Sameiningin - 01.09.1945, Blaðsíða 9

169
ríkt hér vestra á fyrstu árum. En brátt tóku félög kvenna að
myndast, er störfuðu í þarfir umhverfa sinna og víðast hvar
að safnaðarmálum. Smám saman urðu félögin athvarf safn
aðanna í ýmsri merkingu; konur vorar hafa verið á verði
um heill og heiður vors kirkjulega starfs. Þær hafa haldið
um stjórnvöl margra vorra velferðarmála og gefið þeim anda
og líf. Um síðastliðin 20 ár hefir Banadalag Lúterskra
Kvenna starfað vor á meðal. Það hefir starfrækt affarasælt
kenslustarf, sunnudagaskóla í prestlausum bygðum — staðið
fyrir sumarnámskeiði í kristilegri fræðslu fyrir æskulýð
vorn. Þess utan hefir það gefið út vandað ársrit, “Árdísi.”
Stærsta viðfangsefni þeirra og hugsjón, bygging sumar-
búða fyrir æskulýðinn, honum til fræðslu og hressingar, er
nú í þann veginn að rætast. Stórt verkefni og fagurt hafa
þær þar með höndum, með hjálp Guðs og sameinuðum
kröftum munu þær farsællega fá þvi til leiðar komið.
Og nú, þegar vér höfum horft yfir farinn veg, sækja
minningar hins liðna að hugum vorum. Minningar um menn
og konur, sem gnæfa ýfir aðra í voru kirkjulega starfi.
Sannkallaðir vökumenn, sem vel og trúlega héldu vörð um
málefni Drottins. Þeir stóðu sem “klettar í hafinu” á um-
róts og leysinga tímabili. Flestir þeirra eru nú lagstir til
hinztu hvíldar, en þakklát minning vor krýnir þá heiðurs-
sveig. Leiðin þeirra margra hverra eru lág og nafnlaus í
dreifðum grafreitum út um sveitir, í bæjum og borgum.
Minnisvarðar þeirra eru verkin, sem þeir unnu, kirkjurnar
sem þeir reistu og hugsjónirnar, sem þeir vöktu yfir og
fórnuðu fyrir. í trú á guð, sem ávöxtinn gefur. biðjum vér
hann að gefa oss marga þeim líka í nútíð og frauntíð.
Megi safnaðarlýður vor í komandi tíð vera hafinn yfir
alt yfirborðsskrum og sjálfs-auglýsingar. Guð gefi oss öllum
hina alvöruþrungnu, einlægu, barnslegu, starfandi trú, lif-
andi áhuga og fórnfúsa lund til að starfa meðan dagur er.
Áfram í Jesú nafni!
Gjöf í Missions sjóð $5.00, frá ekkju í Saskatoon.
Kaupendur Sameiningarinnar eru bsðnir afsökunar á
drætti þeim, sem orðið hefur á útkomu blaðsins — hátíða
eintakinu og nú þessu september eintaki. — Hefur sá drátt-
ur stafað af annríki í prentsmiðjunni og veikindum ritstjóra,
sem hefur legið á sjúkrahúsi í rúman mánuð.