Fréttablaðið - 30.11.2010, Blaðsíða 2
2 30. nóvember 2010 ÞRIÐJUDAGUR
Grétar, eru fasteignasalar
eldhressir með þetta?
„Já, þessi bæklingur fer eins og
eldur í sinu á milli fasteignasala
þessa dagana.“
Félag fasteignasala hefur dreift eldvarnar-
bæklingi til allra félagsmanna. Grétar
Jónasson er formaður félagsins.
FANGELSISMÁL Við skoðun sem fang-
elsismálayfirvöld gerðu á Kvía-
bryggju í lok síðustu viku kom í
ljós að mótorhjól, bifreiðar og fjór-
hjól í eigu fanga hafa verið geymd í
fangelsinu um eitthvert skeið. Hafa
fangarnir haft tækin til umráða.
Starfsmenn Ríkisendurskoðunar
fóru að Kvíabryggju í gær, þar
sem bókhald fangelsisins sætir
nú rannsókn vegna gruns um
fjárdrátt forstöðumannsins.
Samkvæmt upplýsingum Frétta-
blaðsins eru tækin sem um ræðir
þrjú mótorkrosshjól, eitt fjórhjól
og þrír bílar. sem ekki er heimilt
að hafa í fangelsinu.
Páll Winkel, forstjóri Fangelsis-
málastofnunar, staðfestir að þessi
tæki hafi fundist við skoðun sem
framkvæmd var í fangelsinu síð-
astliðinn fimmtudag og segir ekki
heimilt að hafa þau í fangelsinu.
„Tækin verða fjarlægð þegar
í stað,“ segir hann. „Við leggjum
þunga áherslu á að farið verði að
einu og öllu eftir reglum er gilda
í fangelsum landsins. Ég fundað
með fangavörðum og föngum þar
sem farið hefur verið yfir þessi
mál.“
Forstöðumaður Kvíabryggju var
í síðustu viku leystur frá störf-
um vegna gruns um að hann hefði
misnotað aðstöðu sína með því að
taka út varning í nafni fangelsis-
ins til eigin nota. Grunur leikur á
að meint misferli hafi átt sér stað
um skeið, eftir því sem Fréttablaðið
kemst næst, og að um umtalsverðar
upphæðir gæti verið að ræða.
Það var Fangelsismálastofnun
sem vakti athygli dómsmála- og
mannréttindaráðuneytis ins á
aðfinnslum sem hún hefur gert
við fjárreiður og bókhald fangels-
isins að Kvíabryggju. Ráðuneyt-
ið ræddi málið við forstöðumann
fangelsisins og óskaði hann í fram-
haldi af því að Ríkisendurskoðun
yrði falið að fara yfir bókhaldið.
„Við erum byrjaðir að skoða
málið og erum að heimsækja fang-
elsið fyrir vestan,“ segir Sveinn
Arason ríkisendurskoðandi. „Við
viljum sjá hvaða gögn eru á staðn-
um, eins og gerist þegar menn eru
að rannsaka mál af því tagi sem um
er að ræða,“ segir Sveinn og bætir
við að hafin sé athugun á bókhaldi
fangelsisins. Spurður um framhald-
ið segir hann niðurstöðurnar verða
sendar dómsmálaráðuneytinu og
Fangelsismálastofnun. Síðan sé
eðlilegast að Fangelsismálastofnun
vísi málinu áfram til þar til bærra
aðila, séu efni til þess.
Birgir Guðmundsson, sem gegnt
hefur starfi fangavarðar á Kvía-
bryggju, hefur verið settur for-
stöðumaður meðan á rannsókn
stendur. jss@frettabladid.is
KVÍABRYGGJA Í ljós hefur komið að fangar á Kvíabryggju voru með sjö farartæki af ýmsum toga.
Fangar með torfæru-
hjól á Kvíabryggju
Við skoðun fangelsisyfirvalda í fangelsinu á Kvíabryggju í lok síðustu viku fund-
ust þrjú mótorkrosshjól, fjórhjól og þrír bílar í eigu fanga. Forstjóri Fangelsis-
málastofnunar segir þetta óheimilt og að tækin verði fjarlægð hið fyrsta.
STJÓRNLAGAÞING Niðurstöðu kosn-
inga til stjórnlagaþings er ekki að
vænta fyrr en í fyrsta lagi í dag.
