Sameiningin - 01.11.1950, Qupperneq 14

156
Sameiningin
afturför byrjar. Kristin kirkja, er hin andlega máttarstoð
og ljósgjafi mannsandans. Við, hér í Vatnabygðum, getum
ekkert fremur verið án hennar en aðrir menn. Hér er er-
indi eftir Helga Hálfdánarson prest, þann er skrifaði barna-
lærdóms kver það er um eitt skeið var notað á íslandi og
mörg af okkur lærðum. Kona sem talið hefir sálma þá er
séra Helgi orti og þýddi, segir að tala þeirra sé um sextíu.
Þú meistarinn frá himnahöll,
sem himinfræði kennir öll,
hve fávís ég og aumur er,
ef eigi læri ég hjá þér.
Æ lít til mín og leið mig inn
sem lærisvein í skóla þinn.
Þetta er vitnisburður þess, einn af óteljandi mörgum,
að mennirnir þurfa kirkjunnar við. Nú segja sumir, að
útvarpið færi þeim guðsþjónustur og er það alveg satt.
Útvarpið hér á enskri tungu, færir manni svo óteljandi
margt fagurt, gott og skemtilegt, að aldrei gæti maður talið
það. En þó að þetta komi sér vel fyrir marga, ekki sízt fyrir
þá sem lítið fara út, einkum að vetrarlagi, alveg ómetan-
legt, þá er það kringumstæðunum samkvæmt að menn
þurfa kirkjunnar sjálfrar við í persónulegri nálægð. Svo
mörg af kirkjulegum embættisverkum þurfa að framkvæm-
ast í persónulegri nálægð prestsins og annara hlutaðeig-
enda, að útvarpið gæti ekki gert það. Af þessum ástæðum
er það, að fólk sem á uppvaxandi börn fer í kirkjuna sem
næst er, — þeir sem eru þess hugar að sinna kirkjunni —
að láta skíra, að gifta og greftra, jafnvel til sakramentis,
líka að sinna Sunnudagaskóla. Líklega fer mestur fjöldi
manna í United kirkjuna bæði með sig og börn sín, sumir
í Anglican kirkjuna. Sumir skifta sér ekki korn af því hvað
kirkjudeildin heitir, er þeim óhjákvæmilega finst þeir þurfa
að vera í kirkjunnar nálægð.
Sunnudagaskólinn, er eitt af allra stærstu nauðsynja-
málunum, sem fólk vonast eftir að kirkjan sinni. Fólk hefir
látið það í ljós við mig, að ef það fengi Sunnudagaskóla
fyrir börn sín þá skyldi það vera í söfnuði. Nú standa
sakir þannig, að í bæjunum bæði Foam Lake og Leslie, að
minsta kosti eru Sunnudagaskólar. Þar sem engin lútersk
starfsemi hefir verið lengi á þessum slóðum, sækir margt