Sameiningin - 01.09.1954, Blaðsíða 8

62
Sameiningin
safn rita, sem orðið hafa til á sama tíma og endurspegla
eins háttar aðstæður. Hún er bók, sem orðið hefir til á
þúsund ára framrás trúarsamfélags. Hún ber vitni trú ísraels
og hinnar kristnu kirkju eins og hún var á hverjum tíma í
þúsund ár og boðar það, að Guð sé að verki í sögunni, í
öllum hennar margvíslegu myndbreytingum. Trúin ber því
mót hvers tímabils, sem er öðru frábrugðið, og þess vanda,
sem á hverri öld bar að höndum.
Vér sjáum einn þátt þessarar sögu, er ísrael lifir hirð-
ingjalífi. Annan þátt, þegar fsrael hefir tekið sér bólfestu og
ný siðferðisviðhorf myndazt við upphaf borgarmenningar.
Þá er meginvandinn orðinn sá, að hafa í gegn óréttvísi
hinna auðugu á hendur fátæklingunum og að andæfa áhrif-
unum frá heiðnum trúarbrögðum í landinu.
Enn annan þátt sjáum vér á herleiðingartímanum, þegar
svo virðist í svipinn, að sáttmálinn milli Guðs og þjóðarinnar
sé rofinn. Þá tekur hugsunin að snúast um einstaklinginn
og trú hans fremur en þjóðarinnar.
1 Nýja testamentinu segja guðsspjöllin oss frá lífi hinna
fyrstu kristnu manna, sem voru gyðinglegur sérstrúarflokk-
ur. Síðan sjáum vér, hvernig hin nýja trú er boðuð mönnum,
sem ekki voru af hinni helgu þjóð, og loks sjáum vér í
bréfunum söfnuði vaxa og þróast og þann vanda, sem að
þeim steðjar, tímabundnar spurningar, sem spurt er og
svarað. Vér sjáum kirkju þeirra tíma í viðureign við þjóð-
félagsvandamál þeirra tíma, stjórnarháttu, fátækrafram-
færslu og þrælahalds.
Á þennan hátt er Biblían lifandi bók. Hún ber svipmót
sögu hverrar aldar og þeirrar baráttu, sem átrúendur Guðs
ísraels háðu á hverjum tíma.
En nú er svo háttað málum, að engin tvö tímabil sög-
unnar eru eins. Jafnvel tveir einstaklingar, sem uppi eru
á sama tíma, eiga ekki við sömu lífsvandamál að stríða.
Hefir þá Biblían, bók sögunnar, nokkra þýðingu fyrir okkur,
sem í dag lifum, þig og mig? Úr því að hún er mótuð af
þeim tíma, sem liðinn er, getur hún þá á nokkurn hátt átt
til skyldleika að telja við nútíðina? Þar sem Biblían er lif-
andi bók í þeim skilningi, að hún hefir lifað með hverri
kynslóð sögu sinnar, getur hún þá lifað með oss, án þess að
vér eignumst nýja Biblíu, áframhald hennar, ef svo mætti
segja? Úr því að Ritningin boðar, að Guð sé að starfi í