Fréttablaðið - 10.01.2011, Blaðsíða 42
26 10. janúar 2011 MÁNUDAGUR
FÓTBOLTI „Þú verður rekinn á
morgun,“ sungu stuðningsmenn
Manchester United til Kenny Dal-
glish þegar hann gekk til búnings-
klefa í hálfleik í stórleik ensku bik-
arkeppninnar í gær. Heimamenn í
United voru 1-0 yfir og Liverpool
þar að auki manni færri eftir að
fyrirliðanum Steven Gerrard var
vísað af velli með rautt spjald.
Reyndust þetta svo lokatölur
leiksins.
Fyrir hádegi á laugardag til-
kynnti stjórn Liverpool að Roy
Hodgson hefði verið rekinn og
var Dalglish ráðinn í hans stað.
Dalglish var staddur á skemmti-
ferðaskipi í Dubai þegar hann
fékk símtalið og kom til Englands
á laugardagskvöld, ekki mörgum
klukkutímum áður en flautað var
til leiks á Old Trafford.
Dalglish fékk gríðargóðar mót-
tökur hjá stuðningsmönnum Liver-
pool enda stýrði hann liðinu til
fjölmargra titla þegar hann hélt
um stjórnartaumana 1985-1991.
Þetta var hins vegar hans fyrsti
leikur sem knattspyrnustjóri á
þessari öld.
En byrjunin á hans fyrsta leik
var sem martröð. Erkifjendurnir
frá Manchester fengu vítaspyrnu
þegar Dimitar Berbatov féll innan
teigs eftir viðskipti við Daniel
Agger. Dómarinn Howard Webb
benti á punktinn en á endursýn-
ingum sást að sá búlgarski lét sig
falla skrefi eftir að snerting hafði
átt sér stað og gestirnir mótmæltu
skiljanlega.
Dómnum var þó ekki hagg-
að og Ryan Giggs, sem átti glim-
randi leik í gær, skoraði úr vítinu.
Heimamenn komnir yfir og ekki
tvær mínútur liðnar. Liverpool
fann taktinn hægt og bítandi eftir
þetta snemmbúna áfall og virtist
vera að ná völdunum á miðjunni
þegar annað áfall dundi yfir.
Fyrirliðinn Steven Gerrard
fór þá í tveggja fóta tæklingu á
Michael Carrick og var í kjölfarið
sendur í bað. Glórulaust hjá Gerr-
ard sem hefur gert margt gáfu-
legra á lífsleiðinni.
Skiptar skoðanir
Þrátt fyrir liðsmuninn og nokkr-
ar þungar sóknarlotur tókst United
ekki að bæta við öðru marki. Gest-
irnir börðust vel og voru líflegri
en undanfarnar vikur. Þeim gekk
bölvanlega að skapa hættu upp við
mark heimamanna en reyndu hvað
þeir gátu að sigrast á mótlætinu
og spila fínan bolta. Í loftinu voru
margar vísbendingar um að stuðn-
ingsmenn liðsins fá fleiri tækifæri
til að gleðjast það sem eftir lifir
tímabils.
Vél Manchester United heldur
áfram að malla. Þrátt fyrir að
liðið sýni enga meistaratilburði og
virðist eiga mikið inni þá er það á
beinni braut og hefur til að mynda
ekki enn tapað í deildinni. Eftir að
hafa rutt Liverpool úr vegi verður
Southampton mótherjinn í næstu
umferð bikarsins en dregið var í
hana strax eftir leikinn.
„Þessi vítaspyrnudómur var
grín. Þetta var kolrangt nema þeir
hafi breytt reglunum eitthvað,“
sagði Dalglish. „Mér fannst rauða
spjaldið líka harður dómur.“
Heimamenn í United eru honum
ekki sammála. „Auðvitað var þetta
víti. Það var snerting, nægilega
mikil til að ég missti jafnvægið.
Fólk sem þekkir mig veit að ég
læt mig ekki falla af ástæðulausu,”
sagði Berbatov eftir leik.
Sir Alex Ferguson, stjóri United,
tók í sama streng og bætti við varð-
andi rauða spjaldið hjá Gerrard:
„Hann tók tveggja fóta tæklingu
og með lappirnar í loftinu. Maður
er ekki vanur því að sjá svona frá
Steven Gerrard en dómarinn átti
ekki aðra kosti en að reka hann af
velli,“ sagði Ferguson.
