Fréttablaðið - 10.12.2010, Qupperneq 8

10. desember 2010 FÖSTUDAGUR8
ICESAVE: Nýr samningur við Breta og Hollendinga kynntur
„Ég held að það sé ótímabært að ræða það strax hvort
þetta á að fara í þjóðaratkvæðagreiðslu vegna þess
að það á alveg eftir að ræða innihald samningsins og
skoða það,“ segir Jóhannes Þór Skúlason úr InDefence-
samtökunum. „Það veit enginn meira um þetta en þær
völdu staðreyndir sem samninganefndin hefur kynnt.“
Samtökin söfnuðu í fyrra um 60 þúsund undirskrift-
um til að skora á forseta Íslands að synja lögum um
ríkisábyrgð vegna síðasta Icesave-
samnings staðfestingar.
„Við fyrstu sýn er augljóst að þjóðin hefur, með því
að hafna Icesave 2 í þjóðaratkvæðagreiðslu, skapað
forsendur fyrir því að þessi samningur hefur batnað
mjög mikið frá því sem áður var,“ segir Jóhannes.
Hann segir að liðsmenn samtakanna eigi þó eftir að
leggjast almennilega yfir samninginn og forsendurnar
að baki útreikningum áður en þeir taki afstöðu til hans.
„Brennt barn forðast eldinn. Við munum að þegar
fyrsti samningurinn var kynntur var talað um að þetta
væru 150 milljarðar plús vextir sem féllu á ríkissjóð og
síðan þegar menn fóru að reikna betur voru þeir fljótlega komnir upp í 300
milljarða, og svo upp í 500 milljarða þegar seinni samningurinn lá fyrir.
Tölurnar í þessu geta reynst varasamar og það er nauðsynlegt að vera
með forsendurnar á hreinu áður en þeim er slegið föstum. Við viljum sér-
staklega skoða hvaða forsendur liggja að baki þeirri ályktun að aldrei lendi
meira en 50 milljarðar á íslensku þjóðinni.“ - sh
TAL UM ÞJÓÐARATKVÆÐI ÓTÍMABÆRT
Tölurnar
í þessu geta
reynst vara-
samar.
JÓHANNES Þ.
SKÚLASON
INDEFENCE-
SAMTÖKUNUM
„Fljótt á litið er þetta
mun hagstæðara tilboð
en fyrri samningurinn,“
segir Sigmundur Davíð
Gunnlaugsson, formaður
Framsóknarflokksins. „En
hafi Íslendingar lært af
reynslunni í þessu máli
þá verðum við að kynna
okkur þetta mál í þaula
áður en mikið er hægt að segja.“
Sigmundur Davíð segist ekki geta lagt mat
á það hvort hann muni styðja samninginn í
meðförum Alþingis. „Þó að þetta tilboð sé
mun hagstæðara þarf það líka að vera það
ef menn telja ásættanlegt að taka á sig kröfu
sem er ekki lagastoð fyrir. Það er óbreytt og
ég held að það sé afstaða ríkisstjórnarinnar
núna að þetta sé ekki samkvæmt lagaskyld-
um.“
Sigmundur segir að óháð niðurstöðunni
úr samningaferlinu verði að meta hvort
„fari vel á því að þingið taki síðasta orðið af
almenningi. Þegar búið er að vísa málinu í
þjóðaratkvæðagreiðslu, þar sem niðurstaðan
var afgerandi, verður að meta hvort ekki sé
eðlilegt að það sé gert aftur. Ég tel að það sé
eðlilegt úr því sem komið er.“ - shá
VILL ÞJÓÐARATKVÆÐAGREIÐSLU UM SAMNINGINN
ICESAVE-SAGAN
BÆYSFÖR Á AUSTURVELLI Hinn 30. desember í fyrra var haldin blysför til þess að mótmæla Icesave-samkomulagi
ríkisstjórnarinnar. Ólafur Ragnar Grímsson, forseti Íslands, vísaði málinu til þjóðaratkvæðagreiðslu hinn 5. janúar. FRÉTTABLAÐIÐ/PJETUR
2008
2009
2010
Föstudaginn 10. desember verður lokað
hjá embætti ríkisskattstjóra og á öllum
starfsstöðvum (skattstofum).
