlitið ekki gott.
Ljóst var, að nú áttum ég og Úlli ein-
ir möguleika á að komast áfram, en
þeir höfðu minnkað verulega. Úlli
lék fyrri hringinn á 44 höggum og ég
á 41.
Því var ljóst, að Úlli mátti ekki
leika seinni hringinn á fleiri höggum
en 38, sem er einn yfir pari og ég á
39, þannig að nú var við ramman
reip að draga. En þá sýndi Úlfar sitt
rétta andlit svo um munaði og sýndi
enn einu sinni, að hann er frábær
keppnismaður með stáltaugar, hann
lék seinni hringinn á 37 höggum eða
á pari, en það gerðu ekki margir í
forkeppninni. Ekkert gekk upp hjá
mér við flatirnar fremur en fyrr, og
tókst mér ekki að ná tilskyldu skori,
en ég kom seinni hringinn á 42 högg-
um. Úlfar lék því á 81 höggi, Bjössi
Axels og Siggi einnig á 81, ég á 83,
Biggi á 85 og Bjössi Knúts á 92. Úlf-
ar komst áfram á 161 höggi. 163
högg dugðu í bráðabana um 32.
sæti, þannig að ég hafnaði tveimur
höggum þar á eftir. Það fóru tveir í
þann bráðabana á 1. holuna, sem er
METBÓK
18MÁNAÐA
SPARIBÓK
SEMRÍS
UNDIR NAFNI
'BÚNAÐARBANKI
ÍSLANDS