Fréttablaðið - 07.02.2011, Side 46

30 7. febrúar 2011 MÁNUDAGURSJÓNVARPSÞÁTTURINN
„Ég er núna föst í Dexter. Ég var
svolítið lengi að komast inn í
þetta æði og trúði ekki að þetta
væri gott. En núna eru þetta
tveir þættir á hverju kvöldi.“
Nanna Bryndís Hilmarsdóttir, söngkona
hljómsveitarinnar Of Monsters and Men.
„Þetta er náttúrulega alveg mögnuð
markaðssetning,“ segir Hulda Gúst-
afsdóttir, annar eigandi Hestvits,
sem sér meðal annars um útflutn-
ing á hestum.
Íslenski hesturinn skaut upp koll-
inum í Facebook-leiknum FarmVille
í lok janúar. FarmVille er einn vin-
sælasti tölvuleikur heims, en um
sextíu milljónir manna um allan
heim spila hann reglulega, sem eru
um tíu prósent af notendum Face-
book. Í leiknum sér fólk um rekstur
bóndabæjar með öllu sem því fylg-
ir, en samskipti við aðra Facebook-
notendur eru stór hluti af leikn-
um. Notendur geta keypt íslenska
hestinn fyrir sérstakan FarmVille-
gjaldeyri, geymt hann í sýndarhest-
húsi og ræktað gæðinga sem þeir
geta deilt með öðrum notendum
leiksins.
Hulda hafði ekki heyrt um land-
vinninga íslenska hestsins í net-
heimum þegar Fréttablaðið náði í
hana en taldi að þeir myndu skila
sér í góðri kynningu. „Ég myndi
ætla það,“ segir hún. „Auðvitað
skiptir máli í hvernig samhengi
hesturinn er í leiknum. Ef hann er
sýndur í jákvæðu og góðu ljósi er
þetta náttúrulega frábær auglýs-
ing.“
Íslenskur búfénaður nýtur vax-
andi vinsælda erlendis, eins og
fram hefur komið í Fréttablað-
inu. Íslenski fjárhundurinn var
kynntur á einni stærstu hunda-
sýningu heims í Bandaríkjunum í
lok síðasta árs og fjölmörg bónda-
býli rækta íslenskt sauðfé, hunda
og meira að segja hænur. Ýmsum
brögðum er beitt til að markaðs-
setja náttúruauðlindir lands-
ins og skemmst er að minn-
ast þess þegar umboðsmaður
íslenska hestsins var skipaður,
til að halda utan um hagsmuni
hans á erlendri grundu. Hulda
segir FarmVille-ævintýri íslenska
hestsins vera óbeina markaðssetn-
ingu. „Það virkar alltaf vel þegar
ekki er augljóst að verið sé að aug-
lýsa. Þá verða hlutirnir þekktir og
fólk þekkir þá þegar það sér þá
næst,“ segir hún.
atlifannar@frettabladid.is
HULDA GÚSTAFSDÓTTIR: ÞETTA ER MÖGNUÐ MARKAÐSSETNING
Íslenski hesturinn í einum
vinsælasta tölvuleik heims
TÖLVULEIKJAGÆÐINGAR Tugir milljóna
spilara Facebook-leiksins FarmVille geta
fengið sér íslenskan hest og ræktað
gæðinga. Hulda Gústafsdóttir segir
þessa markaðssetningu afar jákvæða.
Útgefandinn og tónlistarmaður-
inn Óttar Felix Hauksson hefur
í mörg horn að líta. Auk þess að
skipuleggja stórtónleika í til-
efni sjötugsafmælis Bobs Dylan
í Hörpunni eins og Fréttablaðið
greindi nýlega frá, stundar hann
fullt nám í íslensku við Háskóla
Íslands.
„Ég er langelstur. Kjarninn
eru krakkar sem eru fjörutíu
árum yngri,“ segir Óttar Felix
um íslenskunámið en hann er 61
árs. Óttar lauk námi í matvæla-
tæknifræði í Danmörku árið 1988
og rak í framhaldinu verksmiðj-
una Kjarnavörur í ellefu ár. Eftir
það söðlaði hann um og stofnaði
útgáfufyrirtækið Zonet. Hann
hefur haft mikinn áhuga á íslensku
í mörg ár og fannst rétti tíma-
punkturinn að hefja námið núna í
haust. „Ef maður setur málband á
borðplötu, hefur það 85 til 90 cm
langt, er með puttann á sextíu og
kíkir hvað er eftir þá er það bara
stubbur. Þannig að maður verð-
ur að nýta tímann vel og gera það
sem mann langar að gera og hafa
gaman af lífinu,“ segir hann. „Ég
hef alltaf haft mjög gaman af bæði
íslenskri málfræði og íslenskum
bókmenntum.“
Óttar er fullviss um að námið
eigi eftir að nýtast vel í tónlistarút-
gáfunni, bæði í sambandi við kynn-
ingarefni sem hann sendir til fjöl-
miðla og textann sem hann skrifar
inn í hin ýmsu plötu umslög.