Lokað í dag
Fljótt
á litið er
þetta mun
hagstæðara
tilboð en fyrri
samningurinn
SIGMUNDUR DAVÍÐ
GUNNLAUGSSON
FORMAÐUR FRAM-
SÓKNARFLOKKSINS
„Þegar þessi niðurstaða samninga-
nefndarninar er kynnt er manni
auðvitað efst í huga hversu miklu
máli það skipti að hnekkja fyrri
samningum og að það skuli hafa
verið gert með jafnafgerandi hætti
og samstöðu meðal þjóðarinnar,“
segir Bjarni Benediktsson, formaður
Sjálfstæðisflokksins. „Það sendi skýr
skilaboð um að menn ætluðu ekki
að sæta neinum afarkostum í þessu máli og ólíkt því
sem forysta ríkisstjórnarinnar hélt þá fram, um að þjóðar-
atkvæðagreiðslan væri tilgangslaus tímasóun, hefur
komið í ljós að hún skipti öllu.“
Um efni samninganna segir Bjarni tvennt blasa við:
„Annars vegar að þær fjárhagslegu skuldbindingar sem
menn væru að undirgangast með þessum samningum
eru af allt annarri stærðargráðu en samkvæmt fyrri
samningi.“ Hins vegar sé umgjörð málsins gjörbreytt.
Ekki væri verið að gangast í ábyrgðir fyrir risavaxin lán
og þá hafi verið endursamið um ýmis lagaleg atriði með
skynsamlegri hætti.
„Eftir sem áður, þó að þetta tvennt hafi breyst
svona mikið, þá er réttlætiskennd manns á vissan hátt
misboðið yfir því að við skulum
yfirhöfuð þurfa að ræða þetta mál,
vegna þess að þarna var um að
ræða banka sem var ekki á nokk-
urn hátt rekinn á ábyrgð ríkisins,“
segir Bjarni.
Verkefni næstu daga sé að fara
yfir það hvort þjóðin hafi engu
að síður hagsmuni af því að ljúka
málinu, með tilliti til efnahagslegra
og lagalega þátta, þótt Bjarni seg-
ist enn algjörlega sannfærður um
að engri lagaskyldu sé til að dreifa.
„Staðreyndin er nefnilega sú að
þrátt fyrir að efnahagsleg áhrif þess
að málið hafi tafist hafi verið stór-
kostlega ýkt og nær ekkert staðist
af því sem flestir sem fjallað hafa um málið hafa sagt
– allt frá háskólaprófessorum yfir í aðila vinnumarkaðarins
– þá er ekki hægt að horfa alfarið framhjá því að því fylgja
einhver efnahagsleg áhrif að málið skuli vera óleyst.“
Bjarni vill á þessu stigi ekkert segja um það hvort
hann telji sig munu greiða atkvæði með ríkisábyrgð
vegna samninganna. - sh
NÚNA ÞARF AÐ VEGA OG META KOSTI ÞESS AÐ SEMJA UM MÁLIÐ
Október: Landsbankinn fellur. Tugir þúsunda innstæðueigenda í
Bretlandi og Hollandi geta ekki nálgast peninga sína.
Október: Íslensk og hollensk stjórnvöld undirrita skjal um að
tryggingasjóður innstæðueigenda á Íslandi fái lán til að standa
straum af greiðslu innstæðutrygginga. Miðað við 6,7 prósenta
vexti. Samningaviðræður við Breta skila hins vegar ekki árangri.
Nóvember: ESB beitir sér fyrir samþykkt svokallaðra Brussel-við-
miða, þar sem meðal annars er viðurkennt að tilskipun ESB um
innistæðutryggingar gildi á Íslandi og að í samningum við Ísland
eigi að taka tillit til erfiðra og fordæmislausra aðstæðna landsins.
