Fréttablaðið - 30.11.2010, Blaðsíða 20

30. nóvember 2010 ÞRIÐJUDAGUR4
Urta Islandica hefur hafið framleiðslu á
kryddsultum og íslensku jurtatei í pokum, auk
ýmiss konar urta- og berjasýróps. Einnig hafa
þær Þóra Þórisdóttir og Ólöf Erna Adams-
dóttir, sem standa að Urta Islandica, opnað
sérverslunina Gömlu matarbúðina sem mun
sérhæfa sig í mat- og snyrtivörum unnum úr
íslenska jurtaríkinu.
„Við Ólöf kynntumst á Brautargengisnám-
skeiði Impru í fyrra,“ segir Þóra. „Ég var þá
búin að vera að vinna að þessu í um tvö ár.
Ólöf hins vegar var með kryddsultuuppskrift
sem hafði verið að þróa árum saman og kom á
námskeiðið með viðskiptahugmynd um hana.
Ég var meira te-megin og í heilsuvörunum og
ég stakk upp á því við Ólöfu að við skelltum
okkur saman, í stað þess að vera hvor í sínu
horni.“
Samstarfið blómstraði og nú hefur Urta
Islandica sett á markað tvær kryddsultur,
rabarbararögg og bláberja-chilli, alls konar te
svo sem aðalbláberjate, detox-blöndu með gul-
möðru og boðflennur sem er blanda úr hvönn,
njóla og kerfli, jurtum sem taldar hafa verið
boðflennur í íslenskri náttúru.
„Svo erum við með mikið úrval af jurta-
sýrópi,“ segir Þóra. „Sú hugmynd fæddist
í framhaldi af teinu. Sýrópið var upphaf-
lega hugsað til að sæta teið en er allt í einu
komið í gourmet-deildina því fólk hefur verið
að nota þetta út á ís, í eftirrétti, á kökur og
til að gljá osta og ég veit ekki hvað og hvað.“
Jurtasýrópið er meðal annars gert úr birki-
laufi, rabarbara, hrútaberjalyngi og villiberj-
um og Þóra segir það hafa komið þeim stöllum
gleðilega á óvart hversu mikla hrifningu sýr-
ópið vakti. „Það er gömul aðferð til að varð-
veita jurtir að geyma þær í sykri,“ segir hún.
„Og svo var þessi aðferð líka notuð í gamla
daga ef jurtirnar voru bragðvondar, sérstak-
lega til að koma þeim ofan í börn.“
Þóra og Ólöf létu ekki staðar numið við
framleiðslu varanna frá Urta Islandica heldur
hafa opnað sérverslunina Gömlu matarbúðina
að Austurgötu 47 í Hafnarfirði. Þar
selja þær ekki einvörðungu eigin
framleiðslu heldur vörur frá flest-
um þeim sem framleiða mat- eða
snyrtivörur úr íslenskum jurt-
um. „Okkur langaði til að sjá
samlegðaráhrifin og athuga
hvort verslun á þessu þrönga
sviði gæti gengið,“ segir Þóra.
„Og við sjáum ekki betur en
þetta sé bara alveg ljómandi
hugmynd. Viðbrögðin hafa verið
alveg rosalega jákvæð og við finn-
um það að fólki finnst mikill munur
að geta gengið að þessum vörum á einum
stað. Við höfum þrjá markhópa:
matgæðinga, heilsumeðvitaða og
erlenda ferðamenn og allir þess-
ir hópar virðast vera að taka
vel við sér.“
Í Gömlu matarbúðinni
má fá vörur frá Móður jörð,
Íslenskri hollustu, Blóð-
bergsgarðinum, Sögu Med-
ica, Villimey, Sóley og Önnu
Rósu grasalækni auk varanna
frá Urta Islandica. Vörurnar
frá Urta Islandica fást einnig
í Melabúðinni, Búrinu og Ostabúðinni
Bitruhálsi. fridrika@frettabladid.is
Kryddsultur, te og sýróp úr urtum
Urta Islandica sem framleiðir matvöru úr íslenskum jurtum er samstarfsverkefni Ólafar Ernu Adamsdóttur og Þóru Þórisdóttur. Þær hafa einnig
opnað verslunina Gömlu matarbúðina þar sem ætlunin er að selja vörur frá öllum sem framleiða mat- eða snyrtivörur úr íslenskum jurtum.
Þóra og Ólöf í nýju Gömlu matarbúðinni í Hafnarfirði, þar sem eingöngu fást vörur unnar úr íslenskum jurtum.
FRÉTTABLAÐIÐ/ANTON
„Þetta verður fræðandi og notaleg
morgunstund þar sem þátttakendur
fá sýn á nýjar leiðir til að takast á við
daglegt líf án streitu og fara inn í jóla-
undirbúninginn með ró í huga og frið
í sál,“ segir Björg Stefánsdóttir, skrif-
stofustjóri hjá Náttúrulækningafélagi
Reykjavíkur, um morgunfundinn
næsta laugardag. Stundin byrjar
með næringu í formi safa og ávaxta
ásamt slökunaræfingum, síðan kenn-
ir Sigrún Ása Þórðardóttir sálfræð-
ingur þátttakendum að meta eigin
streitu og streituvalda, Magna Fríður
Birnir, hjúkrunarforstjóri HNLFÍ, fjall-
ar um streitu og slökun og Erla Gerð-
ur Sveinsdóttir, yfirlæknir HNLFÍ og
Heilsuborgar, nefnir sinn fyrirlestur
Hvað á ég að gera til að bæta
heilsuna.
Fundurinn er í Heilsuborg, Faxafeni
14. Nánari upplýsingar eru á heilsu-
borg.is
Daglegt líf án streitu
SKJÖLDUR OG SVERÐ GEGN STREITU
ER YFIRSKRIFT FRÆÐSLUFUNDAR NÁTT-
ÚRULÆKNINGAFÉLAGS REYKJAVÍKUR
LAUGARDAGINN 4. DESEMBER SEM
STENDUR FRÁ KLUKKAN 9 TIL 13.
Magna Fríður Birnir er meðal frummæl-
enda á fundinum.
Yfirburðir
Fréttablaðsins
staðfestir!
Skörun blaðalesturs að meðaltali á dag, mán.-lau., höfuðborgarsvæðið 18-49 ára.
Heimild: Blaðakannanir Capacent ágúst – október 2010.
Lesa bæði
Fréttablaðið og
Morgunblaðið
Lesa bara
Morgunblaðið
Lesa bara
Fréttablaðið
67,9% 5,5%
26,6%
Fréttablaðið er sem fyrr mest lesna dagblað landsins
með glæsilegt forskot á samkeppnisaðila sinn eins
og síðasta könnun Capacent Gallup sýnir ótvírætt.
Allt sem þú þarft...
Auglýsing í
Fréttablaðinu
nær til yfir
94%
lesenda
blaðanna