Kylfingur - 15.12.1986, Blaðsíða 15

KYLFINGUR
15
LANDSMÓ TIN
1972 og 1973
LANDSMÓT 1972 var haldið í
Grafarholti 1.—5. ágúst. Keppend-
ur voru 182. Á þessu móti var bætt
við nýjum flokki, I. flokki kvenna.
í sveitakeppninni sigraði Golf-
klúbbur Reykjavíkur með yfirburð-
um á 469 höggum. í 2. sæti varð
Keilir á 513 höggum, og Suðurnesja-
menn urðu i 3. sæti á 519 höggum.
Jóhann Eyjólfsson GR sigraði í
öldungakeppni án forgjafar á 81
höggi. í 2. sæti varð Hólmgeir Guð-
mundsson GS á 86 og Bogi Þor-
steinsson GS í 3. sæti á 88 höggum.
í keppni með forgjöf urðu 3 kylfing-
ar úr GR jafnir á 74 höggum, Jó-
hann Eyjólfsson, Gunnar Pétursson
og Lárus Arnórsson. Ákveðið var,
að skor þeirra í flokkakeppninni
daginn eftir yrði látið ráða um röð
þeirra, og þá sigraði Jóhann.
Á þessu móti var keppt í 4 ungl-
ingaflokkum. í stúlknaflokki sigr-
aði Jóhanna Ingólfsdóttir GK á 191
höggi, en í 2. sæti varð Sigríður E.
Jónsdóttir GR á 212 höggum. í
telpnaflokki varð Alda Sigurðar-
dóttir GK hlutskörpust á 233 högg-
um, en Kristín Þorvaldsdóttir GR
varð önnur á 238 höggum. Leiknar
voru 36 holur í þessum flokkum.
í drengjaflokki var Sigurður
Thorarensen GK með forystu eftir
hálfnað mót á 154 höggum, en Sig-
urður Sigurðsson GR varð í 2. sæti á
159 höggum. Keppnin stóð ein-
göngu milli þeirra tveggja. Síðasta
daginn lék Sigurður Thorarensen
mjög vel,á meðan nafna hans mis-
tókst. Hlaut hann því 1. sætið á 307
höggum samtals, en Sigurður Sig-
urðsson hafnaði í 2. sæti á 327 högg-
um, og Guðni Jónsson hlaut 3. sætið
á 330 höggum.
I unglingaflokki, eins og pilta-
flokkurinn nefndist, tók Hallur Þór-
mundsson GS forystu í upphafi, en
Sigurður Hafsteinsson GR og Ragn-
ar Ólafsson GR fylgdu fast á eftir.
Skáru þessir þrír sig nokkuð úr öðr-
um keppendum í þessum flokki.
Hallur hélt forystunni allt til enda,
en Sigurður og Ragnar skiptust á um
2. og 3. sætið. I mótslok stóð Hallur
uppi sem sigurvegari eins og áður
sagði á 330 höggum, en Ragnar varð
í 2. sæti á 339, og Sigurður í 3. sæti
á 345 höggum.
Tveir kylfingar úr GR léku best á
1. degi í III. flokki karla, þeir Jón Ó.
Carlsson og Samúel D. Jónsson,
báðir á 96 höggum. í 3. sæti var Sig-
urður Þ. Guðmundsson NK á 100
höggum. Sömu menn voru í efstu
sætum alla keppnisdagana, en Jón
tryggði sér í raun sigurinn í flokkn-
um með mjög góðum leik á 3. degi.
Sigraði hann á 383 höggum, Samúel
varð annar á 385 höggum og Sigurð-
ur þriðji á 389 höggum.
í II. flokki tók Bergur Guðnason
GR forystu eftir 18 holur á 90 högg-
um. Á 2. degi mistókst Bergi herfi-
lega, og Sigurjón tók forystuna á
181 höggi. Marteinn var 2 höggum
lakari, og í 3. sæti var Henning
Bjarnason GK á 188 höggum. Sigur-
jón hélt enn forystu eftir 54 holur á
275 höggum, en Marteinn og Henn-
ing höfðu hlutverkaskipti í 2. og 3.
sæti. Sigurjón gaf ekkert eftir á
lokadegi og sigraði á 372 höggum.
Henning hafnaði í 2. sæti á 377
höggum, en Bergur náði 3. sæti með
góðum lokaspretti á 378 höggum.
I. flokkur kvenna lék 54 holur.
Þar hafði Inga Magnúsdóttir GK
forystu tvo fyrstu dagana, en með
góðum leik á síðasta hring tókst
Svönu Tryggvadóttur GR að sigla
framúr Ingu og sigra á 303 höggum.
Inga varð í 2. sæti á 398 höggum, og
Salvör Sigurðardóttir GR í 3. sæti á
332.
Viðar Þorsteinsson GR var í for-
ystusæti í I. flokki karla í upphafi á
82 höggum. 2 kylfingar úr Keili voru
höggi lakari, Birgir Björnsson og
Gísli Sigurðsson. Ómar Kristjáns-
son GR lék best allra á 2. degi og
náði forystu, var á 162 höggum.
Gísli var í 2. sæti á 168 höggum. Enn
lék Ómar best á 3. degi og gerði
raunar út um mótið, var samtals á
249 höggum. Gísli var á 262 höggum
í 2. sæti og Jónatan Ólafsson NK í 3.
sæti á 266 höggum. Að loknum 72
Verðlaunahafar í meistaraflokki karla 1972: F.v. Óskar Sæmundsson GR, Loftur Ólafsson NK
og Björgvin Þorsteinsson GA.