19. júní - 01.03.1994, Síða 10

ÁR FJÖLSKYLDUNNAR
Ljósmyndir: Rut Hallgrimsdóttir.
Doktorsritgerð um fjölskylduna
Hollusta íslenskra kvenna
við fjölskylduna er misnotuð
segir Sigrún Júlíusdóttir í viðtali við 19. júní
Texti: Steinunn Jóhannesdóttir
Þann 4. júní á liðnu ári fór fram doktorsvörn Sigrúnar Júlíusdóttur við Gautaborgar-
háskóla þar sem hún varði kenningar sínar um íslenskar fjölskyldur. Doktorsritgerð
Sigrúnar heitir á sænsku Den kapabla familjen i det islándska samhállet en hún
hefur kosið að kalla hana á íslensku: Bjargráða fjölskyldan í íslensku þjóðfélagi. Undir-
titillinn er: En studie om lojalitet, áktenskapsdynamik och psychosocial anpassning eða á ís-
lensku: Rannsókn á hollustuböndum, gagnvirkni í hjónabandi og félagssálarfræðilegri aðlögun.
Rannsókn Sigrúnar var gefin út á bók samhliða vörninni og þar sem hún er skrifuð á prýði-
legu mannamáli er efni hennar aðgengilegt leikmönnum sem lesa sænsku. í ritgerðinni er saman
dreginn mikill fróðleikur um íslenska fjölskylduhætti ífortíð og nútíð og efnið snertir mjög sam-
skipti og stöðu kynjanna og hvernig hvorutveggja hefur þróast. Sigrún tengir rannsóknina
langri reynslu sinni af fjölskyldumeðferð með athyglisverðum hætti. Rannsóknin ætti því að vera
forvitnileg öllum sem áhuga hafa á málefnum fjölskyldunnar og mjög gagnleg fólki í sveitar-
stjórnum og á Alþingi þar sem félagsleg umgjörð fjölskyldunnar er ákvörðuð að verulegu leyti
með lögum og reglugerðum sem og fjárframlögum og sköttum.
10