Talning hefur tekið lengri tíma
en ætlað var sökum fjölda atkvæða
sem þurfti að skoða nánar.
Um 10.000 af þeim 83.000
atkvæðum sem greidd voru þurfti
að fara yfir á ný og hélt sú vinna
áfram fram á nótt að sögn Ástráðs
Haraldssonar, formanns landskjör-
stjórnar.
Í samtali við Fréttablaðið sagði
Ástráður að grannskoðunin hefði
reynst vera tafsamt ferli, en allt
kapp væri lagt á að vanda til verka.
„Þarna er aðeins um að ræða
atkvæði þar sem einhver grunur
leikur á að kjörseðillinn sé hugsan-
lega ógildur að einhverju eða öllu
leyti. Ef fimm frambjóðendur hafa
verið valdir á seðli og allt er rétt
gert kemur hann ekki til skoðunar.
Tafsamt ferli við yfirferð vafaatkvæða í stjórnlagaþingskosningum:
10.000 atkvæði tefja talningu
Kjörsóknin dregur ekki úr vægi þingsins
REYKJAVÍK Golfklúbbur Reykjavíkur
hefur fallist á að styrkveiting
Reykjavíkurborgar til félagsins
fyrir árin 2010 til 2013 verði lækk-
uð úr 230 milljónum króna í 185
milljónir.
Um það bil viku eftir að borg-
in gerði nýjan samning við GR í
vor kom fram í gögnum frá fram-
kvæmdastjóra golfklúbbsins,
Garðari Eyland, að af 210 milljón-
um króna sem borgin hefði veitt
klúbbnum vegna tiltekinna fram-
kvæmda á árunum 2007 til 2009
hefðu 115 milljónir í raun ekki
farið til framkvæmda heldur til
að greiða niður lán í þann mund
sem bankarnir hrundu. Þetta tóku
þáverandi borgaryfirvöld óstinnt
upp og vildu taka samninginn upp.
Nú er viðræðum um það lokið með
fyrrgreindri niðurstöðu.
„Samningurinn sem var gerður
í vor reyndist naglfastur en þeir
sættust á að endurgreiða borginni
tæplega helmings hlut af kostn-
aði vegna vélageymslu sem þeir
eiga ennþá eftir að byggja,“ segir
Dagur B. Eggertsson, formaður
borgarráðs. Hann kveður samning-
inn frá í vor hafa létt af öllum fyrri
skuldbindingum golfklúbbsins. „Við
höfðum ekki beinlínis mikil lagaleg
rök heldur fyrst og fremst siðferði-
leg. En það þurfti að klára málið og
menn mættust á miðri leið,“ segir
formaður borgarráðs. - gar
Samkomulag náðist í styrkjamáli Reykjavíkurborgar og Golfklúbbs Reykjavíkur:
Styrkir til GR lækka um 45 milljónir
GARÐAR EYLAND Framkvæmdastjóri
Golfklúbbs Reykjavíkur.
Ef seðillinn er hins vegar með eyðu
inni á milli eða óskýrt skrifaður
þarf að líta aftur á hann.“
Þegar yfirferð er lokið á enn eftir
að fara yfir heildarniðurstöðuna að
nýju. - þj
„Ég hefði vitaskuld fagnað meiri þátttöku en
raun varð á en það breytir því ekki að yfir áttatíu
þúsund manns nýttu lýðræðislegan rétt að kjósa
til stjórnlagaþings sem í mínum huga er stór-
merkileg tilraun til að færa valdið til fólksins til
að hafa áhrif á breytingu á stjórnarskránni. Þingið
hefur verið ófært um það nema að takmörkuðu
leyti marga síðustu áratugi þrátt fyrir ítrekaðar
tilraunir.“
Heldurðu að kjörsóknin dragi úr vægi þingsins?
„Nei, ég held ekki. Ég tel þingið vera stóran
þátt í lýðræðisumbótum sem vakið hafa athygli
erlendis. Ég óska þeim velfarnaðar sem veljast til
setu á þinginu.“JÓHANNA SIGURÐARDÓTTIR
SLYS Orsök flugslyssins í Selár-
dal í Vopnafirði í fyrrasumar,
sem kostaði einn mann lífið, er að
flugvélinni, eins hreyfils Cessnu
var flogið undir lágmarksflug-
hæð.