Desember: Alþingi samþykkir þingsályktun sem heimilar stjórn-
völdum að leiða Icesave-málið til lykta.
Júní: Ritað er undir lánasamninga á milli Íslands og Hollands og
Bretlands. Frumvarp er lagt fram á Alþingi.
September: Frumvarpið er samþykkt með miklum breytingum,
svokölluðum fyrirvörum um bæði efnahagsleg og lagaleg áhrif
samninganna.
Október: Gerðir viðaukasamningar við Bretland og Holland til að
koma til móts við fyrirvara Alþingis.
Desember: Alþingi samþykkir nýtt Icesave-frumvarp.
Janúar: Ólafur Ragnar Grímsson forseti Íslands synjar Icesave-
lögunum staðfestingar. Boðað er til þjóðaratkvæðagreiðslu.
Febrúar – mars: Skipuð er ný samninganefnd undir forystu Lee
Buchheit. Reynt til þrautar að ná nýjum samningi fyrir þjóðar-
atkvæðagreiðslu, en það mistekst.
Mars: Icesave-lögin er felld í þjóðaratkvæðagreiðslu með rúm-
lega 98 prósentum atkvæða.
Réttlætis-
kennd manns
er á vissan hátt
misboðið yfir
því að við skul-
um yfirhöfuð
þurfa að ræða
þetta mál.
BJARNI
BENEDIKTSSON
FORMAÐUR SJÁLF-
STÆÐISFLOKKSINS
„Það er greinilegt að það borgar
sig að hafa fagmenn í vinnu,“ segir
Þór Saari, Hreyfingunni, um nýjan
Icesave-samning. „Þeir hafa náð
umtalsverðum árangri miðað við
það sem áður var uppi á borðum.
Nú þegar þetta er komið
niður í upphæðir eins og kemur
þarna fram hef ég velt upp þeirri
hugmynd, og meðal annars rætt
hana við fjármálaráðherra, að aðildarfélög Samtaka
atvinnulífsins og Samtaka fjármálafyrirtækja verði
einfaldlega látin borga þetta. Hrunið er þeim að kenna
og þótt þetta yrðu bara fjármálafyrirtækin myndu þau ekki finna fyrir því að
borga þetta,“ segir Þór.
Þór segist ekki vita á þessari stundu hvort hann muni greiða atkvæði með
samningnum á þingi. Til þess þurfi að lúslesa hann og öll fylgiskjöl. „Við
höfum brennt okkur á því áður í tvígang að taka við skjölum frá ríkisstjórn-
inni sem segja að við séum með æðislegan Icesave-samning sem hefur
svo verið bara blekkingin innantóm. Ég reikna að vísu ekki með því að það
sé þannig í þetta skiptið því ég treysti Lee Buchheit fyllilega til að segja
sannleikann.“
Hins vegar telji hann líklegt að umtalsverður meirihluti verði fyrir þessu á
þingi ef því verði gefinn nægur tími til að fara yfir málið og að því gefnu að
hvergi sé fiskur undir steini. „En það er kurr í mönnum af því að það heyrð-
ist strax á Steingrími að hann langaði að keyra þetta í gegn fyrir jól. Ef hann
ætlar að reyna það verður allt vitlaust.“
Þór segir ekki víst að Steingrími J. Sigfússyni sé sætt sem fjármálaráðherra
eftir þetta mál. Hann hafi haft kolrangt fyrir sér þegar hann reyndi að keyra í
gegn samninga sem hefðu kostað þjóðina tugi ef ekki hundruð milljarða. „Ég
held að hann ætti að sjálfsögðu að skoða sína stöðu mjög rækilega eftir þetta
allt saman. Við ættum kannski að gera Lee Buchheit að fjármálaráðherra.“ - sh
STEINGRÍMUR ÍHUGI STÖÐU SÍNA
Við ætt-
um kannski
að gera Lee
Buchheit að
fjármálaráð-
herra.
ÞÓR SAARI
ÞINGMAÐUR
HREIFINGARINNAR