Sameiningin - 01.09.1954, Page 24

78
Sameiningin
„Starfshyggjan hjá kirkjumönnum í Ameríku stafar
fyrst og fremst frá boðun trúarinnar úti við bygðajaðar, í
bjálkakofum, skógarrjóðrum eða á vall-lendi frumbúanna.
Guðfræðin var ekki söxuð smátt í því umhverfi. Síðar kom
svo mannfélagsguðspjallið, sem svo var nefnt (social
gospel), boðskapurinn um starfhugaðan kristindóm á veg-
um heimsmálanna. Sú stefna ruddi sér braut, þegar borg-
irnar uxu og vélaiðnaður færðist í aukana, samhliða vexti
og viðgangi ríkisskólanna, þar sem kennslu í trúarsetningum
er vísað á bug“.
„Af þeim sökum,“ sagði Calhoun, „hefir hérlend kristni
í verki og sannleika reynt að tileinka sér dómsorðið forna,
að fagnaðarboðskapurinn sé ætlaður þessum heimi.
„Vonin, sem einkennir þann boðskap, skyggnist eftir æ
gleggri opinberun guðlegs valds, og vaxandi krafti guðlegra
fyrir'heita í sögu mannkynsins11.
Þingið samþykti margs konar ákvarðanir og yfirlýs-
ingar, sem allar voru stílaðar til þessa heims, að því er ég
bezt veit. Mun þeirra síðar getið sumra, í Sameiningunni, ef
ástæður leyfa.
Yfirleitt munu Vesturheimsmenn hafa gjört góðan róm
að störfum og ræðuhöldum þingsins í Evanston. G. G.
-------------☆-------------
Bænheyrzlan mesta
Sunnudag einn í sumar, fórum við hjónin í þýzk-lúterska
kirkju. Séra Eiríkur Brynjólfsson embættaði þar samkvæmt
tilmælum sóknarprests, er var fjarverandi.
Svo segir sagan, að þetta sé elzta LÚTERSK kirkja
borgarinnar, byggð fyrir fjörutíu og fimm árum af einum
þýzkum framtaksmanni Grauer að nafni, og afhenti svo
söfnuði sínum hana með ummælum eitthvað á þessa leið:
„Hérna, drengir, er kirkjan. Notið nú og njótið samkvæmt
þörfum“. Þessi maður er nú horfinn af heimssviðinu, en
kirkjan stendur hin sómasamlegasta fram á þenna dag.
Afkomendur þessa manns eru sagðir miklir athafnamenn
bæði í búskap og embættum.
Þessi messa fór fram samkvæmt öllu lögmæti og var
hin prýðilegasta. Söngurinn var með ágætum, ræðuflutning-