Sameiningin - 01.12.1951, Blaðsíða 6

84
Sameiningin
frammi fyrir óvininum sem var þess albúinn að svifta þá
þeirri gleði og gæfu sem hann sjálfur naut.
Arinbjörn var gæfumaður í einkalífi sínu. Að vísu misti
hann fyrri konu sína, eftir stutta sambúð. En Margrét, síð-
ari kona hans, hefir staðið við hlið hans í full fimmtíu ár.
Eins og kunnugt er, er hún mjög mikilhæf kona og hefir
reynzt manni sínum mjög samtaka í öllum áhugamálum
hans. Af fjórtán börnum þeirra eru ellefu á lífi (og ein
dóttir af fyrra hjónabandi) er það mannvænlegur hópur
og meira en meðalmannsverk er það að koma þeim öllum
til mennta og manndóms eins og hér hefir orðið raunin.
Eins og við má búast er stór ættbogi runninn frá þessum
hjónum, og mun enn betur verða. Arinbjörn var ástríkur
og umhyggjusamur heimilisfaðir, enda galt fjölskyldan hon-
um líku líkt þegar honum lá mest á. Var það fögur og til-
þrifamikil sjón að sjá hinn stóra ástvinahóp umkringja
sjúkrabeð hins deyjandi eiginmanns og föður á nóttu og
degi, vakandi yfir hverri hreyfingu hans og þörfum.
Á laugardagsmorguninn var meðvitundarlífið að fjara
út. Gamall vinur hans kom inn, laut að honum og bauð góðan
dag. Hann svaraði þeirri kveðju svo vart mátti heyrast, en
sagði svo: „Ennþá brosi ég samt“.
Hann gekk brosandi í gegn um lífið. Brosandi gekk hann
einnig á móti dauðanum. Hann vissi að dauðinn er aðeins
endurfæðing til lífsins.
☆ ☆ ☆ ☆
Arinbjörn var fœddur 22. apríl 186B a’Ö Svartárkoti í BáríSardal,
S. Þing. Foreldrar hans voru Sigurgeir Pálsson, og Vigdís Helgadóttir,
búendur þar. Þau bjuggu síðar á Þingeyrum, Víðidalstungu, Uppsölum
og Skárastöðum í Húnavatnssýslu; átti A. síSast heima á íslandi á
Skárastöðum, og fór þaSan vestur um haf 1886. 5. nóv. 1893 giftist
hann Sesselju Þorgeirsdðttur frá Hnausakoti í Miðfirði, (f. 5. maí
1875 — d. 11. febr. 1899). Ein dóttir, Aðalbjörg, lifir af því hjónabandi.
Síðai'i kona hans var Margrét Ingibjörg, dóttir Ólafs Sigmundssonar
og Helgu Benediktsdóttur, sem bjuggu á Aðalbreið í Miðfirði.
Þau Margrét og Arinbjörn giftust 5. júní 1900. Börn þeirra eru:
Emelía Sesselja, Njáll Ófeigur, Svava, Karl Lúther, Ósk, Signý, Helga
Valdís, Arinbjörn Gerard, Margrét Stefanía, Agnes og Páll Sigurgeir.
Er Arinbjörn lézt voru barnabörn hans tuttugu og þrjú að tölu.
Hann dó 13. nóv. 1951 Jarðarförin fór fram 17. s. m. frá Fyrstu
lútersku kirkju; var hún ein hin allra fjölmennasta sem sögur fara
af meðal Islendinga í Winnipeg. Mikill fjöldi samúðarskeyta bárust
úr ýmsum áttum, þar á rneðal frá Stórstúku ísiands, og Herra Sigur-
geir Sigurðssyni, dr. theol., biskupi íslands.
V. J. E.