Fréttablaðið - 30.11.2010, Blaðsíða 35
ÞRIÐJUDAGUR 30. nóvember 2010 27
Iceland Express karla
Grindavík-KR 87-77 (39-42)
Stig Grindavíkur: Jeremy Kelly 20, Ómar Örn
Sævarsson 19 (11 frák.), Páll Axel Vilbergsson 15,
Ryan Pettinella 10 (11 frák./5 varin), Ólafur Ólafs-
son 9, Þorleifur Ólafsson 7 (6 stoðs.), Guðlaugur
Eyjólfsson 7.
Stig KR: Marcus Walker 19, Pavel Ermolinskij 14
(11 frák./7 stoðs.), Hreggviður Magnússon 12,
Jón Orri Kristjánsson 8, Brynjar Þór Björnsson
8, Fannar Ólafsson 7, Finnur Atli Magnússon 6,
Ólafur Már Ægisson 3.
ÍR-Hamar 89-84 (42-44)
Stig ÍR: Kelly Biedler 24 (17 frák./3 varin), Eiríkur
Önundarson 18, Nemanja Sovic 15, Níels Dungal
12, Sveinbjörn Claesson 5, Davíð Þór Fritzson 5,
Ásgeir Örn Hlöðversson 4, Hjalti Friðriksson 3,
Matic Ribic 2, Kristinn Jónasson 1
Stig Hamars: Darri Hilmarsson 23 (14 frák.),
Andre Dabney 19, Ellert Arnarson 16 (10 stoðs.),
Kjartan Kárason 11, Snorri Þorvaldsson 4, Svavar
Páll Pálsson 4, Hilmar Guðjónsson 3, Ragnar Á.
Nathanaelsson 2, Nerijus Taraskus 2.
Njarðvík-Haukar 80-67 (36-33)
Stig Njarðvíkur: Christopher Smith 22 (13 frák./6
varin), Jóhann Árni Ólafsson 18, Guðmundur
Jónsson 17, Lárus Jónsson 7 (6 stoðs.), Rúnar Ingi
Erlingsson 7, Friðrik E. Stefánsson 6 (10 frák.),
Magnús Þór Gunnarsson 2, Páll Kristinsson 1
Stig Hauka: Haukur Óskarsson 22, Gerald
Robinson 18 (13 frák.), Semaj Inge 12 (8 frák./9
stoðs.), Davíð Páll Hermannsson 10, Emil Barja
4, Óskar Ingi Magnússon 1
STAÐAN Í DEILDINNI:
Snæfell 9 8 1 903-827 16
Grindavík 9 7 2 805-714 14
Keflavík 9 6 3 806-772 12
KR 9 6 3 886-774 12
Hamar 9 5 4 752-739 10
Stjarnan 9 5 4 795-784 10
Fjölnir 9 4 5 808-805 8
Njarðvík 9 3 6 687-762 6
------------------------------------------------------
Haukar 9 3 6 757-819 6
Tindastóll 9 3 6 714-789 6
------------------------------------------------------
KFÍ 9 2 7 827-907 4
ÍR 9 2 7 787-835 4
KARFAN Í GÆR
Meira í leiðinniWWW.N1.IS / SÍMI 440 1000
Bardaginn um Hafnarfjörð í kvöld er einn af fjórum
spennandi leikjum í næstu umferð N1 deildar karla.
Fjölmennum á völlinn og styðjum okkar menn!
NÚ GANGA
GAFLARAR AF
GÖFLUNUM!
N1 DEILD KARLA
FH – Haukar Kaplakriki Í kvöld kl. 19:45
Fram – HK Framhús 1. des. kl. 19:30
Afturelding – Akureyri Varmá 2. des. kl. 18:30
Valur – Selfoss Vodafonehöll 2. des. kl. 19:30
KÖRFUBOLTI Grindvíkingar eru
áfram taplausir í Röstinni í vetur
og komust aftur upp í annað sæti
Iceland Express-deildar karla eftir
tíu stiga sigur á KR-ingum, 87-77,
í gær. Grindvíkingar tóku völdin
í seinni hálfleiknum og héldu KR-
liðinu þá í aðeins 35 stigum.
„Það var hörkuvarnarleikur sem
lagði grunninn að þessu hjá okkur.
Við spiluðum mjög góða vörn eig-
inlega allan leikinn. Það var aðeins
í fyrri hálfleik þar sem við vorum
að gefa þeim auðveldar körfur en
í heild sinni var varnarleikurinn
mjög góður og við góðir í fráköst-
unum. Þetta er lið sem skorar yfir
100 stig í leik þannig að það var
mjög flott að halda þeim í 77 stig-
um,“ sagði Helgi Jónas Guðfinns-
son, þjálfari Grindavíkur.
