Fréttablaðið - 07.02.2011, Blaðsíða 10

10 7. febrúar 2011 MÁNUDAGUR
KENNARI NÁMSKEIÐSINS, SIGURÐUR JÓNSSON, LÆRÐI
LJÓSMYNDUN Í SCHOOL OF VISUAL ARTS Í NEW YORK
OG ÖÐLAÐIST MEISTARARÉTTINDI Í LJÓSMYNDUN ÁRIÐ
1989. HANN HEFUR HALDIÐ NÁMSKEIÐ Í STAFRÆNNI
MYNDVINNSLU FYRIR LJÓSMYNDARAFÉLAG ÍSLANDS,
LISTAHÁSKÓLA ÍSLANDS, MARGMIÐLUNARSKÓLANN,
IÐNSKÓLANN Í REYKJAVÍK OG NÚ Í 5 ÁR HJÁ NTV.
FYRIR HVERJA?
Námskeiðið er ætlað þeim sem vinna við
grafík og stafræna myndvinnslu og vilja ná
dýpri þekkingu og skilningi á nær óendan-
legum möguleikum þessa flotta verkfæris.
Námið er undirbúningur fyrir alþjóðlegt próf
sem gefur gráðuna: Adobe Certified Expert.
INNTÖKUSKILYRÐI
Þeir sem ætla í þetta nám þurfa að hafa
einhverja reynslu í Photoshop og undir-
stöðuþekkingu á Windows umhverfinu.
Einnig þarf góða enskukunnáttu þar sem
flest námsgögn eru á ensku.KENNSLUTILHÖGUN
Mánudaga og miðvikudaga 18-22.
byrjar 21. feb. og lýkur 23. mar.
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
PHOTOSHOP EXPERT
- ALVÖRU PHOTOSHOP NÁMSKEIÐ -
PHOTOSHOP EXPERT
Við hjá NTV leyfum okkur að fullyrða að
þetta sé eina námskeiðið sem uppfylli
kröfur þeirra sem einhverja reynslu hafa í
Photoshop. Námskeiðið er yfirgripsmikið
þar sem mikið er lagt upp úr þeim þætti
sem snýr að eftirvinnslu s.s. litgreiningu,
prófílum, upptöku aðgerða, skipulag,
meðferð RAW skráa, og öllum þeim
aðgerðum sem áður fyrr voru fram-
kvæmdar í myrkrakompu.
FÖSTUDAGSBÆNIR Íranskar konur
koma saman til morgunbæna fyrir
utan háskólann í Teheran.
NORDICPHOTOS/AFP
HJÁLPARSTARF Þróunarsamvinnu-
stofnun Íslands (ÞSSÍ) undirbýr á
þessu ári nýtt fimm ára verkefni í
lýðheilsu með héraðsstjórn Mang-
ochi í Malaví. Stefán Jón Hafstein,
umdæmisstjóri ÞSSÍ í Malaví,
segir hugmyndina þá að Rauði
krossinn geti hugsanlega haft
hlutverk í verkefninu. Í tilkynn-
ingu ÞSSÍ er eftir honum haft að
Rauði kross Íslands hafi um nokk-
urra ára hríð starfað í Malaví og
að reynslan af þeim verkefnum
þyki góð.
„Í síðustu viku fóru fram við-
ræður milli fulltrúa frá íslenska
Rauða krossinum og malavíska
Rauða krossinum við umdæmis-
stjóra ÞSSÍ í Malaví um slíkt sam-
starf í Mangochi-héraði. Þórir
Guðmundsson frá íslenska Rauða
krossinum og Helen Dzoole frá
malavíska Rauða krossinum fóru
þá í vettvangsferð um Mangochi
með Stefáni Jóni, sem sýndi þeim
verkefni ÞSSÍ, auk þess sem þau
ræddu við félagsmenn í RK í hér-
aðinu,“ segir í tilkynningu ÞSSÍ.
Ákveðið var að halda áfram við-
ræðum um samstarf í tengslum
við heilsugæsluverkefni ÞSSÍ í
Mangochi. Skoðað var sjúkrahús
í Monkey Bay sem Íslendingar
byggðu og styrkja og heilsugæslu-
stöðvar í sveitum, í Namkumbi og
Chilonga, þar sem nú er lögð loka-
hönd á nýja fæðingardeild sem
ÞSSÍ byggir. - óká
Í CHILONGA Stefán Jón Hafstein, umdæmisstjóri ÞSSÍ, og Helen Dzoole frá malavíska
Rauða krossinum fyrir framan nýju fæðingardeildina. MYND/ÞÓRIR GUÐMUNDSSON
Viðræður um samstarf í Malaví:
Fimm ára verkefni
á teikniborðinu
Auglýsingasími
WASHINGTON Ronalds Reagan var víða minnst
í Bandaríkjunum í gær þegar hundrað ár voru
liðin frá fæðingu hans. Reagan gegndi embætti
forseta Bandaríkjanna frá 1981 til 1989 og er í
dag í hópi vinsælustu forseta. Fjöldi sagnfræð-
inga hefur við þessi tímamót fjallað um arfleifð
Reagans en mörgum þykir sem sú ímynd sem
haldið er uppi af Reagan í dag eigi ekki endilega
við rök að styðjast.
„Repúblikanar hafa búið til ímynd af Reagan á
þá leið að hann hafi verið á móti hinu opinbera,“
segir sagnfræðingurinn Douglas Brinkley sem
ritstýrði útgáfu á dagbókum Reagans. „Reag-
an gerði frekar kröfu um hagkvæmni í rekstri
ríkisins. Hann talaði aldrei um að leggja niður
félagstryggingar eða draga verulega úr útgjöld-
um til heilbrigðismála, hans barátta snerist um
að draga úr útgjöldum,“ segir Brinkley.
Reagan hóf þátttöku í stjórnmálum eftir far-
sælan feril sem leikari í Hollywood og gegndi
embætti ríkisstjóra í Kaliforníu áður en hann
var kjörinn forseti.
„Goðsögnin um Reagan er mjög einföld,“
segir blaðamaðurinn Will Bunch sem skrifað
hefur bók um manninn. „Reagan var maður sem
vann kalda stríðið, lækkaði skatta og bjargaði
bandaríska hagkerfinu. Það gleymist hins vegar
að hann hækkaði líka skatta og var tilbúinn til
málamiðlunar væru menn honum ósammála.“
- mþl
Hundrað ár frá fæðingu Ronalds Reagan Bandaríkjaforseta:
Goðsögn orðin til um Ronald Reagan
RONALD REAGAN Reagan er meðal vinsælustu for-
seta Bandaríkjanna en Obama, núverandi forseti, er
í hópi þeirra sem hafa lofað hann á síðustu dögum.