Fréttablaðið - 10.12.2010, Blaðsíða 82

FÖSTUDAGUR 10. desember 201058
Söngvarinn Nick Cave ók Jagúar-
bifreið sinni á hraðamyndavél og
vegrið í heimabæ sínum Hove á
Englandi. Tíu ára tvíburasynir
hans voru með honum í bílnum,
sem skemmdist töluvert, en
engan sakaði. Enginn annar bíll
kom við sögu í slysinu og ekki er
vitað hvað olli því. Cave var ekki
handtekinn og virðist hann því
ekki hafa verið undir áhrifum
vímuefna.
Hinn 53 ára Cave er þekktastur
sem forsprakki hljómsveitarinn-
ar Nick Cave and the Bad Seeds
sem hefur gefið út fjölda platna
í gegnum árin. Stutt er síðan
önnur hljómsveit hans, Grinder-
man, gaf út sína aðra plötu.
Klessukeyrði
Jagúar-bílinn
NICK CAVE Söngvarinn klessukeyrði
Jagúar-bifreið sína í Hove á Englandi.
Leikarahjónin Ashton Kutcher
og Demi Moore eru dugleg við
að lýsa ást sinni hvort á öðru á
síðunum Twitter og Facebook.
Fimm ár eru liðin síðan þau
gengu upp að altarinu og ást
þeirra hefur aldrei verið sterk-
ari. „Að senda eitthvað sætt á
Twitter eða Facebook er gaman,“
skrifaði hinn 32 ára Kutcher í
pistli fyrir tímaritið Harper´s
Bazaar sem nefnist: „Hafa texta-
skilaboð eyðilagt rómantíkina?“
„Á ýmsan hátt er það ekkert
öðruvísi en að senda blóm á skrif-
stofuna. Þú ert að lýsa yfir ást
þinni fyrir framan alla aðra.
Hver vill ekki öðlast slíka aðdáun
fyrir opnum tjöldum?“ skrifaði
hann.
Rómantísk
á Facebook
HAMINGJUSÖM Ashton Kutcher og
Demi Moore nota Twitter og Facebook
óspart.
Svo gæti farið að Will Smith leiki
Hróa hött í nýrri mynd Wachow-
ski-bræðranna um þennan sokka-
buxnaklædda Skírisskógsbúa.
Systkinin munu að öllum líkindum
leikstýra myndinni Hood hjá Warn-
er Bros samsteypunni og vilja þau
að Smith leiki aðalhlutverkið. Ef
Smith þekkist boðið fetar hann í
fótspor ekki ómerkari manna en
Erroll Flynn, Sean Connery, Kevin
Costner og Russell Crowe, sem lék
Hróa síðasta sumar. Smith hafnaði
á sínum tíma aðalhlutverkinu í The
Matrix, sem Wachowski-bræðurnir
leikstýrðu. Keanu Reeves fékk þá
hlutverk Neo og stóð sig eins og
sönn hetja.
Vilja Smith sem Hróa
WILL SMITH Svo gæti farið að Will Smith
verði næsti Hrói höttur.
Samkvæmt slúðursíðunni Lainey-
Gossip eru Ryan Gosling og Blake
Lively heitasta parið í Hollywood
um þessar mundir. Parið sást fyrst
saman í október, stuttu eftir að
Lively hætti með Penn Badgley,
mótleikara sínum í sjónvarpsþátt-
unum Gossip Girl.
Kvikmyndin Blue Valentine var
frumsýnd að viðstöddu margmenni
í vikunni þar sem Gosling fer með
annað aðalhlutverkið í myndinni.
Hann mætti ásamt Lively á frum-
sýninguna og sátu þau hlið við hlið
í sérstöku frumsýningarboði eftir
myndina.
Svo óheppilega vildi þó til að
Gosling var kynntur sem Der-
eck Cianfrance og ákvað
leikarinn að slá þessu upp
í létt grín og gekk undir
því nafni það sem eftir var
kvölds. „Þetta var besta
hlutverk mitt til þessa og
enginn fékk að sjá það
aðrir en veislugest-
ir. En maður gerir
þetta fyrir sjálf-
an sig, það eru
verðlaunin,“
sagði leikarinn
þegar hann var
spurður út í nafn-
aruglið.
Gosling og Blake Lively nýtt par
STINGA SAMAN NEFJUM Samkvæmt
slúðursíðunni Lainy Gossip eru
Ryan Gosling og Blake Lively nýtt
par. NORDICPHOTOS/GETTY