„Það er í raun með ólíkindum að
við höfum ekki náð að vinna þenn-
an leik stærra en 1-0. Við áttum
að gera út um þetta í seinni hálf-
leiknum. Allt getur gerst þegar
forystan er svona tæp og ýmislegt
hefur gengið á í þessari keppni.“
Wayne Rooney, Edwin van der
Sar og Nemanja Vidic voru allir
fjarri góðu gamni hjá United í gær
en reiknað er með því að þeir verði
klárir í slaginn í næsta leik.
elvargeir@frettabladid.is
Sveinar Sir Alex kunna ekki að tapa
Kenny Dalglish lenti í miklu mótlæti í sínum fyrsta leik sem stjóri Liverpool í 20 ár. Dómarinn Howard
Webb bættist ekki á jólakortalista hans eftir að liðið féll úr bikarnum með tapi gegn Manchester United.
ERFIÐ BYRJUN Kenny Dalglish er aftur kominn í stjórasætið hjá Liverpool en átti erfiðan fyrsta dag í vinnunni í gær.
NORDIC PHOTOS/GETTY
FÓTBOLTI Þriðja umferð ensku bik-
arkeppninnar vekur ávallt mikla
athygli en það er í þeirri umferð
sem liðin úr tveimur efstu deild-
unum í Englandi taka fyrst þátt.
Oftar en ekki vilja nokkur stórlið
falla úr leik fyrir óþekktum liðum
úr neðri deildunum og var engin
undantekning þar á nú.
Alls taka 739 lið utan efstu
tveggja deildanna þátt í ensku bik-
arkeppninni, flest í undankeppn-
inni, en aðeins 44 þeirra komust
alla leið í þriðju umferð aðalkeppn-
innar.
Enska D-deildarliðið Stevenage
kom mest á óvart með því að
vinna 3-1 sigur á Newcastle. „Við
einbeittum okkur að því fyrir
leik hvernig við gætum unnið 5-
0 sigur,“ sagði Graham Westley,
stjóri Stevenage. „Við áætluðum
að þó svo að okkur myndi ekki tak-
ast nema 20 prósent af því sem við
ætluðum okkur myndi það samt
duga til sigurs.“
Dregið var í fjórðu umferðina
í gær en Stevenage mun þá mæta
Íslendingaliðinu Reading sem leik-
ur í ensku B-deildinni. Reading sló
út úrvalsdeildarlið West Brom á
laugardaginn.
Meistararnir í Chelsea unnu
kærkominn sigur í gær er liðið
vann Ipswich, 7-0, í bikarnum og
mætir næst Everton.
Notts County sló út úrvalsdeild-
arlið Sunderland um helgina og
mætir annað-hvort Manchester
City eða Leicester sem skildu jöfn
í gær.
Leikur Liverpool og Manchest-
er United var eina innbyrðisviður-
eign úrvalsdeildarfélaga um helg-
ina en auk fyrrnefnda liðsins féll
Blackpool úr leik eftir tap fyrir
Southampton. - esá
D-deildarlið Stevenage sló Newcastle út í ensku bikarkeppninni en 3. umferðin fór fram um helgina:
Sagði strákunum að vinna Newcastle 5-0
GLEÐI Leikmenn og stuðningsmenn
Stevenage fagna. NORDIC PHOTOS/GETTY
Enska bikarkeppnin
Arsenal - Leeds 1-1
0-1 Robert Snodgrass, víti (55.), 1-1 Cesc Fabre-
gas, víti (90.).
Lincoln City - Hereford United 3-4
Blackburn - QPR 1-0
Heiðar Helguson var ekki í leikmannahópi QPR.
Bolton - York 2-0
1-0 Kevin Davies (83.), 2-0 Johan Elmander (89.)
Grétar Rafn Steinsson var ekki í hópnum hjá B.
Brighton - Portsmouth 3-1
Hermann Hreiðarsson kom inn á sem varamaður
í hálfleik hjá Portsmouth.
Bristol City - Sheffield Wednesday 0-3
Burnley - Port Vale 4-2
Burton Albion - Middlesbrough 2-1
Coventry - Crystal Palace 2-1
Aron Einar Gunnarsson var í byrjunarliði Cov.
Doncaster - Wolves 2-2
0-1 Nenad Milijas (38.), 1-1 Billy Sharp (41.), 2-1
James Hayter (42.), 2-2 Stephen Hunt (57.)