Þetta kemur fram í skýrslu
Rannsóknarnefndar flugslysa,
sem var gefin út í gær. Flugmað-
urinn, sem komst lífs af úr slys-
inu, hafi ekki séð rafmagnslínu
sem var strengd yfir Selá þvert
á flugstefnu flugvélarinnar með
þeim afleiðingum að flugvélin fór
utan í línuna og brotlenti. Farþeg-
inn lést á slysstað og flugmaður-
inn slasaðist mikið. - þj
Orsök flugslyss ljós:
Flaug neðan við
lágmarkshæð
STJÓRNMÁL „Það er verið að gera
úrslitatilraun til að ná saman.
Þeir [bankarnir og lífeyrissjóð-
irnir] eru að skoða hugmyndir
frá okkur og ég vonast eftir svari
ekki seinna en á morgun [í dag],“
segir Jóhanna Sigurðardóttir for-
sætisráðherra um aðgerðir vegna
skuldavanda heimilanna.
Hún kveðst telja mikilvægt
fyrir alla aðila að sameigin-
leg niðurstaða fáist í stað þess
að hver fari í sína áttina. „Það
er ekki síður til hagsbóta fyrir
bankana og lífeyrissjóðina að við
náum sanngjarnri niðurstöðu
fyrir alla.“
Stjórnvöld fóru í gær yfir stöð-
una með forystu stjórnarandstöð-
unnar.
Þrjár vikur eru síðan hópur
sérfræðinga skilaði útreikning-
um um kostnað af ýmsum leiðum
til lausnar á vandanum. - bþs
Aðgerðir vegna skuldavandans:
Verið að gera
úrslitatilraun
SUÐUR-KÓREA, AP Suður-kóreski
herinn tilkynnti í gær að til stæði
að hefja á ný stórskotaliðsæfing-
ar á eyjum skammt frá norður-
kóresku yfirráðasvæði. Stuttu
síðar var tilkynnt að æfingunum
hefði verið frestað.
Sams konar æfingar urðu til
þess að stjórnvöld í Norður-
Kóreu skutu yfir 200 sprengikúl-
um á eyjarnar fyrir viku.
Stjórnvöld í Norður-Kóreu hafa
varað stjórnvöld sunnan landa-
mæranna við því að hefja æfing-
ar á eyjunum á ný. Spennan hefur
enn aukist síðustu daga, eftir
að bandaríski og suður-kóreski
flotinn hófu æfingar á hafsvæði
skammt frá Norður-Kóreu. - bj
Áfram spenna á Kóreuskaga:
Stórskotalið
frestar æfingu
SPENNA Bandarísk flotadeild hefur verið
við æfingar á hafsvæði skammt frá lög-
sögu Norður-Kóreu undanfarna daga.
FRÉTTABLAÐIÐ/AP
STJÓRNMÁL Dmitrí Medvedev
Rússlandsforseti hefur ítrekað
við Ólaf Ragnar Grímsson, for-
seta Íslands,
áhuga sinn á
samstarfi ríkj-
anna.
Sendiherra
Rússlands á
Íslandi, Andr-
ei Tsyganov,
afhenti Ólafi
Ragnari bréf
forsetans þar
um í gær.
Í því er ítrekaður áhugi á
aukinni samvinnu, með tilliti
til nýsköpunar í orkumálum,
nútímavæðingar, fjárfestingar-
verkefna og málefna norðurslóða.
Forsetarnir hittust í Rússlandi
í september og ræddu ofangreind
málefni, auk annarra. - bþs
Medvedev sendir Ólafi bréf:
Rússar ítreka
samstarfsáhuga
ÓLAFUR RAGNAR
GRÍMSSON
WASHINGTON, AP Eric Holder,
dómsmálaráðherra Bandaríkj-
anna, staðfestir að yfirvöld rann-
saki mál sem tengist hugsanleg-
um fjármálabrotum á Wall Street.
Holder hélt blaðamannafund
um málið í gær. Hann vildi ekkert
segja til um það hvort rannsókn-
in beindist að starfsemi vogun-
arsjóðs eða innherjaviðskiptum.
Bandaríska alríkislögreglan
(FBI) gerði húsleit á skrifstofum
þriggja vogunarsjóða í New York,
Connecticut og Massachusetts í
síðustu viku. - jab
Grunur um brot á Wall Street:
Stærsta húsleit
alríkislögreglu
SPURNING DAGSINS