Sameiningin - 01.12.1951, Blaðsíða 24

102
Sameiningin
Þegar ég var staðin upp, voru horfin öll táknin nema
skýið. Þá mælti maðurinn: „Þannig mun verða tilkoma
mannsins sonar á efsta degi“. Bað hann mig nú að vakna
og segja sem flestum það sem hafði borið fyrir mig. Steig
hann upp í skýið og leið það til austurs.
Vaknaði ég nú og virtist sólskin um alt húsið, svo ég
fékk greint hverja fjöl. Eftir stutta stund hvarf þessi birta“.
—Séra S. S. C., færði í letur
---------☆---------
Skarpur námsmaður
1 sumar veitti Harvard háskóli ungum íslendingi,
Friðrik A. Ólafson, doktorsgráðu í heimspeki. Doktors rit-
gerð hans nefnist Study in ihe Physicalisiic Theory of Mind.
Jafnframt var hann svo sæmdur The Fulbrighi Scholarship,
sem veitt er af utanríkisráðuneyti Bandaríkjastjórnarinnar
(Department of State). Þessi námsstyrkur innifelur ársdvöl
við Oxford háskólann, og hefir hinn ungi doktor ákveðið að
lesa við Magdalan College. Hann hefir dvalið hjá systur
sinni hér í Seattle í sumarleyfi, en leggur bráðlega af stað
til Evrópu. Áður en til Englands kemur, ráðgerir hann að
heimsækja Grikkland; þangað hefir hugur hans lengi staðið,
og máske fleiri lönd Suður-Evrópu.
Námsferill Dr. Fredericks er eins og skemmtilegt æfin-
týri. En strax finnur maður að hvergi hefir verið slegið
slöku við. Honum hefir í þrjú skifti hlotnast námsstyrkur
(scholarship), sem ekki er einungis stórheiður að, heldur
hefir að auki borið uppi námskostnaðinn af háskólanámi
hans frá því hann var sextán ára. Hann fær hæstu eink-
unnir í öllum námsgreinum, en þó eru tungumál hans
„opna bók“. Einnig kemur hér til greina persónuleiki hans
með áberandi staðfestu og ástundun við hvað sem hann
tekur fyrir.
Frederick Arlan er fæddur 1. september 1924. Faðir
hans, séra Kristinn K. Ólafson var þá þjónandi prestur hjá
íslendingum í Mountain, N. D. Árið 1930 fluttu þau séra
Kristinn og frú Friðrika kona hans (dáin 1942) með fjöl-
skyldu sína til Seattle borgar, vestur á Kyrrahafsströnd.
Hér lauk Frederick barnaskóla og miðskólanámi (High
School). Þá hlaut hann Naiional Scholarship, einn af sjö, í
samkeppni frá öllum ríkjunum, og mátti velja um nám við
beztu háskóla landsins. Hann kaus að lesa við Harvard