Fulham - Peterborough 6-2
Huddersfield - Dover 2-0
Jóhannes Karl Guðjónsson var á bekknum hjá H.
Hull - Wigan 2-3
Norwich - Leyton Orient 0-1
Preston - Nottingham Forest 1-2
Reading - WBA 1-0
1-0 Shane Long (41.) Ívar Ingimarsson var á
bekknum hjá Reading.
Scunthorpe - Everton 1-5
0-1 Louis Saha (4.), 0-2 Jermaine Beckford (32.),
1-2 Michael Collins (46.), 1-3 Seamus Coleman
(57.), 1-4 Maroune Fellaini (73.), 1-5 Leighton
Baines (82.)
Sheffield United - Aston Villa 1-3
0-1 Kyle Walker (8.), 0-2 Marc Albrighton (33.),
1-2 Jamie Ward (47.), 1-3 Stiliyan Petrov (90.)
Southampton - Blackpool 2-0
1-0 Lee Barnard (53.), 2-0 G. Do Prado (88.)
Stoke City - Cardiff City 1-1
0-1 Michael Chopra (7.), 1-1 Tuncay Sanli (44.)
Eiður Smári Guðjohnsen var ekki í hópnum hjá S.
Sunderland - Notts County 1-2
0-1 Craig Westcarr (4.), 0-2 Lee Hughes (74.), 1-2
Darren Bent (80.)
Swansea - Colchester 4-0
Torquay - Carlisle 1-0
Watford - Hartlepool 4-1
0-1 Antony Sweeney (45.), 1-1 Piero Mingoia
(66.), 2-1 Marvin Sordell (67.), 3-1 Marvin Sordell
(81.), 4-1 Danny Graham (89.). Ármann Smári
Björnsson var á bekknum hjá Hartlepool.
West Ham - Barnsley 2-0
1-0 J. Spector (29.), 2-0 Frederic Piquionne (90.)
Manchester United - Liverpool 1-0
1-0 Ryan Giggs, víti (2.).
Tottenham - Charlton 3-0
1-0 Andros Townsend (49.), 2-0 Jermain Defoe
(58.), 3-0 Jermain Defoe (60.).
Chelsea - Ipswich 7-0
1-0 Solomon Kalou (33.), 2-0 Daniel Sturridge
(33.), 3-0 sjálfsmark (41.), 4-0 Nicolas Anelka
(49.), 5-0 Sturridge (52.), 6-0 Frank Lampard
(78.), 7-0 Frank Lampard (79.).
Leicester - Manchester City 2-2
1-0 Souleymane Bamba (1.), 1-1 James Milner
(23.), 1-2 Carlos Tevez (45.), 2-2 Andy King (64.).
Spænska úrvalsdeildin
Deportivo - Barcelona 0-4
0-1 David Villa (26.), 0-2 Lionel Messi (52.), 0-3
Andres Iniesta (80.), 0-4 Pedro (81.).
Real Madrid - Villarreal 4-2
0-1 Cani (7.), 1-1 Cristiano Ronaldo (10.), 1-2
Marco Ruben (18.), 2-2 Ronaldo (45.), 3-2 Ron-
aldo (80.), 4-2 Kaka (82.).
Powerade-bikar kvenna
8-LIÐA ÚRSLIT
Njarðvík - Haukar 70-68
Skallagrímur - KR 62-98
Snæfell - Hamar 71-94
Keflavík - Grindavík 78-61
Powerade-bikar karla
8-LIÐA ÚRSLIT
KR - Fjölnir 82-74
KR: Brynjar Þór Björnsson 18, Fannar Ólafsson
15, Marcus Walker 14, Hreggviður Magnússon 13,
Pavel Ermolinskij 11, Finnur Atli Magnússon 7,
Skarphéðinn Ingason 3, Jón Orri Kristjánsson 1.
Fjölnir: Brandon Springer 17, Sindri Kárason 15
Ægir Þór Steinarsson 14/11 fráköst/6 stoð-
sendingar, Tómas Heiðar Tómasson 8, Jón Sverr-
isson 7, Ingvaldur Magni Hafsteinsson 7, Sigurður
Þórarinsson 2, Arnþór Freyr Guðmundsson 2,
Trausti Eiríksson 2.
Haukar - Njarðvík 98-84
Haukar: Gerald Robinson 27, Semaj Inge 18/14
fráköst/14 stoðsendingar, Haukur Óskarsson 18,
Sævar Ingi Haraldsson 16, Sveinn Ómar Sveins-
son 15, Örn Sigurðarson 2, Emil Barja 2.