KR-liðið komst síðan mest átta
stigum yfir í öðrum leikhlutanum,
37-29, en þá fór Grindavíkurliðið
í gang, skoraði átta stig í röð og
jafnaði leikinn. KR var síðan með
þriggja stiga forskot í hálfleik, 42-
39, eftir að Brynjar Þór Björnsson
endaði hálfleikinn á þriggja stiga
körfu.
„Við komum fljótt til baka eftir
að við lentum átta stigum undir
þannig að það hafði engin áhrif
á okkur því við vorum mjög inn-
stilltir. Þetta var mikilvægur
sigur fyrir liðið og liðsheildina.
Við erum búnir að ganga í gegnum
það að skipta um Kana og þetta er
gott fyrir liðsandann sérstaklega,“
sagði Helgi Jónas.
Þriðji leikhlutinn var æsispenn-
andi þar sem liðin skiptust á að ná
forustunni þar til Grindvíkingar
skoruðu níu stig í röð og kom-
ust í 64-57. Grindavík var síðan
fimm stigum yfir, 65-60, fyrir
lokaleikhlutann.
KR minnkaði muninn í tvö stig,
65-63, í upphafi leikhlutans en
Grindavík svaraði með sjö stigum í
röð og var komið með níu stiga for-
skot. Grindavík hélt góðum tökum
á leiknum.
„Þetta var alls ekki gott hjá
okkur. Þetta byrjaði ágætlega og
við stjórnuðum leiknum ágæt-
lega í fyrri hálfleik þó að þeir hafi
unnið upp forskotið okkar í lokin á
öðrum leikhluta. Varnarleikurinn
var ágætur og við vorum nokkuð
yfirvegaðir í öllum okkar aðgerð-
um. Í seinni hálfleik ætluðum við
að auka hraðann í leiknum og mér
fannst við ekki ráða nógu vel það,“
sagði Hrafn Kristjánsson, þjálfari
KR.
KR hefur unnið alla fimm
heimaleiki sína en aðeins 1 af 4 úti-
leikjum sínum. „Þetta var leikur
sem við ætluðum okkur að vinna
þannig að það er sárt að ná
ekki að landa honum. Ef
við klárum næstu leiki
sterkt þá erum við
ekkert í ónýtri stöðu
en það er metnað-
ur í þessu liði og það
sættir sig enginn við
svona leiki því við gátum gert svo
miklu, miklu betur. Það á við um
bæði leikmenn og þjálfara,“ sagði
Hrafn.
Besti maður vallarins í gær
var Grindvíkingurinn Ómar Sæv-
arsson og hann fékk líka hrós
frá þjálfaranum. „Ómar barðist
gríðarlega, átti frábæran leik og
hann á hrós skilið,“ sagði Helgi
Jónas en Ómar var með 19 stig og
11 fráköst í leiknum.
Njarðvík enduðu fimm leikja
taphrinu sína í deildinni með
þrettán stiga sigri á nýliðum
Hauka, 80-67, í Ljónagryfjunni.
Haukar unnu upp forskot Njarð-
víkur frá því í upphafi leiks en
Njarðvíkingar voru mun sterkari
í lokaleikhlutanum sem þeir
unnu 25-13 og lönduðu þar
með langþráðum sigri,
þeim fyrsta í deildinni
síðan 17. október.
Botnlið ÍR-inga
kom á óvart
með fimm
stiga sigri
á Hamri,
89-84, í
Selja-
skólanum.
ÍR náði 20 stiga
forskot fimm mín-
útum fyrir leikslok
en Hamar var nálægt
því að vinna muninn
upp á síðustu fjórum mín-
útum leiksins. ÍR-ingar end-
uðu fjögurra leikja taphrinu
með þessum sigri en liðið
hafði aðeins unnið einn af
fyrstu átta leikjum sínum
í deildinni. Hamar átti
þarna möguleika á að
vinna sinn þriðja leik
í röð og komast í hóp
efstu liða í deildinni.
ooj@frettabladid.is
Mikilvægur sigur fyrir liðsheildina
Grindvíkingar komust aftur upp í annað sæti Iceland Express-deildar karla eftir tíu stiga sigur á KR, 87-77, í
Röstinni í gærkvöldi og tvö neðstu liðin, ÍR og Njarðvík, unnu bæði langþráða sigra.
ÖFLUGUR Í GÆR
Ómar Sævarsson
var mikilvægur fyrir
Grindvíkinga í gær.