Kylfingur - 15.12.1986, Blaðsíða 34

34
KYLFINGUR
Norðurlandameistaramót
Það var ekki fyrr en um mánaða-
mótin febrúar-mars í ár, að Golf-
sambandi íslands bárust upplýsing-
ar um það frá Danska Golfsam-
bandinu, hvar í Danmörku Norður-
landameistaramót karla og kvenna
skyldi haldið í ár. Niðurstaðan varð
Hvide Klit golfvöllurinn nyrst á Jót-
landi, og voru sumir, og þá sérstak-
lega Danir, undrandi yfir þessu vali.
Þetta var dýrasti kosturinn fyrir
okkur íslendinga, en hagstæður
kostur fyrir hinar þjóðirnar (nema
þá fyrir Dani), þar sem hagstætt er
að koma á bílum með ferju frá
Noregi og Svíþjóð til Skagen. Eftir
því sem við komumst næst mun það
hafa verið dreifbýlissjónarmið, sem
réði að mestu þessu vali.
Hvide Klit golfvöllurinn er stað-
settur 17 km frá bænum Skagen, og
liggur hann á þessum mjóa skaga,
sem trjónir út í Norðursjó. Þarna er
mjög vindasamt og höfðu heima-
menn á orði, að ekki væri komið
dæmigert Hvide Klit veður,fyrr en
komin væru 7 til 8 vindstig, sem
blésu þvert á skagann. Fyrri hluti
vallarins er mjög skógi vaxinn og
brautirnar margar hverjar mjög
þröngar, enda áttu leikmenn oft í
miklum erfiðleikum með fyrri níu
holurnar, en náðu að laga heildar-
skorið á seinni hlutanum. Kom það
oft fyrir með góð, og manni fannst
bein högg, að ef kúlan fór upp fyrir
trjátoppana, eftir að úr hraða henn-
ar dró, fauk hún inn í skóg mönnum
til mikillar armæðu.
Lengd vallar:
Gulir teigar 6275 m. SSS 74.
Bláir teigar 5606 m. SSS 74.
Kvennalandslióið, undir stjórn
Kristínar Pálsdóttur, fékk tækifæri
til að fara fimm dögum á undan
karlaliðinu og æfa sig á vellinum og
búa í skóla aðeins einnar mínútu
gang frá honum. Kom þessi dvöl lið-
inu mjög til góða og var greinilegt,
að þegar að sjálfri keppninni kom
var sá skrekkur sem greip um sig hjá
mönnum við að spila fyrsta hringinn
löngu horfinn hjá þeim.
Ekki má heldur gleyma því,
hversu gott það var fyrir karlpening-
inn að koma á staðinn, þegar búið
var að kanna allar aðstæður, skipu-
leggja og undirbúa alla nauðsynlega
þætti fyrirfram. Það var greinilegt
eftir móttökunum að dæma, sem við
karlmennirnir fengum, að dömurn-
ar okkar höfðu lagt jákvæðan og
góðan grunn að komu okkar með
framkomu sinni.
Ekki var nægt gistipláss fyrir alla
þátttakendur í þessum skóla, og
þurftu því allir að búa á sumarhótel-
inu Tannishus, sem er í bænum
Tversted, 15 km frá golfvellinum.
Engar skipulegar sætaferðir voru á
milli hótels og vallar, og var því úti-
lokað annað en hafa bíla til umráða
til að koma mannskapnum á rétta
staði á réttum tíma. Má geta þess, að
stúlkurnar okkar höfðu útvegað tvo
bíla til umráða, einn frá bílaleigu og
annan hjá klúbbfélaga Hvide Klit,
sem við fengum til afnota allan tim-
ann á mjög góðum kjörum.
Liðin voru skipuð eftirtöldum
kylfingum: Konur: Ásgerður Sverr-
isdóttir GR, Jóhanna Ingólfsdóttir
GR, Ragnhildur Sigurðardóttir GR
og Steinunn Sæmundsdóttir GR.
Karlar: Gylfi Kristinsson GS, Hann-
es Eyvindsson GR, Ragnar Ólafsson
GR, Sigurður Pétursson GR, Sveinn
Sigurbergsson GK og Úlfar Jónsson
GK.
Liðsstjórar voru þau Kristín Páls-
dóttir og Guðmundur S. Guð-
mundsson.
Einnig var forseti G.S.Í., Konráð
R. Bjarnason, með í ferðinni, og sat
hann einnig fund Norðurlanda-
sambandsins, sem alltaf er haldinn í
tengslum við mótið.
Mótið var sett 22. ágúst af borgar-
stjóra Skagen Kommune, Erik
Thomsen og forseta danska golf-
sambandsins, Helge Ejrnæs.
Sjálf keppnin, sem er 72 holu
keppni, leikin á tveimur dögum,
hófst kl. 8 daginn eftir. Danski
kvennameistarinn Merete Meiland
sló fyrsta teighöggið, og var Ragn-
hildur Sigurðardóttir með henni í
fyrsta riðlinum. Merete spilaði
þennan fyrsta hring á 83 höggum og
Ragnhildur á 85. Fyrsta keppnisdag-
inn spilaði aðeins ein kona, Anna
Öquist, Svíþjóð, undir 80 höggum,
eða á 78. Meðalskor kvennanna
þennan fyrsta dag var 86 og karl-
anna 79,5 og voru keppendur að
vonum mjög óánægðir með árangur
sinn.
Seinni keppnisdagurinn gekk
heldur betur hjá liðunum, og má
nefna, að íslenska karlasveitin var í
3. sæti eftir 54 holur. En Norðmenn
og Finnar áttu mjög góðan enda-
sprett og endaði karlaliðið þar af
leiðandi í síðasta sæti, svo og
kvennaliðið.
Meðalskor seinni daginn varð
næstum sú sama og þann fyrri, þá
spiluðu konur á 85 höggum að með-
altali og karlar á 78,5 höggum. Á
þessu sést, að margir áttu í miklum
erfiðleikum með þennan erfiða og
langa skógarvöll.
Árangur okkar keppenda varð
eftirfarandi: i. 2. 3. 4. samr.
Steinunn Sæmundsdóttir 87 96 86 89 358
Ragnhildur Sigurðardóttir 85 92 92 90 359
Ásgerður Sverrisdóttir 92 89 93 95 369
Jóhanna Ingólfsdóttir 98 91 86 96 371
Landsliö ásamt forseta G.S.Í: F.v. Konráð R. Bjarnason forseti, Guðmundur S. Guðmundsson
liðssfj., Sigurður Pétursson, Ragnar Ólafsson, Sveinn Sigurbergsson, Hannes Evvindsson, Úlfar
Jónsson, Gylfi Kristinsson, Ragnhildur Sigurðardóttir, Ásgerður Sverrisdóttir, Jóhanna Ingólfs-
dóttir, Steinunn Sæmundsdóttir og Kristín Pálsdóttir liðsstj.