Kylfingur - 15.12.1986, Blaðsíða 19

KYLFINGUR
19
þegar þau komu til landsins, og næsta
dag fór framkvæmdastjóri GR með
þeim í ferð til Hveragerðis, Gullfoss,
Geysis og Þingvalla. Snæddur var
hádegisverður í Valhöll og síðan hald-
ið í Grafarholt og leikinn hringur.
Um kvöldið var þeim búin góð veisla
í Golfskálanum, þar sem þau systkini
færðu klúbbnum að gjöf nýjan far-
andgrip til keppni um í Jason Clark
mótinu.
Næsti dagur var sjálfur keppnis-
dagurinn. Fyrri hluta dags var farið
með þau til Álafoss í innkaupaferð,
og síðan var sjálf keppnin. Því miður
var veður slæmt þennan dag, en slíkt
létu þau ekki á sig fá og börðust eins
og sannar hetjur í roki og rigningu.
Öll eru þau systkini liðtækir kylfing-
ar, en John er þeirra bestur með 8 í
forgjöf. Var hann látinn leika af gul-
um teigum og stóð sig þar með prýði.
Morguninn eftir notuðu þau til
hvíldar, áður en þau héldu heimleiðis
um hádegisbil, ákaflega ánægð eftir
vel heppnað ferðalag til íslands.
Þau systkini eru öll sérlega elsku-
legar manneskjur, sem gaman var að
kynnast. Þá var og gaman að kynnast
skoðunum þeirra á landi og þjóð. Þau
voru öll mjög jákvæð í garð okkar og
alveg hugfangin af náttúru landsins.
Ánægjulegt var að heyra ummæli
Carolyn um unglinga í GR. Henni
fannst mjög athyglisvert, hversu fág-
aða og prúða framkomu þeir hefðu,
jafnframt því að vera frjálslegir og líf-
legir.
Öll eru þau staðráðin að láta ekki
þann þráð slitna á ný sem tengir Clark
fjölskylduna við Island. Megum við
vænta þeirra aftur, vonandi fyrr en
síðar. Þau munu ávallt verða aufúsu-
gestir hjá GR.
Frá Vallarnefnd
Þegar þessi orð birtast á prenti mun
flötin á lstu braut vera fyrir bí.
Föstudaginn 24ða október byrjuðu
framkvæmdir á fyrstu braut með því
að ýta ruddi burt þúst, sem leikið
hefur verið á í meir en 20 ár. Margar
eru minningarnar, sem tengjast lstu
flötinni; ófáir hafa bráðabanarnir
ráðist á pútti (eða þrípútti) á sléttri
en misjafnri flötinni.
Hróður lstu flatar var góður á ár-
um áður, meðan kröfur golfara voru
hófsamari en í dag, og í blámóðu
minninganna þykist maður sjá fyrir
sér ýrgræna og stórgóða flöt. En
lsta flöt endar sitt skeið á tímum
aukinna krafna og í kjölfar 2ja hall-
æra, sem hafa gert hana öldungis
óboðlega sem andlit vallarins.
Helstu ástæður þess hve léleg lsta
flötin hefur verið á undanförnum
árum liggja í uppbyggingu hennar.
Undirlag flatarinnar var rauðamöl
sem er mjög einangrandi efni, og
það sem verra er heldur í sér frosti
,,fram eftir öllu“. Hversu afgerandi
áhrif þessi þáttur hafði á gróður eða
öllu heldur gróðurleysi flatarinnar
skal ósagt látið, en þyngra á metun-
um vegur yfirlagið, moldin sjálf.
Staðreyndin er sú, að gras náði vart
að skjóta rótum i leirkenndri mold-
inni; víðast hvar á flötinni risti gras-
rótin ekki dýpra en 1 cm, nema þar
sem götun og toppdressun hafði
bætt jaðveginn með sandblandaðri
mold og gert rótinni kleyft að kom-
ast allt að 5 cm niður. Þetta sýnir
mikilvægi götunar, en hinn mikli
umgangur véla og manna gerir þessa
viðhaldsaðgerð óhjákvæmilega, og
skal þetta tækfæri notað til þess að
skora á kylfinga klúbbsins að sýna
þessu starfi þolinmæði og skilning.
Og nú, til þess að létta spennunni
af óþolinmóðum kylfingum, skal
stóru spurningunni svarað: ,,Hve-
nær verður hægt að leika á nýju flöt-
inni?“ I haust verður unnin mestöll
undirbúningsvinna flatarinnar fyrir
sjálfa mótun hennar; búið er að ýta
niður á fast, keyra undirlagsmölina
og yfirlagið, moldina og sandinn á
sinn stað. Flötin verður síðan mótuð
við fyrsta tækifæri næsta vor, og ef
sáning tekst vel verður hægt að leika
á henni seinni hluta sumars. Fram að
þeim tíma verður leikið á „vetrar-
flöt“, og'enn og aftur eru kylfingar
minntir á, að „þolinmæði þrautir
vinnur allar.“
GOLFSKÁLINN
GRAFARHOLTI
LEIGJUM ÚT SALARKYNNI FYRIR
ALLAR TEGUNDIR MANNFAGNAÐA
ÁRSHÁTÍÐIR - ÞORRABLÓT
FERMINGAR - GIFTINGAR
ERFIDRYKKJUR - AFMÆLI
DANSLEIKI - JÓLABÖLL
O.F.L.
HAFIÐ SAMBAND VIÐ
ÓLAF SCHRAM FLYÐRUGRANDA 12
S. 19408 • 38340 • 686765