Kylfingur - 15.12.1986, Blaðsíða 31
KYLFINGUR
31
Jack Nicklaus nýbúinn að renna boltanum i 16. holuna.
viðkomu, snöggt og mjúkt. Eins og
þeir þekkja sem leikið hafa erlendis
er vissara að vera þeinn í höggunum.
Til beggja hliða eru mishá tré reiðu-
búin að grípa inn í leikinn. Fire-
stonevöllurinn er nokkuð hæðóttur
og mikið er um vatnstorfærur, þar
sem meira en helmingur vallarins
liggur að og útí vatn. Okkar hópur
tapaði ekki færri en 18 boltum í
hringnum. Flatirnar voru þó okkur
öllum erfiðastar. Komu þær ekki
einungis undirrituðum í opna
skjöldu, heldur einnig þeim sem
vanir eru betri völlum en algengir
eru hérlendis. Flraði boltans á flöt-
unum var ótrúlegur. Varla mátti
koma við boltann, þá skaust hann
áfram og ætlaði aldrei að stöðvast.
Það var algengt, að fyrstu holurnar
væru 4—5 púttaðar. Að okkar leik
loknum fórum við til búningsklefa,
þar sem skór okkar voru hreinsaðir
og burstaðir.
Á hinum vellinum voru aftur á
móti frægari menn á ferðinni. Þar á
meðal má m.a. nefna Greg Norman,
Seve Ballesteros, Craig Stadler, sem
ég hitti aðeins í búningsklefanum,
Ray Floyd og John Mahaffey, sem
vann keppnina að lokum. Fórum við
þangað til þess að horfa á snilling-
ana slá réttu sveifluna. Sáum við þá
Jack Nicklaus, Bernhard Langer,
Tom Kite og Raymond Floyd koma
inn á 16. holu, þar sem slegið er yfir
vatn inn á flöt. Þar fór Jack Nick-
laus á ,,þirdy“ með fráþæru pútti.
Dagur fjölskyldukeppninnar rann
upp, og greinileg spenna var á milli
manna. Til þess að setja rétta
stemmningu á daginn var búið að
ákveða dagskrá fyrirfram. Vaknað
var kl. 8:00 og haldið til morgun-
verðar á nærliggjandi matsölustað.
Eftir morgunverð var farið út á æf-
ingasvæði og æfð högg. Síðan var
farið á æfingapúttsvæði og púttin
æfð í hálftíma, áður en keppnin
hófst.
Við upphaf keppninnar var af-
hentur nýr farandgripur, sem var
handsmíðaður hickory púttari frá
St. Andrews í Skotlandi. Átti hann
að koma i hlut þess er fæst pútthögg
hefði eftir 18 holur keppninnar.
Nákvæmni og alvara leyndi sér
ekki, þegar formaður keppninnar
dró upp skífumál á fyrsta teig og
mældi hæð kúlu sinnar frá jörðu.
Keppnin var afar spennandi allt
fram á síðustu holu, en þar réðust
úrslitin. Vann loksins formaður
Dave Johson með einu höggi og fór
á 83 höggum netto. Þá var komið að
því að telja saman púttin og kom í
ljós, að þrír voru jafnir á 34 púttum,
og var ég þar á meðal. Því var haldin
þriggja holu púttkeppni til að fá
úrslit. Mér til mikillar undrunar og
ánægju vann ég þessa keppni og
kom því heim með þennan forláta
grip. Því var ákveðið, að ég kæmi
aftur að ári til þess að verja titilinn
og reyna við golfbikarinn. Verður
afar spennandi að taka þátt í þessari
skemmtilegu fjölskyldukeppni og fá
tækifæri til þess að leika á hinum
fræga, fallega og erfiða Firestone-
velli.
Kristinn Guðjónsson.
KYLFINGUR n
ÚtKctandi: Goinílúhhur Keykjavíkur, Grafarholti —
Pósthólf 4071 — 104 Reykjavík — Sími 84735.
Ábm.: Björgúlfur Lúðvíksson.
Umbrot: Hilmar Karlssonog llalldór Bragason
Setning og prentun: l élagsprentsmiðjan h.f.