- fb
Útgefandi lærir íslensku í HÍ
Í ÁRNAGARÐI Óttar Felix á heimavelli íslenskunnar innan um handritin í Árnagarði
þar sem hann stundar sitt nám. FRÉTTABLAÐIÐ/GVA
„Stóru þorrablótin virðast bara vera að soga
alla til sín og svo er þessi mánuður eflaust
sá erfiðasti hjá mörgum, fólk að borga niður
jólin,“ segir Haraldur V. Haraldsson, fram-
kvæmdastjóri íþróttafélagsins Víkings.
Víkingar neyddust til að slá af þorrablótið
hjá sér vegna ónógrar þátttöku en það hefur
verið fastur liður í starfsemi félagsins undan-
farin ár. Víkingar eru þó ekki eina íþróttafé-
lagið á höfuðborgarsvæðinu sem neyddist til
að grípa til þessara aðgerða því bæði Fram og
FH urðu að gera slíkt hið sama.
Haraldur segir að þorrablótið hafi átt að
halda þarsíðasta föstudag en Víkingar hafi
neyðst til að hætta með dags fyrirvara. „Þetta
hafa verið svona 80-100 manna þorrablót og
við höfum séð þetta sem tækifæri til að sam-
eina okkar félagsmenn og gefa þeim tækifæri
til að hittast undir öðrum formerkjum,“ segir
Haraldur og viðurkennir að þetta hafi komið
svolítið á óvart, herrakvöld Víkings hafi til að
mynda slegið öll met.
Haraldur vill ekki meina að þetta sé mikið
fjárhagslegt tap fyrir félagið, auðvitað komi
alltaf eitthvað inn í kassann fyrir félagið en
það sé ekki aðalatriðið. „Og kannski var þetta
bara aðeins of dýrt, það kostaði ellefu þúsund
krónur fyrir hjónin og það var ef til vill of
mikið.“
Kristinn Rúnar Jónsson, framkvæmdastjóri
Fram, staðfesti að Framarar hefðu þurft að
hætta við þorrablótið hjá sér fyrir skemmstu.
Og hann segir það bagalegt fyrir fjáröflun
félagsins. „En þetta eru eflaust bara erfiðari
tímar hjá fólki og það er ugglaust harðara í
ári hjá mörgum núna.“ - fgg
Þorrablót slegin af hjá íþróttafélögum
LÍTILL ÁHUGI Þorrablót íþróttafélaga hafa lengi verið
vinsæl í félagsstarfi landsmanna. Þrjú stór íþróttafélög
á höfuðborgarsvæðinu neyddust hins vegar til að slá af
sínar veislur vegna áhugaleysis.
Léttar í bragði
Fitulítilnýjung!
Fiskikóngurinn • Sogavegi 3 • sími 587 7755
990
Fiskréttir Humar 2000 kr.kg
Súr
Hvalur
K
r./
kg
.
K
r./
kg
.
Fr
á
Fr
á
Skötuselur
1990 kr.kg
roðlaus/bei
nlaus
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI
MENNING
Frammistaða tónlistarkonunnar
Láru Rúnarsdóttur á Eurosonic í
Hollandi er sögð einn af hápunkt-
um hátíðarinnar á síðu
breska tónlistartímaritsins
Clash. Þar segir að Lára sé
heillandi listamaður og útlit
hennar og klæðnaður hennar
hafi fangað athyglina
undir eins. Lögin
hennar hafi verið bæði
létt og skemmtileg
og gaman hafi verið
að dansa við þau.
Lára er að hefja
upptökur á
sinni fjórðu
plötu og er
hún vænt-
anleg síðar á
þessu ári.
Síðasta sýning á söngleiknum
Dísu ljósálfi var í Austurbæ fyrir
skemmstu. Höfundur sýningar-
innar, Páll Baldvin Baldvinsson,
hefur sett á hilluna áform um
að frumsýna söngleikinn Chess í
Hörpu í sumar. Þess í stað hefur
hann ráðið sig til Kvikmyndaskóla
Íslands þar sem hann er nú titl-
aður deildarstjóri yfir handrita- og
leikstjórnardeild. Páll situr eftir
sem áður í stjórn skólans.
Áfram er stefnt að því að
setja söngleikinn Chess
upp en þangað til það
verður að veruleika
munu kvikmynda-
gerðarmenn
framtíðarinnar
njóta leiðsagnar
Páls Baldvins.
-fb, hdm
FRÉTTIR AF FÓLKI