Njarðvík: Christopher Smith 36, Magnús Þór
Gunnarsson 15, Friðrik E. Stefánsson 9, Rúnar
Ingi Erlingsson 7, Guðmundur Jónsson 6, Jóhann
Árni Ólafsson 4, Egill Jónasson 3, Hjörtur Hrafn
Einarsson 2, Lárus Jónsson 2.
Tindastóll - Skallagrímur 72-48
Tindastóll: Hayward Fain 15, Dragoljub Kitanovic
14, Svavar Atli Birgisson 14/11 fráköst, Friðrik
Hreinsson 9, Sean Kingsley Cunningham 9/6
fráköst/5 stoðsendingar, Helgi Rafn Viggósson
5/18 fráköst, Helgi Freyr Margeirsson 4, Halldór
Halldórsson 2.
Skallagrímur: Darrell Flake 17/11 fráköst, Mateuz
Zowa 8/8 fráköst, Hafþór Ingi Gunnarsson 7,
Halldór Gunnar Jónsson 7, Birgir Þór Sverrisson 6,
Davíð Guðmundsson 3.
ÚRSLIT
KÖRFUBOLTI Þrír leikir fóru fram í
Powerade-bikarnum í körfubolta í
gær og unnust heimasigrar í þeim
öllum. KR, Tindastóll og Haukar
verða í pottinum þegar dregið
verður í undanúrslitin.
KR vann Fjölni í Reykjavíkur-
slag 82-74. KR hafði undirtökin í
leiknum lengst af og var með tólf
stiga forystu í hálfleik en Fjöln-
ismenn sóttu í sig veðrið og buðu
upp á spennu á lokamínútunum.
„Þetta Fjölnisliðið er bara alvöru
lið og þessi Bandaríkjamaður á
eftir að nýtast þeim ágætlega sýn-
ist mér. Við lögðum grunninn að
þessu með vörninni okkar í fyrri
hálfleik og um helmingur stiga
okkar þá kom úr hraðaupphlaup-
um,“ sagði Hrafn Kristjánsson,
þjálfari KR.
Haukar unnu Njarðvík 98-84.
Njarðvíkingar virðast ekki ætla
að finna beinu brautina og töp-
uðu enn einum leik sínum í vetur.
Þeir byrjuðu mun betur og voru
tíu stigum yfir eftir fyrsta leik-
hluta. Haukarnir fóru þá af stað
og gátu sýnt listir sínar í seinni
hálfleiknum.
„Þetta var hrikalegt,“ sagði
Njarðvíkingurinn Magnús Þór
Gunnarsson. „Við ákváðum að
byrja vel núna en vorum svo bara
lélegir það sem eftir var.“ En hvað
þurfa þeir að gerast til að koma sér
úr þessari erfiðu stöðu? „Ef við
myndum vita það værum við löngu
komnir úr henni,“ sagði Magnús en
hans lið er í harðri baráttu fyrir
lífi sínu í deildinni.
Pétur Ingvarsson, þjálfari
Hauka, var ánægður með sitt lið.
„Þeirra leikur hrapaði eftir fyrsta
leikhluta en við héldum bara áfram
að gera það sem við erum að gera.
Skotin hjá þeim hættu að detta. Við
vitum að Njarðvík er með hörkulið,
þarna eru sex landsliðsmenn og
frábær útlendingur,“ sagði Pétur.
„Við gáfumst ekkert upp. Okkar
leikmaður, Haukur Óskarsson,
átti afmæli í dag og við ákváðum
að spila afmælisvörn og afmælis-
sókn. Þetta var bara góður sigur.
Við erum einum leik frá úrslita-
leik í Laugardalshöll og við tökum
á honum þegar þar að kemur.“ Það
var engin spenna á Sauðárkróki
þar sem Tindastóll burstaði Skalla-
grím 72-48. Það er því aðeins einn
leikur eftir í átta liða úrslitum en
það er viðureign Grindavíkur og
Laugdæla. - egm
Þremur leikjum af fjórum lokið í fjórðungsúrslitum Powerade-bikarkeppni karla:
Heimavöllurinn dýrmætur í bikarnum
ÞREFÖLD TVENNA
Semaj Inge var öflugur hjá Haukum og
bauð upp á þrefalda tvennu.
FRÉTTABLAÐIÐ/ANTON